إعلانات
لجنة التحقيق في أحداث درعا : منع كلثوم ونجيب من السفر .. ولا حصانة لمن قام بجرم مشهود
الاثنين - 13 حزيران - 2011 - 11:11 بتوقيت دمشق
التفاصيل

أكدت اللجنة التي شكلها الرئيس بشار الأسد للتحقيق في الأحداث التي شهدتها بعض المدن السورية ومنها درعا واللاذقية ودوما وبانياس وأسفرت عن سقوط ضحايا مدنيين، أن التحقيقات كشفت حتى الآن عن عدد من الحالات التي سببت ضرراً لبعض المواطنين.

وكشفت اللجنة خلال لقاء بثه التلفزيون السوري مساء أمس أنه بناء على التحقيقات التي تمت في مدينة درعا، قررت منع سفر محافظ درعا السابق فيصل كلثوم والعميد عاطف نجيب، مشيرة إلى أنه لا توجد حصانة لمن قام بجرم مشهود، موضحة أن إجراءات اللجنة أكثر من كافية لتطبيق القانون على الجرائم المرتكبة.

وفي سياق عرض الإطار القانوني لعمل اللجنة وتطبيق القوانين، أكدت اللجنة أن دورها قد يشمل دور النيابة العامة وقاضي التحقيق خلال إجراء التحقيقات، إلا أن الاتهام يجب أن يصدر عن النيابة العامة التي اعتبرتها اللجنة الركن الأساس ويجب إحياء دورها الإستراتيجي.

وأعلنت سورية نهاية شهر آذار عن تشكيل لجنة قضائية خاصة لإجراء تحقيقات فورية في جميع القضايا التي أودت بحياة عدد من المواطنين المدنيين والعسكريين في محافظتي درعا واللاذقية وذلك بتوجيه من رئيس مجلس القضاء الأعلى الرئيس بشار الأسد.

ووفقاً للبيان الرئاسي في حينها فإن اللجنة تمارس عملها وفقاً لأحكام القوانين النافذة ولها أن تستعين بمن تراه مناسباً لإنجاز المهمة الموكلة إليها كما أن لها الحق في طلب أي معلومات أو وثائق لدى أي جهة كانت.

عكس السير


التعليقات :
كريم
(1)   (0)
الى كل من يهتف للشهداء... الصراخ والتظاهر لن يفيد الشهداء وعائلاتهم بشيء. أما لجنة التحقيق لكشف قاتليهم ومعهم كل مواطن متعاون ، هؤلاء هم من يهتفون لهم بحق وذلك بأفعالهم وشجاعتهم في كشف حقيقة المجرمين مهمن كانوا ( حتى ولو كانوا محسوبين على السلطة ) وليس عن طريق الصراخ من أجل التصوير وقبض الثمن...
العقاب للجميع
(1)   (0)


واللي دمرو وحرقو ممتلكات عامة وقتلو مدنيين شو هدون معليش براءة
aboyosef
(0)   (1)
لماذا لم نشاهد حتى الآن اي واحد من المجرمين الذين اعترفوا بتنفيذ الجرائم ضد الجيش والامن والمدنيين يحاكم ويشنق بس شاطرين على الامن والجيش
سوري
(1)   (0)
اللهم انصر الحق بالحق وأهلك الظلم والظالمين هذا دعاء ارجو نشره ودعاءه من كل من يقرأه لعل السلام والأمان يعود لبلدنا الأم سورية حفظها الله أرضاً وشعباً وقيادةً
حلبي طافش وماعاد يرجع
(0)   (1)
يسلم تمك يا اخ كريم .... بس عتبك عاللي بيفهم مو عالهوش والمأجورين اللي مو عرفانين شو عميساوو .... اللهم لا تضعف انفسنا واحمي سوريا الارض المباركة شعبا وقيادة
ابو جانتي
(1)   (0)
يافرحتي منعوهن من السفر دخلك شو الانجاز العظيم
كلو حبر على ورق النتجة راحت علي راحت عليه
سبب المشاكل حسب رايكن بكفي نمنعوا من السفر شو هالانصاف ؟؟؟؟ظ
مصطفى سواس
(0)   (1)
لماذا التظاهر بعد كل هذا الحساب؟ لماذا التظاهر بعد كل هذا الإصلاح والتطوير؟ لماذا التظاهر بعد كل هذه اللجان الإصلاحية واللقاءات؟؟؟؟
من يخرج للتظاهر بالتأكيد لا يريد إصلاح ولا حرية ولا نفع البلد.
اتقوا الله, سورية بلدنا حافظوا عليها, وكفا استجارةً بالغريب والأجنبي, وكفاً تحريضاً إعلامياً.....
سؤال برسم الإجابة: لماذا لا تنقل فضائيات الفتنة والتضليل هذه الإصلاحات.
إعلام عربي مغرض فحسب, فبعد كل الاعتذارات التي نطقت بها فضائيات عالمية ذات صيت أكثر من الجزيرة والعربية والبي بي سي وغيرها, بقي الإعلام العربي يحرض ويضلل ويغرض...رغم كشف كذبه من قناة واحدة جعلته في العامية "ينط وما يحط" وهي فضائية الدنيا الشريفة.
ولكن مع كل هذا فالشعب السوري واعي وقيادته الحكيمة الواعية قادرة على التصدي لهذه المؤامرة وجيشنا الأبي قادر على التصدي لهذه المؤامرة بكل ذكاء.
باسل
(1)   (0)
اللجنة التي تتكلم عنها ماكانت لتفعل شيئا لولا الهتافات والصراخ والمناداة بحقوق الشهداء

كانت ستكون فقط حبرا على ورق
شاكر
(1)   (0)
يجب محاسبة كل مسؤل و بسرعة كلية عن كل قطرة دم .لأن الدم السوري غالي .
شاكر
(0)   (1)
يجب محاسبة كل مسؤل و بسرعة كلية عن كل قطرة دم .لأن الدم السوري غالي .
بشار
(1)   (0)
ههههه هلق بيقولوا انه جماعات ارهابية ومندسة كالعااااااادة من اولها ما فيها ثقة هاللجنة وعالفاضي المتسبب معرووووف وما بدو انسان ذكي ليعرف بس بدو انسان صادق ويحاسب مين ما كان يكووون المتسبب لو اخوه
وضاح
(0)   (1)
... ما لازم يكون في حدا فوق القانون....حدا فوق المسائلة...حلو قرار الرئيس يشوف النور ويتطبق
سرحان
(0)   (1)
صراخ الببغاوات ، حفظوا كلمات ترددها في كل ميدان ، لا يعرفون ماذت يريدون ، مرتزقة عم يقبضوا ثمن كلماتهم ، و رح يدفعوا ثمن أغلاطهم أكيد ، و بطالب كل لجان التحقيق الوصول للببغاوات و قص رقابهم و رقاب من يدفعهم و يدف لهم ..
أحيي الأمن و رجال الأمن الشرفاء ، و معظمهم شرفاء ، و أطلب الأمن من الله و ليس منهم لأنهم جنود للأمن .
حبيب الوطن
(0)   (1)
الله يخلينا هالقائد ويحمي ويحمي بلدنا انتظرو ورح ينكشفو الكل ترجع بلدنا امنه باذن الله
jihad
(0)   (1)
يجب محاسبة كل مسؤل و بسرعة كلية عن كل قطرة دم .لأن الدم السوري غالي
سنفوره
(0)   (1)
منذ متى يعاقب مسؤول عندنا ومنذ متى اي لجنة بتتشكل بتاخد حريتها في التحقيق والى كا من يشتم الطرف الاخر

يا اخي خليكون متحضرين وارفعوا مستوى الحوار
المهندس الحلبي
(1)   (0)
بعد 3 أشهر على تشكيل اللجنة تخرج وتقول بأن المتهمين كلثوم ونجيب ممنوعان من السفر؟ وأعتقد بأني قرأت على هذا الموقع الموقر خبراً مفاده بأنه تم تحويلهما إلى القضاء ؟؟؟!!!
امرأة مظلومة
(1)   (0)
ما بدن يحاسبوا الناس الي عم يدوسوا عاراس المواطنين ويرفسوهم وما بدن يحاسبوا البلطجية الي عالحواجز بحمص الي بلشوا يضبوا الناس بسبب وبلا سبب الله وكيلكن يا ناس وحق القران انا معلمة ضبوني انا واخواتي شباب تلاتة وكتر ما بكيت وعيطتت تركوني واخدوا اخواتي ولهلق ما ??نعرف اذا عايشين ولا ميتين مشان الله انشر يا عكس السير اذا كان فيكن ذرة ضمير
وعوا!؟
(1)   (0)
المنع من السفر يعني تجريم و الاتهام من صلاحيات النيابة العامة
كريم
(0)   (1)
أفهم من قولك أنه بالنسبة لك على الأقل ، الفضل كله يعود لأميركا وقنواتها كالجزيرة في اجراء مثل هذه التحقبقات. فإلى هذه اللحظة يخرج متظاهرون من هنا وهناك وفي الليل والنهار كي يتم تصويرهم ثم يهربون... وبعد لحظات (أحيانا" بسرعة البرق أي أسرع من الرعد ) يبدأ عمل الشرفاء ، على حد زعمك ، في القنوات العالمية بالضغط على القيادة السورية لكشف المجرمين الذين عبثوا بأمننا واستقرارنا.

بعد سماع كلامك ، لا أعتقد أنك تعيش في أي مكان في سورية والا فكلامك سيرعبني حقا". فقد يكون قد اكتشفت بطريقة ما وأنت تعيش بيننا أن حامينا هو أيضا" من يقتل أهلنا المسالمين منذ البداية ! هل هذا مستحيل الحدوث ؟ لنتذكر أن النظام الأميركي قد قتل أكثر من 3 آلاف مواطن أميركي في يوم واحد ، فقط ليبتز شعبه فيحظى بالقوة والمال التي سمحت له بالعدوان على أي دولة ، أو التدخل في شؤونها على الأقل ، كلما يرى ذلك مناسبا" له.

صدق أو لا تصدق ، فبالرغم من كل الفساد حولنا ( وأتحداك أن تجد لي دولة تخلو من فساد ) فان القيادة السورية وعلى الأخص الرئيس بشار الأسد هم أبعد من يفكرون في المتاجرة بأرواح الأبرياء. ولكن في الوقت ذاته هم مثلك لا يقبلون الاستسلام أمام أي تحد وكانت القرارات الحكيمة للرئيس في بداية مواجهة الارهاب المزروع بيننا فعّالة لاحتوائه. لكن الأموال المرصودة شبه الخيالية ( وهي في تزايد مستمر ) لها القدرة على اغراء الكثير من الطالحين بيننا و تهديد الصالحين أيضا" بطرق لا يعرفها الا القليل. لهذا ترى المتكلمون باسم النظام الأميركي مندهشون أمام صمود سورية الى اليوم. هذا الصمود كان لا يمكن أن يتحقق ان كان روح الاجرام في طبيعة الشعب السوري وقيادته.

فهذه اللجان ليست فقط للمحاسبة بل لكشف رؤوس الحيات وأذنابهم المتبقية المسلحة.
أبو الليل
(1)   (0)
بكيييييير لعمة شو بكييييير لسه استنو كمان شوي
Ali
(1)   (0)
هل ستتم محاسبة العناصر الامنية التي ظهرت على تسجيلات الفيديو علنا وهي تقتل وتهين المتظاهرين؟؟؟ ووجوهم واضحة وغير مخفية؟؟؟؟ مجرد سؤال
محب لبشار الأسد
(1)   (0)
ياريت المحاسبة تطال جميع المسؤولين الذين نهبوا البلد وتكون المحاسبة علنية
وياريت يطلع مرسوم جمهوري يعاقب كل مسؤول ينهب ثروات الوطن بعقوبة الاعدام لأني ما شاء الله المسؤولين ينعفوا من مهمتهم وبيتعينوا بمهمة أخرى وما عم نشوف محاسبة
نريد محاسبة وفورية
amer askar
(0)   (1)
أتقدم من السادة أعضاء اللجنة وممن سعى لتشكيلها وساعدها وساندها بالشكر الكبير مع التمنيات بأن نشاهد جلسات محاكمة علنية قريباً جداً وذلك تحقيقاً لخطاب السيد الرئيس بتوجيهاته للعمل بشفافية ولإعادة الحقوق لأصحابها
خالد البيطار ( حمص)
(0)   (1)
كمان نسيتي شو ساووا بحمص سوها خرابة ، معد حدا استرجا يطلع من البيت بعد الضهر ما بتعرفي آمتا بيمرق كام اخونجي راكبين على المتور و بصير القواص بنص الشارع ما بتعرفي آمتا بيطلعلك واحد بنص الطريق و بيضربك بالسكينة ما بتعرفي آمتا بنص الليل بقوم جارك و بيآخد مكبر الصوت و بصير يكبر من على البلكونوووو و ، هديك المرة عند دوار تدمر في حاجز ، ابن عمي هوي و مرتو كانو مارقين من هونيك وقفن الحاجز بس ألن عطونا هوياتكن ؟ شافوها و رجعولن الهويات و فتشوا ورا صندوق السيارة و قالولون الله معكن وما حكيو معن كلمة بس سؤالي يا معلمة انتي لو أخواتك ما عاملين شي أو مفظعين كانو حكيو مع واحد منهن أو أخدوه ؟؟؟؟؟؟
الرجاء النشر يا عكس السير
مهندس
(0)   (1)
عَنْ عَائِشَةَ رَضِيَ اللَّهُ عَنْهَا :

أَنَّ قُرَيْشًا أَهَمَّهُمْ شَأْنُ الْمَرْأَةِ الْمَخْزُومِيَّةِ الَّتِي سَرَقَتْ فَقَالُوا وَمَنْ يُكَلِّمُ فِيهَا رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالُوا وَمَنْ

يَجْتَرِئُ عَلَيْهِ إِلَّا أُسَامَةُ بْنُ زَيْدٍ حِبُّ رَسُولِ اللَّهِ صَلَّى اللَّهُ عَلَيْهِ وَسَلَّمَ فَكَلَّمَهُ أُسَامَةُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

أَتَشْفَعُ فِي حَدٍّ مِنْ حُدُودِ اللَّهِ ثُمَّ قَامَ فَاخْتَطَبَ ثُمَّ قَالَ إِنَّمَا أَهْلَكَ الَّذِينَ قَبْلَكُمْ أَنَّهُمْ كَانُوا إِذَا سَرَقَ فِيهِمْ الشَّرِيفُ تَرَكُوهُ وَإِذَا

سَرَقَ فِيهِمْ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا .

عندما يوضع الشريف والضعيف بنفس الميزان فلا كرامة لأحدهما دون الآخر .. عندها يحق الحق ويسود العدل وتهدأ النفوس لنصل لنظام ديمقراطي عادل لا يفرق بين مواطن وآخر فلا فرق لعربي على أعجمي إلا بالتقوى والعمل الصالح ..

ستغمر السعادة الجميع عند تطبيق الحساب على الجميع فالمخطئ حق عليه الحساب وليتحمل نتيجة خطأه وما اقترفت يداه .. يمكن أن تسامح الحكومة بحقها العام لكن حق المجتمع والمواطن لا تمتلك فيه حق المسامحة فمن يسمح هو صاحب الحق إن شاء , وإن أبى فله الحق الكامل بالاقتصاص ممن أساء إليه ..

الإناء الكبير يستوعب الإناء الصغير وليس العكس ..

لنفترض بأن بعض المواطنين بحالة ما من التوتر .. ووجود نصب تذكاري ما أو صورة يؤجج فيه هذا التوتر فلنزل المظاهر التي قد تؤدي للتوتر وبالتالي حدوث المصادمة بين مع ??ضد ..
لنستبدل هذه المظاهر بمظاهر جديدة .. سارية تحمل علم الوطن .. فلا قدسية إلا لله ومن ثم الوطن ..
السيد الرئيس منذ توليه الرئاسة أمر بالحد من هذه المظاهر ومعه كل الحق في هذا الأمر فلا داعي لخلق مظهر ومن ثم تأمين الحماية لهذا المظهر وما يترتب عليها من تكاليف باهظة من عمليتي الصنع والحماية ..


لا أحد ينكر وجود المؤامرة وبنفس الوقت يجب علينا ألا ننكر بوجود الكثير من الأخطاء التي لا زالت موجودة حتى اللحظة .. سيقول لي قائل بأن الإصلاحات جارية على قدم وساق من زيادة رواتب إلى لجان ولجان ولجان ...إلخ .
وقد أكد السيد الرئيس في كلمته الأخيرة بأن هنالك شرخ بين المواطن والحكومة .. ولكن هل يعالج هذا الشرخ بالمادة ..؟؟
هل يمكن كسب محبة ولدي بسخائي عليه وفي كل شاردة وواردة أضربه وأوبخه وأمطره بوابل من الشتائم ..؟!
هل يمكن كسب محبة ولدي عندما أضعه في خانة دنيا وولدي الآخر في خانة عليا ..؟!
هل يمكن كسب محبة ولدي عندما أحاسبه على صغائر الأمور وولدي الآخر لا أحاسبه على الكبائر بل أتغاضى عنها ..؟!
وهناك الكثير لأصل لنتيجة عقوق ولدي لي لأنني عققته ..
المواطن يحتاج للعدل والإنصاف والكرامة قبل المادة .. وهنا أحمل بعض الجهات الأمنية مسؤولية عقوق بعض أبناء سورية لأنهم عقوا إخوتهم .. قطعوا رحمهم بشتائمهم ومعاملتهم القاسية في كثير من الأحيان ..
قطعوا أواصل الحب والمحبة والرحمة ونموا بذور البغض والكراهية ..
قد يقول لي قائل وما الدليل ؟؟
أقول له شاهد تصرفات الدورية المشتركة عند مدخل حلب وستجد الكثير من التجاوزات التي تثير الحنق والغضب وتمتهن الكرامة ..
والمتابع لما حصل في سورية يجد بأن السبب الرئيسي للأزمة هو امتهان الكرامة وعدم الحساب ..
فهل هنالك من يتآمر على سورية وقائدها في الداخل ليؤجج المشاعر وليوقظ نار الفتنة فيلهب الأزمة ..؟؟

التحية لجميع الإخوة والأخوات .. والتحية لموقع عكس السير .. يرجى النشر ..
سوري وبس
(0)   (1)
منع من السفر بدل الإعدام ..................... لا حول ولا قوة إلا بالله
سوري أصيل مغترب
(1)   (0)
مترقب لما سيحصل لاحقا

وعلى قولة ابو نظير

ربي يسر
عاشق مراحب
(0)   (1)
الدولة عم تقدم تنازلات كتير للمتظاهرين واكبر مثال لجنة حماة يعني صار الامن هو المجرم واللي عم يطلعوا ضد الدولة عملوهن شهداء طب يصير هالحكي يعني يلي مابدو يطلع صار بيطلع يا جماعة هدول ما بيفهموا غير بالرصاص
ibo
(1)   (0)
والله حرام المنع من السفر شو عم يقلدو الاتحاد الاوربي الظالم
خطي بدهم يروحو استجمام بعد ما حرقوها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سفير
(0)   (0)
هذه الخطوة جيدة وتهدي النفوس بس جاءت متاخرة شوي لانه بنظري وبنظر كل مطلع على الامور التي حدثت داخل بلدي سوريا الحبيبة اعتقد ان سبب كل هذه التي يسمونها ثورة وهي بعيدة عن اي رموز الثورة سببها شخص واحد هو العميد والمحافظ ويجب على القيادة اخذ ذلك الامر بعين الاهتمام لانهم والله هم السبب بهذه النهضة الشعبية ولو جاءت هذه الخطوة اول جمعة من الاحداث ولم تكثر الاقاويل والشائعات عن تعييينهم في اماكن اخرى لكانت نامت في مهدها فنرجو من القيادة الحكيمة اخذ هذه الامور بالعين الصحيحة والسلام وعاشت سوريا
مؤيـــد للسيد المهندس
(0)   (0)
وأنا مثلك غيور على الوطن وكلامك صيح مئة بالمئة
إمتهان الكرامة هو من اوصل الشعب إلى ماهم عليه الان
فلو عولج موضوع اطفال درعا بسرعة وبحكمة وبدون إهانة لماوصلت سوريا إلى ماوصلت اليه الان
سوري
(0)   (0)
اللهم انصر سوريا والشعب السوري على كل من يتربص به ويريد به شرأ كائنا من كان في الداخل أو الخارج
الجميع زائلون وسوريا باقية
ابو فادي
(0)   (0)
يا شباب لازم نكون يد وحدة لا تنسوا كلنا سوريين ما بدنا هالاغراب يشمتوا فينا وكلنا لازم نتعاون لبناء الوطن ونطوره مو نعمل بالعكس الاصلاح ما بتم بيوم وليلة والسيد الرئيس هدفه الاصلاح فلازم نساعده على بناء الوطن و مو لازم نساعد ها لاغراب على خراب بلدنا الطيبة
شو هاللجنة الحبابة
(0)   (0)
والله نكتة يلي بيسمعكن بقول عاطف نجيب وفيصل كلثوم كل يوم ببلد حتى تمنعوهن من السفر , أصلا هنن ممنوعين من السفر بشكل بديهي بسبب العقوبات المفروضة على كتير مسؤولين من الدول الاوربية إلا إذا كان كانت سفراتهن عالصومال وجيبوتي وقتها بكون القرار في وجهة نظر , بعدين هاللجنة متل ما عم تحكي معها صلاحيات لتحاسب مين ما كان ليش ما عم تحاسب شو ناطرة من 3 شهور او لتكون مفكرة المنع من السفر عقوبة كافية لمن أهان السوريين وواجههم بالعنف , اذا هيك محاسبة المسيئين بس فشي طبيعي عدم استجابة المتظاهرين لدعوة الحكومة لهم بالكف عن التظاهر والحوار .
نواف
(0)   (0)
لماذا لا يسجنون ؟؟؟
بالميرا
(0)   (0)
بعتقد أنو أهل الضحايا في درعا هنن الأحق بإبداء الرأي بهاد الموضوع 0
ولا حدا ينسى أنو نحنا دولة مؤسسات وكل مؤسسة إلها صلاحيات معينة ومشكور يلي قال أنو المنع من السفر هو تجريم وأن الاتهام من صلاحيات النيابة العامة
فلاحدا يحاول يصطاد بالماء العكر
يرمي الكلام ويقول بكير أو تأخروا
بالنهاية الكل صار بيعرف القصد من هيك تعليقات بلا طعمة
طبيب
(0)   (0)
الى مهندس
أشكرك على هذا التعليق الرائع
مازن
(0)   (0)
هاد اللي طلع معهم بعد 3 شهور تحقيق ؟؟؟؟؟؟؟؟؟؟؟؟؟؟؟؟؟
الله يجعله اصلاح ؟؟؟؟؟؟؟؟؟؟؟
سووووري
(0)   (0)
انا بحط حالي مكان واحد من الجيش والامن
يعني لما بيجي حدا وبيستفزني وبيسبني وبينتهك كرامتي ...اكيد بدي دوس ع راسو
وشي اكيد لما الامور بتصير بالشارع بدو يصير اخطاء مشان هيك انبح صوتنا ونحنا نقول يا فهمانين انضبو ببيوتكم
انا حاسس انو رح يصير التكبير بالليل والتظاهر بعد صلاة الجمعه من السنن
لا حول ولا قوة الا بالله الله يهديهم ويرجعلهم عقولهم باسرع وقت
عبد من عبيد الله
(0)   (0)
صحيح اللي مابخافوا من الله خافوا منهم / منع سفر /فعلا عدالة غير شكل على فكره في اسماء اخرى تم الادعاء عليها لم يقترب احد منها / ربي وكلناك امرنا فيمن ظلمنا وافترا علينا / درعا الابية
!!!!!!
(0)   (0)
يا حرام منعوهن من السفر!!!! زعلتوني عليهم
!!!!!!!!!!
amr agami
(0)   (0)
الاثنين على مااعتقد اسمهم من ضمن قائمة المسؤولين المعاقبين من قبل الاتحاد الاوروبي وامريكا
يعني هيك هيك هنن ممنوعين من السفر :D مو من عندنا يعني


حلبي
(0)   (0)
منحبك يا كبير
والله يطول بعمرك وينصرك عل كل من يعاديك يا بشار الاسد يا حبيب 23 مليون سوري
حلبي
(0)   (0)
يجب محاسبة الخونة و المندسين
يجب محاسبة اللذين احرقوا و قتلوا و دمروا ووو............ سواء كانوا من درعا او من غيرها
محاسبة كلثوم و نجيب وهؤلاء الخونة مع بعضهم
هنا تكمن المحاسبة
وليس فقط كلثوم و نجيب

بالنهاية
عاشت سوريا بشار حافظ الاسد

وطني
(0)   (0)
لماذا فقط منع سفر ! يجب شنق فيصل كلثوم و عاطف نجيب في ساحة درعا !!! القصاص !!!!!!!!!!!
سوري
(0)   (0)
مادام انكم صادقين و عندكم تحقيقات بكل شي ليش رجع المهندس المصري بعد اعترافه بانه عميل و ليش طلع على مصر الله يهنيه
كفاكم كذبا و استهزاء التحقيق يجب ان يبدا بالكبارثم الاولاد
محب لسوريا الأسد
(0)   (0)
عاطف نجيب و فيصل نجيب كانوا يتعاملون مع أهل درعا و كأنهم من عالم آخر و ليسوا مواطنين سوريين كانوا يرون فيهم مصدراًً لتكديس ثرواتهم عداك عن التعامل بعنجهية الآمر الناهي فأي عنصر من عناصر نجيب في درعا كان يأمر و ينهي و يظلمون الناس فيا أعزائي لا تستغربوا ما حصل في البداية من ردات فعل و كانت محقة إلى أن ركب الخونة الموجة و عاثوا فساداً في درعا صدقوني أنه لا يوجد شعب مثل أهل درعا يقدورون و يحترمون سيادة الرئيس و هم وطنيون و حماة لهذا الوطن و لا يقبلون ما يحصل لوطننا الحبيب الآن .
مواطن
(0)   (0)
هذه هي العادة أختلفنا الأزمة والآن سنحاسب المتورطين ونحن الخصم و الحكم ...دول أخر زمن..
عالم بكل شي
(0)   (0)
أنت يا سرحان عنجد " سرحان " مانك بالهدنيا و لا لك علاقة لا من قريب و لا من بعيد أنت اللي أعد عم تسمع هالببغاوات على حد تعبيرك على قناة " الدنيا " العظيمة المبجلة ياللي هي رمز لعملية الاستحمار للشعب السوري. شو هاد مجنون يحكي و عاقل يسمع! طلعو من راسي و روح قراء تعليق الأخ بشار هاد زلمة بيفهم
عاشقة سوريا
(0)   (0)

مع أني أعرف أن (لو) تفتح عمل الشيطان.
ولكن قد تكون كل الدماء التي نزفت من جبين سوريا وقلبها من عدم محاسبة المذكوران وكنت أتمنى أن يشنق مرتكبوا هذه الجرائم وسط ساحة كبيرة ليراها جميع الناس فهؤلاء لم يراعوا حرمة لدين ولا لعرف ولا حتى حرمة الإنسانية.

الجميع يعلم بأن هناك مؤامرة ولكن فعلاً الكثيرين خرجوا وصدرورهم محتقنة مما جرى لأطفال درعا من دون تواطؤ مع أي مؤامرة .

فلو كانت المحاسبة سريعة وشديدة لميزنا بين المتظاهرين تآمراً وبين المتظاهرين تعاطفاً.

أرجو من سيادة الرئيس أن يتخذ إجراء قوياً بحق من سدد إلى سورية الطعنة الأولى والتي أصبحت مسوغاً ومبرراً لجميع الطعنات بعدها.....

طرطوسي
(0)   (0)
شكرا لكم يا سيادة الرئيس على اهتمامكم
و نرجو من اللجان المشكلة ان تاتي إلى محافظة طرطوس و ترا فساد مسؤوليها و اولهم قائد الشرطة الذي يطلب منا مبالغ من اجل تأدية خدمة عامة ارجو انت تنظرو بعين الاعتبار ان كل الناس في طرطوس مستاؤون من هذه الاعمال و شكرا
أنا
(0)   (0)
يا سيادة رئيس الجهورية المحترم والله لو حاسبت كم واحد كبار نهبوا وخانوا أمانة البلد وأهله وافتعلوا ماافتعلوه بغبائهم، والآن وليس غدا وكان حسابك علنا وسريعا وعادلا وعسيرا بدون أي تردد أو تأخير وبدون لجان فهناك أمور واضحة للعلن ولايختلف عليها اثنان ولو كان حكما بالحبس عليهم لسنوات معدودة على أقل حكم ،لكسبت ثقة الشعب السوري ولوقف الشعب كله وراءك بدون أن يدفعه أحد أو يجره أحد لذلك ولدافع كل الشعب عن أرضه وقائده بكل مايملك. المهم أن يشعر الناس بالأمان والثقة اتجاه قيادته وأن يشعر بصدق القيادة في اجراء التغييرات وتشعرنا أيضا بأن الحق بدأ يأخذ مجراه دون أن يكون حبر على ورق أو تأخير أو لجان تلف وتدور ولا أحد قادر على أخذ هيك قرار... الثقة أهم شي في الحياة أن نثق بقيادتنا وجيشنا وأمننا حتى نكون يدا واحدة وما حدا بدو الخراب لهذا البلد الحبيب الغالي على قلوبنا لأنه لن ينفعنا أحد ولن يضمنا بلد سوى الأرض التي ولدنا عليها وشربنا من ماءها وتربينا في شوارعها بحلوها ومرها فهي أمنا الحنون وحضنها أدفا حضن وأأمن حضن ومين خرج من داره قل مقداره
الله يحمي هل البلد وشعبها ويلهم قيادتها الرأي السديد والحكم الرشيد العادل. والله يهدي شبابنا لما هو خير ورحم الله جميع شهدائنا الذين كنا نتمناهم شهداء ضد اليهود والمستعمر الحقيقي وليس ضد أخ له في هذا البلد ،فإن كل من مات على هذه الأرض هو من أهلها، الله يصبّر أهاليهم ويرحم الجميع . وأضم رأيي لرأي المهندس الغيور على وطنه وياريت كل الناس يكونوا واعيين مثلك وأخيرا كلمةإلى القضاء (العين بالعين والسن بالسن والجروح قصاص) القاتل يُقتل والظالم يُظلم ولا أحد فوق القانون لا كبير ولا صغير.
مقهور
(0)   (0)
الى متى سوف نبقى صامتين , حتى نهان جميعنا , ماحصل في البياضة وبابا عمرو يجب ان يعاقبوا وفورا وبدون محاكمات لانهم انتهكوا اعراضنا وامننا, ونعرف اسمائهم فردا فردا واذا كان القضاء منصف فلياخذ حقنا منهم حتى تعود ثقتنا في الحكومة وان ليس احد فوق القانون
شوا
(0)   (0)
شو تصرفو معك الدوريه المشتركه عند مدخل حلب انا عندي معمل على طريق الشام كل يوم بعدي مرتين ويمكن اربع مرات ما حدا زعجني ولا حدا فتحلي بكاج سياره ليش بس معك صارت هذا تجاوز بعدين هدا جيشى واقف لحمايتي و حمايتك بس نحن شاطرين نحكي و نظر و نكذب
سوري
(0)   (0)
معناه شب المهندس الغيور على الوطن يريد دوريات مثل دوريات قطيعين الطرق موجودين
عند رستن ولا عند تلبيسه يوقفو ينشلو ويهينو و يكسرو سياره ما يكون المهندس بدو من هي دوريات و نحن ما عنا خبر
غازي
(0)   (0)
أنا من مدينة الكرامة والوفاء ( حلب الشهباء ) أقوال لكل هل ناس الله من عندو بحب السيد الرئيس بشار والينكر هن الدليل ( ياناس بعمر الحياة ماشفن حبات البرد في مدينة دمشق في شهرنيسان . وماصار مطر بهل غزارة وتعوا شوفو مناطق ادلب خربت كل المحاصيل الزراعية ليش _ أنا عندي الجواب ( هذول ناس ما يعروفن منع الامان فراحوا ينادوا حرية وكلام فا??ي شوا صار ( نزل المطر وحبات البرد خربت الاخضر واليابس ) وفي النهاية أحب أذكر كل السوريين بعد تنضيف منطقة جسر الشغور من المخربين على يد الجيش العربي السوري شوا صار ببساطة ( نزل المطر وهذا أكبر دليل أنو الله والشعب السوري بحبوا بشار ) وشكراً
الى غازي
(0)   (0)
عدم المؤاخذة انت شو عرفك الله مين بحب وعم ينزل المطر منشان مين ليكون عم ينزل عليك الوحي ومالنا خبر .
لنشر
(0)   (0)
اول واحد لازم يتحاسب رئيس الشرطه العس باللاذقيه يا جماعه مشاطر غير بتشليح ناس مصاري ‏‏
عأتفه الأمور والله صرت بقرف من رب العيشه بسوريا صار قرف الموضوع
مظلوم
(0)   (0)
يمكن صالح الراشد وزير التربية الجديد لا يدرك الخطر الموجود في وزارته وهو وجود أذناب علي سعد قبحه الله وأقول للسيد وزير التربية الجديد صالح الراشد انتبه
يا سيدي ترسبات علي سعد ستوقعك بالأخطاء من أمثال رؤساء الأقسام والموجهات الأوائل والمفسدين من الاداريين
انتبه قسم الملاكات قسم الشؤون الادارية ( الانسة ن معاونة ؟؟؟؟؟ ما زال الفساد موجودا
السيد غازي
(0)   (0)
هلق لانو الجيش العربي السوري طهر جس الشغور نزلت المطر لعما اذا حررنا الجولان و لا فلسطين شو بدو ينزل من السما أقل من السيد المسيح قبل وقتو مابنرضا!!!!
مغتربة
(0)   (0)
يا اخوان كل واحد فينا مسؤول عما يحصل ولم يغب عن ذهني منذ بداية الأحداث الحديث القدسي عن رب العزة تبارك وتعالى:"اني انا ملك الملوك قلوب الملوك ونواصيها بيدي فمن كان لي على طاعة جعلت قلوب الملوك عليهم رحمة ومن كان لي على معصية جعلت قلوب الملوك عليهم نقمة فلا تشتغلوا بسب الملوك ولكن كونوا لي على طاعة ألن قلبهم عليكم" هذا هو تراثنا الاسلامي وما جاءنا من عبارات مستحدثة :ثورات ,سلمية,حرية هذه كلها من الدول الغربية وهي لاتصلح لنا ولمجتمعاتناأرجو النشر
أرجو النشر
انا الغيور
(0)   (0)
شكرا للك يالجنة التحقيق انا عندي اقتراح يا ريت كل واحد عم يخرب هالبلد يحاسب لانو في كثير بس الحكم مو اهم من انو نفتش على خبايا الناس ونعاقب المظلوم ونترك المجرم خارجا والله بلدنا حلوة ورح قول كمان ايد يا يد منعمر هالبلد وشكرا الكم جميعا
سوري
(0)   (0)
الله لا يزل عزيز ؟؟؟؟ شو من شان انازحين بعد ماكنا اناس تجي نازح لي عنا صرنا نحن نروح اهم من الحور وتحقيق اهم من كل شي انازحين لازم يرجعو اليوم قبل بكرا؟؟؟ يارب تحفظ سورية واهل سورية انازحين ؟؟؟ النازحين النازحين الله اكبر على كل ظالم
بحب المنطق
(0)   (0)
شو مشان يا سيد غازي ...انو كل ما بصير سنة جفاف عنا ...نخلي الجيش يدخل على شي قرية بلكي بنزل المطر ...ولازم نجهز الجيش مشان السنة الجاي يدخل عالحسكة ..اذا صار جفاف ولا شو رأيك ؟ يا ابو فهمي !!
حلبي@@@@
(0)   (0)
حسبي الله ونعمة الوكيل
الله يرحم الشهداءالابطال
ماجد
(0)   (0)
وحياه المصحف مابقى الواحد عم يلحق رشاوي لرؤوساء الأفرع وخاصه رئيس الشرطه العسكريه اديب اسمندر بطلعلك شغله من تحت الأرض لحتى يستفاد روح شوف الناس الي عم تخرب بعدين استفاد
بالميرا
(0)   (0)
على فكرة يلي صار بدرعا من الألف إلى الياء مخطط ومدبر والسلاح كان محضر وجاهز ليطلع بدليل النداء للجهاد ويلي صار بمساكن العسكريين بصيدا أنا عندي أقرباء عاشوا الأحداث المرعبة
ودخلكن ليش كل الأحداث الدامية عم تكون بمناطق حدودية ( درعا - بانياس - الجسر - حمص ) فحاج بقى تنظروا عنجد شي بيقرف
ابو زين
(0)   (0)
يارب احفظ سوريا وقائدها الرئيس بشار الاسد للابد سيدي الرئيس كلنا معك على الفاسدين الذين يتأمرون على سوريا من الوزارء الاقتصادللماليه للاتصالات الاداره المحليه للداخليه الذي لم يحسن التصرف من بداية الازمه كرامة الموطن من كرامة الوطن الله سوريا بشار وبس
أبوعمر
(0)   (0)
ليش ممنوعين من السفر
ليش غير موقفين
ليش هم بتحاكمو وهم خارج السجن
سوري
(0)   (0)
نشكر اللجنة ونتمنى متابعة العمل على كافة المستويات فمثلا:
1- وزير العدل السابق
2- وزير التربية
3- معافبة كلثوم ونجيب فورا امام شاشات التلفزة ليكون عبررة للجميع
4- البلديات ومهندسي المكاتب الفنية
سوري من حلب
(0)   (0)
ياشياب نحن جالسين وبنقول السبب الامن بدرعااوكان في سلاح بدرعا ياابناء الوطن مين من كان السبب امن اومامرخ خالرجيه وبعدين بدنا نقول شو بعدين صار3اشهر ونحنا كل واحد بيقولشي بدنا حل الشهي خلص راح مابيرجع الله يرحمه مدني اوعسكري المهم سوريا شوبدنا حل لهي المشكله وانا بتوقع اني الحل اننانكون ايدوحده الكل مجروح ولاكن سوربا اهم من الجميع ارجوا ان يجتمع كل الشعب السوي بمسيره نسميها جمعة الوفاء للشهداء تشارك فيها الملاين وتكون اخر مسيره واخر مظاهره لمن كان يتظاهر ويكون شعارها الله وكل سوريامن القائد الى اصغرطفل بيسورياتكون مسير الحب والسلموالسلام هذا مااتمنه عشتم وعاشت حبيبتي سوريا
أسيا
(0)   (0)
قرار اللجنة بمنع عاطف نجيب وفيصل كلثوم عبارة عن قرار للإعلام ليس إلا . وبالتالي قرار مهزلة ....... فمن يريد الحل عليه أن يحاكم هؤلاء وأمثالهم محاكمة علنية أمام الناس وأمام شاشات التلفزيون وإنهاء المحاكمة خلال أيام معدودة وتنفيذ الأحكام بشكل عادل .....وإلا لامعنى لهذه اللجان
عبعال
(0)   (0)



هالتصرفات و ان اتت متأخرة ف هية قمة الصح و انشاء الله للامام و نرجع نشوف الهدوء ببلدنا بس منشان بلدنا و جكارة بعيون هالكلاب برات هالبلد
\ محمد مهند بري \ ابو نصر \من حلب \
(0)   (0)
انا مع كريم لماذا هذا التخريب بعد اليوم و السيد الرئيس بشار الاسد حفظه الله يقدم الاصلاح تلوا الاصلاح في البداية كانت مظاهرات مطالب و لكن الان مطالبين للتظاهر و لا احد يتظاهر بل يخربون فقط و الله حيوا سيادة الرئيس \ الله \ سورية \ بشار و بس \
سوري محب
(0)   (0)
هؤلاء الاثنان سبب المشكلة الحقيقية في سوريا هم سبب الفتنة والدمار والقتل ويجب محاسبتهما لاطفاء نار السوريين و الله ينصر من ينصر الحق و المظلوم
نرجوا المحاكمة لهم بحزم سيادة الرئيس و الشعب السوري كله معك
حسين الزعبي
(0)   (0)
يا اخوتي المؤامرة يلي حكا عنها سيادة الرئيس هيا صحيحة مية بالمية يعني بالعامية كانت بدها تنطلق من درعا او من بانياس كانت بدها تنطلق لئنو اعدائنا كثار والله وانا بما انو من اهل درعا وشاهد على كل شي صار بالتفاصيل والله حب الوطن والرئيس بمشي بدمنا وأقسم بالله العلي العضيم ان نفدي الأسد مو بس بدمنا بل (بأولادنا وازواجنا وشهدائنا ومالنا وكل شيء نملكة )في سبيل البلد وقائد البلد وفي اخر الكلام اقول عاش الأسد وعاشت سورية حرة ابية بقيادتة (شكر لأدارة موقع عكس السير)
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " بكرى أحلى "

9-3-2015
صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو )
( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ...


14-5-2014
فيديو .. من أطفال سوريا إلى أمهات تركيا في عيدهم
عكس السير ...


7-7-2013
23 مسلسلا في رمضان ... بعضها يدور حول الاحداث في سوريا
رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ...


4-7-2013
رغم المنع والاعتقال مسلسل "منبر الموتى" حاضر في رمضان
أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ...


24-6-2013
فرقة "مصاصة متة " السورية تشارك في مهرجان الشباك بلندن
تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ...


4-6-2013
شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً
لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ...


2-6-2013
بالفيديو .. منجزات الثوار في محافظة الرقة المحررة
"رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ...


28-10-2012
ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم
كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ...