إعلانات
بهدف ممارسة أكثر ديمقراطية والارتقاء بالحوار .. عكس السير يتيح لقرائه إمكانية المشاركة في تقييم ومراقبة التعليقات
الاربعاء - 7 آذار - 2012 - 2:23 بتوقيت دمشق
التفاصيل

نظرا لانعدام ثقافة الاختلاف، وقبول الاخر، وتحول التعليقات التي كان من المنتظر أن تكون ساحة لممارسة حرية الرأي والديمقراطية , إلى ساحة للتصادم و " الإلغائية " ، توقف موقع عكس السير عن نشر التعليقات في الموقع قبل مدة ، إلى ان تم إعداد برمجية خاصة تمكن القراء أنفسهم من تقييم التعليقات والابلاغ عن الإساءات .
 
وكانعكاس للواقع السوري المعاش , وحرصاً على العمل من أجل الحرية الملتزمة بالوطن الحقيقي، الذي يريد حاليا كل طرف أن يستأثر به لنفسه، نأى عكس السير بنفسه أن يكون منبراً للتطرف في كل الاتجاهات .
 
وتقوم فكرة البرمجية الجديدة الخاصة بالتعليقات على وجود خيارين بجوار كل تعليق، يتمثل الخيار الأول بـ " إعجاب" بالتعليق، ويتمثل الخيار الثاني بـ " تبليغ عن إساءة".
 
وتعمل برمجية " التبليغ عن إساءة" على حذف التعليق وإعادته إلى لوحة التحكم في حال حصل على 30 تبليغاً يشير إلى انه " مسيء".
 
وتهدف البرمجية الجديدة على إشراك القراء في عملية تقييم التعليقات، بهدف الارتقاء بمستوى التعليقات بما يناسب المحتوى الخبري الذي يقدمه الموقع.
 
ويؤكد عكس السير على حرية الرأي والكلمة، بعيداً عن التطرف في الرأي، لأن الحرية الحقيقية تولد من رحم سليم، وأمام زيادة الانقسام والتطرف، نؤكد على حرصنا على وحدة الوطن , وأن نبقى كما أردنا أن نكون , جسرا بين أبنائه .

عكس السير


التعليقات :
حسن
(99)   (0)
و الله شي حلو إذا كان صح
arabu
(179)   (5)
الصراحة أني كنت من متتعين أخبار عكس السير بس هلق ... صرتوا متل قناة الدنيا !!!
arabu
(147)   (1)
أحلا شي هي
تم اضافة التعليق بنجاح !!!
.. "سوف" يتم الموافقة عليه في اقرب وقت ممكن
يعني إذا عجبنا رح إنضيفوا و إذا ما عجبنا !!!!
خريانوف
(58)   (3)
بكرى جماعة x بتعمل تبليغ عن اساءة لأي تعليق صادر عن جماعة y حتى لو كان التعليق خالي من الإساءة لذلك يجب تعريف كلمة إساءة و ما المقصود بها لكي فهل يعتبر النقد البناء إساءة مثلا؟ و هل الكلام عن شخص بأنه عديم المسؤولية مع تبيان الأسباب هو اساءة ؟ و هل تكذيب الكذابين هو اساءة ؟ و هل؟ و هل؟ و هل؟ و هل ؟ و هل لقب xxxxx اساءة؟ و هل لقب y y y y y y y اساءة ايضا ؟
خريانوف
(31)   (4)
انتو قلبكم طيب زيادة عن اللزوم و خايفين علينا ما نتخابط ببعض و يصير الدم للركب عالنت !!!!!!!؟؟ شو فيها يعني لو صارت التعليقات ساحة للتصادم و الإلغائية شو المانع هي حرية اعلام . خلي الناس تعلق ببعضها طالما الأسلحة ماوس و كيبورد و شوية كلمات . الشوارع مليانة دم و جثث معلومة و مجهولة الهوية فما فيها شي إذا تقاتلنا عالنت بدوم دم ماكسيمو بيعطل الجهاز .
Dani
(14)   (2)
A step in the right way , Aksalser , go ahead
AMJAD
(55)   (14)
بدي بوس رئيس تحرير عكس السير من جبينه قيمولي هالتعليق يا شباب (احلى موقع والله وفعلا راقي بس تاني مرة لما بدكم ماتنشروا التعاليق لسبب ما نبهونا نحن قرائكم ولا تتركونا ماعم نعرف شو عم يصير لان موقعكم كنا نقول فيه ارائنا )تعلموا الديمقراطية الاول انتوا ^_* عم نمزح معكم هلا عكس السير الاحلى.بدي جرب قول عاشت سوريا الاسد بدي شوف كم لايك للتعليق >
maya
(44)   (6)
على فكرة لو انو فعلا انتم ديمقراطيين متل ماعم تحكوا ماكنتوا حذفتوا البوست الاول بصفحتكم من اقوال الرئيس حافظ الاسد (لا اريد لاحد ان يسكت علن الخطأ)بس للاسف رجعوا هاد البوست حتى نصدقكم والا كلاك فاضي وانتم اشخاص تمشون تحت الضغط والخوف لو انكم على حق ماكنتواحذفتوا البوست
مواطن
(15)   (1)
حلو هالحكي .. الله يقويكن
حلبي
(24)   (6)
عندما يفتح المجال لأراء متطرفة وطائفية كأراء رفيق لطف وجوقته اللبنانية من قبل الاعلام السوري الرسمي والخاص هذه الأراء والأكاذيب التي تستفز معظم أبناء الشعب السوري. تلك الآراء المتطرفة منهم وما تحويه من كذب ودجل وكره وعدم احترام عقل المتلقي هي التي تدفع بعض المواطنين لأخذ مواقف متطرفة أيضا ومن يشاهد الطائفي الكبير رفيق لطف وصديقه حسين مرتضى على الاعلام السوري يدك ماأقصده
مغترب
(12)   (1)
والله رح أعترف انو أنا بزماني ما كان يعجبني اسلوب موقعكن لأنو حسيتو بميل للصحافة الصفراء بقصص الجرايم والاغتصاب بس من وقت بداية الأزمة بالبلد بينت محاولاتكن للتحسين والمهنية.. شي بثير الاعجاب انو بأقل من سنة تحولتوا لهيك مرحلة من الاحترافية بهالخطوة المهمة بمراقبة التعليقات.. نشالله للأحسن والأحسن يا عكس السير
إدعاء بالديمقراطية
(73)   (5)
بس حتى تكتمل الديمقراطية تبعتكم لازم تفتحوا مجال للتعليق على الأخبار السياسية والأخبار الخاصة التي تأتيكم من سانا ومن المخابرات وهي أخبار كاذبة مئة بالمئة وتعرفون ردة فعل المعلقين عليها ولذلك لن تفتحوا التعليق عليها
مغترب
(33)   (2)
شي حلو حريه وبس
مندس
(37)   (3)
مو لحتى تنزلو التعليقات اول
haysamm
(5)   (0)
عجبني الموضوع وشكرا لجهودكم ، بس بالنسبة للتبليغات أتوقع إنو سيُساء استعماله ، فالجميع رح تبليغات للتعليقات المختلفة معها ، بالتالي الناس رح تحذف تعليقات بعضها بغض النظر إذا كانت مقبولة أو متطرفة ، بالتالي اسمحولي اقترح السماح بعمل تبليغين فقط عن كل خبر منشور ، وهيك رح يختار القارئ أكثر تعليقين تطرفاً فقط مع الحفاظ على التعليقات المقبولة ، إذا كان هذا الأمر متاح برمجياً
غزوان ابو عمار
(94)   (2)
كلام جميل ...ونرجو من القراء ان تكون كتاباتهم مدروسة وفيها فائدة والابتعاد عن التشهير بقصد الاساءة وشكرا لمنبركم
مواطن
(50)   (2)
لماذا لايسمح بالتعليق على بعض الأخبار ... وخاصة ما يتعلق بالمسؤلين مثل مبارح فيصل مقداد والرئيس و.. ولا...
أمير حلب
(49)   (0)
طالما الامر كذلك خلوا الامر ديمقراطي وبدون تجريح .
أبو أحمد
(29)   (1)
يا ريت كنتو هيك من الأول..
أفريم بشار
(132)   (0)
أقترح ادراج زر آخر (لم يعجبني) للوصول الى نتيجة أفضل باستطلاع الآراء نظراً لورود آراء غير مقنعة وليس فيها اساءة
متابع للموقع
(129)   (0)
نحتاج الى سرعة في نشر التعليقات على اي خبر لنستفيد من عملية التعليقات و تبادل الاراء بشكل كامل و شكراً.
محسن
(18)   (0)
كان بدنا ها الكلام هاد من زمان ولكن ان تصل متاخر خير من ان لا تصل
جزراوي
(19)   (0)
كنتم السباقين وستظلون بالطليعة
متفائل بغد افضل
(15)   (0)
الله يعطيكون العافية ويكثر من امثالكم لبناء الوطن الواعي ذو سوية اخلاق عالية لأن الامم اخلاق ما بقيت فإن ذهبت اخلاقهم ذهبووو
اسبر علي
(165)   (3)
انا بعتقد انو كلامكون غير صحيح لان انا كتبت اكتر من تعليق مافيه لا تجريح شخصي ولا مسبات لكن لم يتم نشره لانه جرى انتقاد رئيس الجمهورية والامن وعصابات الشبيحة والحقيقة انه مازال سياسة عكس السير هي تبنى كل ماتقوله سانا وكل مايوافق عليه الامن والمخابرات وعدم الاعتراف بشي اسمه ثورة لحد الان بدليل انه بتحطو اشارات اقتباس عند بتنذكر ثورة او جيش حر اما العصابات المسلحة والارهابيون بتكتبوها متل ماهي يعني هاي وجهة نظر النظام بصراحة منتمنى عليكون تكونو صادقين بها التوجه الجديد والا بتكونو فقدتو المصداقية بشكل نهائي
سوري حر
(146)   (5)
متل العاده رح تحطوا تعليق يلي بدهم النظام
و تعليق المعارضين مارح تحطوه لانكن مع النظام يلي رح يسقط و من ضمن يلي رح تتحاسبوا يا عكس السير
قربت والله قربت
حلبي مستقل
(221)   (2)
كل المعلقين يعرفون تماما ان تعليقاتهم كانت ان لم تكن فيها تأييد للدولة فكان عكس السير لا يظهرها ونحن لا نعلم هل لا تظهر بسبب الرقابة المخابراتية على تعليقات القراء وان عكس السير يتحمل مسؤولية نشر تعليقات حقيقة ويضغط على الموقع من قبل المخابرات وخاصة فرع المعلومات
هل سيبقى الموطن السوري لا يستطيع تقديم رأي مخالف ؟
هل المواطن السوري سيعاقب على كلمة صحيحة قالها او كتبها بالمقابل نجد الذي ينهب ويفسد ويخرب البلد يرقى ويحمى
الى متى هذه الاجراءات التعسفية بحق المواطن السوري
الى متى سيبقى المواطن لا يستطيع التحدث او النقد
ولكن اعتقد ان هذا الزمن قد ولى واصبح الشعب السوري يقول للأعور اعور امامه ولا يخاف ابدا
مواطن
(34)   (1)
اذا حصل التعليق على 1000 أعجاب
و30 مسئ هل سيحذف التعليق
وما الضمان انكم انتم لاتوظفون 30 موظف مسؤل عن الاشارة الى اساءة لكل موضوع لايعجبكم
حسام
(6)   (1)
خخخخخخخخخخخخخخخ
محمد
(6)   (0)
وهل ستنشرون كل ما يتعلق دون مراقبة ..؟؟؟ أم لا بد من المراقبة وبهدف إشراك أطراف أخرى للحذف .. باعتبار الأدمن ما بيلحق ....؟؟
وشكرا
أستاذ جامعي
(22)   (0)
يجب أن يكون :


1. أعجبني

.
.
2 . لم يعجبني

3. التبليغ عن اساءة

وكل من يقوم بالتقييم يجب عليه التسجيل
مثال : (شوفوا جريدة الرياض )
حيادي بحت
(4)   (0)
بالتوفيق لموقع عكس السير العزيز
متابع لعكس السير
(18)   (2)
بصراحة يا عكس السير هي ديمقراطية ناقصة, لأنه التعليق اللي بتوافقوا عليه بس هو اللي بيظهر على الشاشة وبعدين بتتركوا المجال للقراء للتقييم. إذا فعلاً بدكون تمارسوا ديمقراطية وتأكدوا على حرية الرأي والكلمة لازم التعليق ينشر مباشرة بشكل آلي دون تدخل من قبلكم وبعدين بيخضع للتقييم من القراء. مين موافق على هذا الكلام؟
أنس
(8)   (0)
يارب تلحقكون الحكومة بهيك خطوة!
حميد
(6)   (0)
فكرة حلوة بس لازم تحطو كمان الخيار الثاني وهو لم يعجبني مشان يصير في تنافس بالاراء ....
بعدين هذا يتطلب منكم امر اخر وهو حراي الراي والراي الاخر اي بمعنى اخر انه لايجب حذف اي تعليق طبعا ماعدا تعليقات السب والاهانة ودعوا تقيم الاراء الى المعلقين والمشاهدين وشكرا
شيار
(4)   (0)
جميل ياعكس السير
نتمنى ان يستوعب المتطرفين معنى هذا الكلام
Tears of Night
(4)   (0)
منتمنى هالخدمة الجديدة تكون بصالحنا كلنا ..

بس رغم هالشي لسا بخاف من بعض "الولاد" اللي رح يستخدم التبليغ عن الاساءة ليحذف ردود سواء كانت بتحكي لهالطرف او للطرف التاني .. بس لأنو مخالف لرأيو .. وهدول اللي بقصدن ناس بعيدين جداً عن ثقافة الحوار .. ومامكن يتقبلوا الطرف الآخر بسبب اصرارن وعندن على التشبث بموقفن حتى لو كان خاطئ ... وفي منن كتير .. وانشالله ما يصير هيك ..
بالتوفيق ..
science, logic & belief
(16)   (0)
الديمقراطية تعني في الأصل حكم الشعب لنفسه عن طريق تصويت الأغلبية.

الديمقراطية الليبرالية وجود حماية لحقوق الأفراد والأقليات من سلطة الحكومة إذ يكتسب الفرد أهمية خاصة في الليبرالية كما هو الحال عند فلاسفة عصر التنوير والذين تبنوا فكرة العقد الاجتماعي مثل توماس هوبيز وجون لوك.من ويكيبيديا، الموسوعة الحرة)

يعني من الهراء منع فئة من اللادينيين, الملحدين, اللاادريين السوريين الإدلاء برأيهم الذي يتعارض مع الغالبية السورية من الناس.
وهذا تماماً ما يقوله الإخوة المسلمين في بلاد الغرب .. اي من حق اي أقلية التعبير عن رأيها رغم عدم موافقة الأغلبية.

طالما التعبير لا يحتوي على ألفاظ نابية, تجريح متعمد بدون موضوعية, عنصرية .. إلخ لا يجوز منع اي مواطن سوري من الإدلاء برأيه.

هذا خير مثال كيف يكون هناك اختلاف بين شعبان دون أن يكون هناك تقليل احترام بينهما:
خرافة تايلاندية: الشيطان "راهو" يبتلع القمر خلال الخسوف !
http://www.aksalser.com/?page=view_news&id=3faf3f7741cfe6d91ba5f60be7ba3508&ar=620072672
في هذا الخبر اعلاه يجد الإخوة المسلمين تخاريف واساطير فيما يفعله التايلانديين وهذا لا يعني أن الإخوة المسلمين لا يحترمون ديانة غيرهم, بل يعني أن لديهم اختلاف في الرأي والخيار من حيث الدين.
يعني تعددت المُسميات ولكن تبقى كلها تخاريف وأساطير سواء كانت تحت ما يُسمى أديان سماوية أو آسيوية من هندوسية وما شابه.
فمع احترامي لإخوتي المسلمين الكرام, هم يرجمون ما يُسمى بالشيطان بالحجارة والتايلانديين يطلقون عليه الرصاص!!

بديهياً لا يجوز اخراس أحد بسبب 30 شخص لم يعجبهم تعليقه!!
اتمنى ان تكون الغاية من البرمجية اعادة فلترة وليس لعطاء كلمة الفصل لل30 محتج!!
حمادة
(8)   (0)
شي حلو كتير كتير بس ياريت تحطو خيار تالت وهو لم يعجبني بيكون احلى واحلى
متيم أسير
(6)   (0)
نشكر إدارة عكس السير لهذه اللفتة الجميلة ولكن نطلب منكم أن تضعوا خيارا آخر وهو عدم إعجاب القراء لهذا التعليق ...

يعني تكون الخيارات 3
أعجبني
لم يعجبني
إبلاغ عن إساءة

وفي هذه الحالة يكون القارئ له حرية الرأي لأن التعليق ممكن لا توجد فيه إساءة ولكنه لم يعجبني على سبيل المثال ...

وبالنسبة لإدارة عكس السير ففيها الشفافية والحرية بإبداء الرأي شرط أن لا توجد عبارات نابية أو مسيئة إلى شخصية سياسية أو دينية ....وهذا هو الشيء الرائع في موقع عكس السير .

بالنسبة لبعض المواقع التي هدفها زرع الفتنة و الإقتتال تنشر التعليقات التي تتضمن مسبات و كلام وألفاظ نابية تجاه طرف معين مما يتسبب بزرع الحقد و الكره وهذا لا يسمى حرية وإنما زرع فتن و كره بين الشعب الواحد .


إستمروا يا عكس السير بنهجكم الممتاز ونتمنى أن تحذوا باقي المواقع حذوكم الشريف والذي يهدف إلى نشر الرأي والرأي الآخر بدون تجريح أو فتن.

syrian
(32)   (1)
هههههههههههه عن جد العين تطرئكن شو أصحاب مصداقية , بس عن جد انتو صدقتو حالكن انو الكن علاقة بالإعلام,
يلا عملو يلي بدكن لأن ايمكن صارت قريبة ورح تروحو مع العصابة يلي بتمجدوها
الحر السوري
(24)   (2)
من السهولة أن تجد ثلاثين شبيح يبلغون عما يعتبرونه اساءة للنظام و هذا لا يعطي مصداقية للتعديل
حلبي واقعي
(12)   (0)
المطلوب من عكس السير الحيادية فقط .... ومحاولة تهميش دور الرقابة المخابراتية عا موقعه بشتى الوسائل... القوانين بتحمي عكس السير من المسؤولية ... بس اجهزة الامن ما بتلتزم بهالقوانين .. لهيك لازم واحد يوقف بوشهون ويقللهون لا... ما بيطلعلكو تراقبوا كل شي
syrian man
(21)   (1)
يعني هلأ اذا كتبت تعليق وذكرت فيه رأيي بهالنظام الفاشي وفيكم انتو يا مع السير رح تنشروه؟؟؟ حلو والله هيك بس ما بظن تعملوها لأنكم أجبن من هيك وشبيحة
ms
(3)   (1)
ممكن اضافة خيار يتيح للقارئ : الغاء الاعجاب مثلا فيما لو غير رأيه بشي شغلة مثلاً
ben
(1)   (0)
انشاء الله تكون هالخطوة جادة وفعلاً يكون في نوع من الحيادية بإظهار التعليقات وعدم حجم التعليقات الغير مناسبة من وجهة نظركم
حلبي واقعي
(7)   (0)
ليش بعض المواضيع اللي بتتعلق بالاحداث ومنشورة عا الصفحة مسكرين التعليق عليها ؟؟؟؟؟؟؟؟؟؟
مواطن
(2)   (0)
لماذا زر التبليغ عن الإساءة , لا يعمل بسهولة و سلاسة , زر أعجبني



أرجوكم ( نريد عدالة , و قليلا من الحرية )


خريانوف
(11)   (0)
سؤال و جيه : مدح و تمجيد و التطبيل و التزمير للنظام هل يعتبر اساءة للشعب السوري ؟؟؟؟؟؟ باعتباره نظام الصمود و التحدي و المواجهة و التصدي .
بخاف إذا طبلت و زمرت يطلعلي شي واحد حاقد عالنظام من افعالو مثلا مسجون من 10 سنين بدون تهمة أو محاكمة . أو شخص معذبينو لحد الإعاقة و التشوه . أو شخص قاتلين أهلو بطريقة مروعة. أو شخص حرم من والده خارج القطر و لا يجرأ للعودة إليه دون أدنى سبب و ربما بسبب كتاب في اللغة العربية و أو الدين الإسلامي ضبط في بيته منذ سنين و اعتبر حينها " أخونجي " . أو بسبب موظف راتبة لا يكفيه و يرى مدير دائرته كيف يشفط و ينهم منذ سنوات و يطالب بحقه بالمكافآة و الحوافز التي يتقاسمها المدير و معاونه فقط . او شخص .......... أو شخص أخر ............ بالله عليكم اجيبو .... حرام التطبيل و التزمير ؟؟؟
Kerim
(3)   (0)

ان اضافة زر - لا يعجبني - غير ضروري ابدا" . فمن لا يعجبه رأي أو تعبير ما عليه سوى أن يذكره صراحة باضافة تعليق من طرفه .

أسهل شيء يفعله انسان هو انتقاد الآخرين . أرجو أن لا نجعله أكثر سهولة باضافة زر - لا يعجبني - فاستعماله يؤذي و لن يفيد ، خاصة أن الرد يمكن أن يتمّ في أي وقت و بدون هكذا زر الذي سيخفي وراءه المشاركين الذين يريدون التلاعب بهذا الموقع الحر .
ابو عبدو
(17)   (1)
باول الثوره كان في شوية مظاهرات وطلب بعض المعلقين من عكس السير اعطاء صوره عن حقيقة الوضع من الموقع وللاسف كل معلق بيقول في مظاهرات بينحذف تعليقو وكل واحد بيقول مافي مظاهرات ينشر تعليقو وانا كتبت تعليقين متناقضين وتم نشر واحد يلي بيتماشى مع سياسة التعتيم واللامصداقيه التي يتصف بها الموقع وللاسف لازم يكون اسم الموقع مع التيار وليس عكس السير
ابو عبدو
(4)   (0)
دليل عدم المصداقيه اني ارسلت تعليق قبل شويه ولما رجعت للخبر وحدثت الصفحه ما لقيتو يا منافقين
حلب
(1)   (0)
كتير حلو منتمنى للموقع التقدم الاكبر وتكون حرية التعبير اكبر
سوري
(1)   (0)
نعم نحو التطور والتجديد
moufidabbas
(2)   (0)
طيب مابدكم تنشروا بالاول التعليقات ولا المزاجية اولا؟... آه على رأي "الفنانة العظيمة دادوو"
سام عبد الله
(0)   (0)
ارجو ان تتوفر امكانية تراجع عن التقييم للخبر مثلا ان قام شخص بتقييم احد التعليقات بانه اعجبه بدل انه سيء او بالعكس وذلك عن طريق الحطا .
فوجود امكانية التراجع تسمح له بالتصحيح .

2 او اكد على ملاحظة وردة سابقا بانه يفضل ان يوضع خيار ل لم يعجبني اضافة الى الخيارين الاخرين وذلك قد يكون هناك خبر غير سيء لكنه لم يعجبني .
او الغاء فكرة وجود تقييم اعجبني والبقاء على سيء فقط .
لكم الشكر والى مزيد من النجاح
طيب
(1)   (0)
طيب لنشوف هالحيادية.
ابو عبدو الحلبي
(2)   (0)
1000 لايك و 100 براااااااافو
الى سوري حر
(5)   (1)
والله انتو بضحكو كليوم بقلك قربت شي بلعيد وشي براس السنة ،مسخرة ولله وبحب قللك انو نجوم السما اقرب لك
مواطن حلبي
(6)   (0)
ما في جوائز ل يلي بيحصل عأكتر عدد من الاعجابات
حبي لوطني
(12)   (0)
والله لو كانت الحكومة صادقة وشفافة لكانت الدنيا غير الدنيا ولما وصلنا الى ماوصلنا اليه ولكن كتر الضغط يولد الانفجار حتى عكس السير الذي يدعي الشرف لا ابرئه من الفساد
سوري
(10)   (0)
يعني شو الفايدة من هيك اجراء اذا التعليق لا ينشر قبل الموافقة عليه.. يعني ضحك على الزوار و عذاب على الفاضي.. بقا لا تقولوا انو الزوار هني بقيمو التعليقات.. لسى الموقع هو بقيم و بحط.. الشغلة التانية مع احترامي للمبرمج اللي عامل هالشغلة.. مانها احترافية بنوب و فيني انا بلغ على تعليق و سكروا بدقيقة وحدة.. يعني فوق مانو مفلتر التعليق الزوار بخلو التعليقات اللي بتهمهم
proudly syrian
(3)   (0)
أنا من رواد عكس السير ولفترة سنوات... الموقع حيادي إلى حد يشكر عليه كما أنه كان ينشر الكثير من تجاوزات حكومة عطري وتعرض للكثير من المشاكل.
أحمد
(3)   (0)
يا ريت يكون في شي مماثل لتقييم المواضيع !!
كرم
(3)   (0)
حلووه جداً هالشغلة تعتبر حرية الرأي و أنا أعجبني هذه الخاصية جداً.......................
شكراً عكس السير مع التقدم و الوفاء
شكراً
المحامي الحلبي
(5)   (0)
شكرا لموقع عكس السير على هذه اللافتة الكريمة وان كان ينقصها بعض التعديلات....مثل ان يكون التعليق ينشر بشكل مباشر والجمهور يتكفل بحذفه من خلال التبليغ ومثلا ان الاعجاب بالتعليق يجب ان يمسح الاساءات لانها تعبر عن الاغلبية.....
المهم اتسائل لماذا لا يجرؤ عكس السير على نشر اي استبيان او استطلاع للرأي مثل كل المواقع ذات الصيت العالمي....فهي تعبر عن رأي الشريحة السورية وخاصة الحلبية..واخص بالذكر المواضيع الحالية بالبلد...
Abu Ammar
(1)   (0)
Good job, and we are in the (mahjar) look daily at your site for news, sometimes we get chocked with your bias to the government that is so clear to the limit that we think that your site is run by shabeeha then we go and look at Syria news, where we also get surprised with shabeeha flavor news, still you are the best but please please stay balanced and stay with the Syrian people because in the long run, these who will support you not a government that will change soon even according to the new distoor .. Allah be with you and show you the right path ameen
ابوالوليد
(13)   (0)
اتمنى من موقعكم الكريم اتاحة التعليقات على اخبار زاوية السياسة واتمنى ايضا ماتحجبو التعليقات اذا في خبر عن رامي مخلوف او سيريتل مثلا ... مو هيك الدستور اللي صوتنا عليه ب نعم ...يمكن ما راح تنشروا
مالك الحزين
(1)   (0)
بالدستور الجديد نافذالمفعول يحق للمواطن التعبير عن رأيه بكل حريه وضمن حدود (الأداب العامه والوحده الوطنيه) وغير ذالك فالحريه للرأي كفلها الدستور؟؟
صلاح
(4)   (0)
شكرا على هذا التطور الملحوظ ومواكبة التطور الجاري بس سؤال
ليش لازم نحط كود عند التعليق ؟ يعني للسهولة احسن اذا مافي كود وخاصة اذا داخل من الموبايل
مواطن حر
(7)   (0)
هذا لا يكفي ويجب ان يظهر كم عدد التبليغ عن الاساءة مثل المعجبين حتى نعرف الحقيقة
رأي خلاق
(5)   (0)
أقترح ادراج خيار جديد تحت مسمى (لم يعجبني) لاستبيان رأي الغالبية في ما يخص التعليقات و تعرية من يدعون جزافا أنهم أغلبية و استيضاح حقيقة العالبية الحقيقية
كفرنبل
(1)   (0)
شكراً يا عكس السير على الخيارات الجديدة
Me
(1)   (0)
اعجبني
لم يعجبني
تبليغ عن اساءة
هيك لازم يكون التقييم مو متل فيس بوك الفاشل لايك و بس ..
لازم الي ما عجبني تعليقو اعطيه دس لايك على خلقتو ..
بو علي
(2)   (1)
شو ما عملتوا بتضلوا مندسين و أحباركم مشبوهة الهدف
بلغوا عن التعليق اذا انشر
أبوعلي
(2)   (0)
بادرة جيدة منكم ومشكورين ياعكس السير
وفقكم الله لخدمة الوطن والمواطن
مراقب
(7)   (0)
انا مع الفكرة ولست مع الحذف الا بحالة ان التعليق مسيئ لاي ديانة او به كلمات نابية
ولا شو لبفليده اذا كاب الالغاء بيد البعض ضد الاخر
اعلامي
(5)   (0)
لحقوا كومنتات هلأ ياعكس السير اذا بتلحقوا
عاقل
(3)   (1)
المثل يقول : مجنون يحكي وعاقل يسمع ...

ولدي حكمة ارجو ان تقبل الاعجاب وهي :
اذا وجدت نفسك مغتصبا عليك أن تتمتع قليلا افضل من الآلم ..؟ ودون تعليق ؟؟؟
علي
(11)   (0)
بس شو منشان التعليقات بنرد اليوم بينزل التعليق بكرا طيب كيف بدنا نتناقش؟؟؟؟؟؟؟؟؟؟؟؟؟؟؟؟؟؟
حلبي حر وافتخر
(34)   (1)
الى ادارة عكس السير المحترمين

الرجاء ثم الرجاء الاعتراف بوجود فئة واسعة معارضة للنظام في الشارع السوري والحلبي تحديداً ونشر تعليقاتهم على قدم التساوي مع الإخوة المؤيدين .
عم جرب
(18)   (1)
الحرية حلوة و ماحدا ضد الحصول على الحرية إلا العبد
متابع من خمس سنين
(11)   (1)
عكس السير يا جماعة بكل بساطة عم يلعب على كل الأحبال وبده من الله الناس تزور الموقع ويصير فيه حركة وبالتالي بينجذب المعلن ليحط إعلانو بهالموقع التحفة.. لأنو باختصار الموقع على وشك الافلاس وبده دعم من وين ما كان المهم مصاري.. والدليل إعلانات غوغل اللي دخلت جديد عالموقع وطبعا هالشي كان من شهر مو موجود وما كنا نشوف غير الاعلانات السورية,, والدليل التاني إنو إدارة الموقع نأت بنهج سياستها عن الشعار المعتاد من خمس سنين لحتى ما يزعلوا المعارضين وبهالحركة الغبية مفكر حالو عكس السير صار محايد وما واقف بصف حدا.. واخيرا بحب قلو للسيد عبد الوهاب إنو يفتح التعليقات على كل الاقسام ولا يعمل علينا ديموقراطي على هوا مزاجو وإذا بدو دعم مادي فلا يخجل لأن مو عيب الواحد يركض ورا لقمة عيشو بس العيب إنو يستغبي الشعب ويفكر حالو ما حدا فايق وشايف ومتابع.
مجمد
(2)   (0)
ياعكس السير !!!!
قال تعالى بأول اية انزلت أقرأ ...
ثم قال هل يستوي الذين يعلمون والذين لايعلمون
والرسول قال اطلب العلم ولو في الصين
ثم قال اطلبوا العلم من المهد الى اللحد
ثم قال الشاعر
العلم يرفع بيوتاَ لاعماد لها والجهل يهدم بيوت العز والكرم
ثم قمنا بالكتابة اليكم اكثر من مرة نرجوكم فيها ونقبل اياديكم بأن تمنعوا نشر اي تعليق لايكتب باللغة الفصحى
لأان لغتنا الجميلة هي اساس العلم والقراءة وبها نستطيع حمل راية الثقافة وتعلم تاريخنا وبناء مستقبلنا واذا اردتم الإستمرار بقبول الأراء المكتوبة باللغة العامية فإنكم تساعدون على دق المسمار الجديد في نعش لغتنا الحبيبة
ارجوكم مرة اخرى على الحفاظ على لغتنا وحضارتنا وكذلك على مستقبلنا
مطالب
(13)   (0)
يجب ايضا اضافة تاريخ ووقت التعليق اسوة بالموايقع الاخرى و ليعلم القارئ كم كان وقت التعليقات
سوريةةةة
(9)   (0)
موقع ممتاز بالنسبة لي حاليا لااقرأ غيره مصداقيتة رائعة ينقل الحدث بشفافية شاملة وبرأيي أفضل من جميع المواقع برافو عكس السير وشكرا لكم
يامن
(9)   (0)
والله شئ جميل ورائع .
احمد
(5)   (0)
ليست الديموقراطية يااخوتي ان ننتقد الاخرين وان نضع لانفسنا مسكنات ابليسية نرضي بها نفوستا وعقولنا فهذه بئس الديموقراطية الانسان والمسلم الحقيقي هوا من يبدء باصلاح وانتقاد نفسه وبيته ومن ثم فلينتقد من يشاء وكيف شاء واختم بهذ الحديث القدسي عن أبى الدرداء قال – قال رسول الله صلى الله علية وسلم : إن الله عز وجل يقول " أنا الله لا اله إلا أنا مالك الملوك ، وملك الملوك ، قلوب الملوك بيدي وان العباد إذا أطاعونى حولت قلوب ملوكهم عليهم بالرأفة والرحمة ، وان العباد إذا عصوني حولت قلوب ملوكهم عليهم بالسخط والنقمة فساموهم سوء العذاب ، فلا تشغلوا أنفسكم بالدعاء على الملوك ، ولكن اشغلوا أنفسكم بالذكر والتضرع إلي أكفكم ملوككم
SyRiAn.GhOsT
(6)   (1)
عاشت سوريا حرة آبية

لنشوووووف رح يطلع هالتعليق ولا بكون نشفط متل غيروووو
واحد من الناس
(3)   (1)
يعني هلء ما بقا في داعي نبوس ايدكن بختام كل تعليق مشان تنشرولنا ياه ؟!

ربما هي مفارقة, وربما هي من ضروب السخرية ان يضع موقعكم الكريم هذا الخبر في قسم بكرا احلى, ويستهل هذا الخبر بـ"بهدلة أدبية" لرواد وزوار الموقع.

ولعل افضل ما يقال في مثل هذا المقام هو انه لولا ندرة المواقع التي تتمتع بالنذر اليسير من الصدق والشفافية والموضوعية ( بما لا يتجاوز الـ10% على احسن تقدير ) كموقعكم الكريم, لما رأيتمونا نزوره... اي كما يقال بالعامي "تضرب القلّة شو بتذل" .

نراكم تدورون دائما في فلك "القناة الدنيا" ومثيلاتها, وتترددون بين مدارات قريبة, ومدارات اقرب.

الى ان يهديكم الله, او يرزقنا بمنبر حر يعبر عنا بكل صدق وشفافية, ودون مراجعة للجهات الامنية المختصة, لكم منا كل تحية واحترام على محاولات تخدير الشارع المستمرة.

وقاعدين الى ان يرزقنا الله البديل.
adam
(1)   (0)
بعد فترة طويلة اجا على بالي ازوركم بعد ما انقطعت عنكم قرات هل موضوع قلت في نفسي معقول جرب لنشوف ممكن يكون تغيروا وفعلا جربت لاحظت انها شعارات فقط بيظهر عدد المعجبين بالتعليق فقط والغير معجبين بترموهم برا شو هل تقنية وهل عقلية وهل تقدم وداعا حتى عام اخر ممكن تتغيروا
ديب
(3)   (2)
والله كذابين متل قناة الدنيا قدوتكم
بشوش بيك اللغم
(4)   (0)
سؤال لعكس السير :

لماذا التعليق على الأخبا السياسية ممنوع ؟!!!!!!!

والا بده موافقة من فرع 999
haysamm
(1)   (0)
طيب شو منشان أكتر واحد بيأخد لايكات ... ما بيطلعلوا جائزة ؟؟؟ خخخخخخخخ
SyRiAn.GhOsT
(5)   (2)
وهي للمرة المليون مابنزل التعليق يلي عم اكتبو



اي حاج كذب علينا اصلاً مابتفرقو شي عن الإعلام السوري الكاذب

انشرررررررررررر
يالله .... يا ....
(2)   (1)
حاج ديمقراطية مشان صحتكم
المتنبي
(12)   (0)
يحق للأدمن ما لايحق لغيره ....
حلبي حر
(2)   (0)
لك اي مو بالاول لتكونو عم تنشروا التعليقات يلي عم ننزلها ؟؟

لسه اذا بتنزلوا شي تعليق يمكن يسكرلولكن الموقع

بعرف انا بعرف والله

مصطفى
(1)   (0)
الرجاء من موقع عكس السير أن يضعوا إشارة (لا يعجبني) بالإضافة لإشارة (يعجبني)
أبو علي هتلر
(23)   (2)
هي نكتة لكسر الملل:
اسماء المطربين بالانجليزي :

رابح صقر = winner falcon
حياة الفهد = life of acheetah
ماجد المهندس = Majed the engineer
... راغب علامة = he wants a mark
... راشد الماجد = the adult majed
أم كلثوم = the mother of eat garlic
شيماء = something of water
أصالة = bitch
أحلام = king kong
فضل سافل =Fadl mother fucker
عبدالله
(5)   (0)
لك يا جماعة عكس السير البرمجية فيها خطأ كبير انا كل ما طلعت من الصفحة وفتلا مرة تانية بحسن صوت
يعني اذا بدي بحذف شي تعليق بخمس دقايق
و بعدين ضيفو عداد لرفض التعليق مشان تكونوا شفافين اكتر
أبو علي هتلر
(9)   (1)
للنشر والتعميم

رئيس المخابرات الداخلية الإسرائيلية الأسبق (آفي ديختر) يتغزل بالمعارضة السورية و يسأل أين الجامعة العربية و أين الامم المتحدة
ويحيي ثوار بابا عمرو وإدلب ودرعا

هنيئا لكم بأصدقائكم يا رعاع اسرائيل

والفيديو موجود على اليوتيوب على الرابط التالي:

http://www.youtube.com/watch?feature=player_embedded&v=ITZbr7L2rcE

أو اكتبوا (رئيس الاستخبارات الإسرائيلية يتضامن مع الشعب السوري!!؟) وقوموا بالبحث على اليوتيوب
بالمناسبة المسؤول الاسرائيلي يخاطب أصدقاؤه الثوار العملاء باللغة العربية

أرجوا النشر يا عكس السير ليعرف العالم من يقف وراء ما يسمى بالثورة السورية

سوريا الأسد أرض الممانعة والمقاومة ستسحق العملاء الخونة وأسيادهم

وإلى الأبد الأسد قائدنا وسوريا بلدنا ولو كره الكارهون
وسوريا فوق الجميع
بدون تعليق
(3)   (1)
ليش ما تحط لم يعجبني التعليق مو مشان شي مشان الديمقراطية
سيرين
(3)   (0)
اتابع بصمت هههههههههه
أفلاطون
(2)   (1)
عن أي ديموقراطية تتحدثون ياعكس السير ,وأنتم تحجبون عن قرّائكم حق التعليق على الأخبار السياسية في حقل ( سياسة) ؟ هل تعتقدون أن الشعب في سوريا لازال طفلا ولم يبلغ سن الحلم السياسي بعد؟ أم تعتقدون أن السياسة بسوريا حكرا علي فئات معينة ؟ أفيدونا باركتكم الآلهة ؟
حلبي قحي
(3)   (0)
الديمقراطية ليست بالتعليقات المسيئة للمجتمع .والأخوة المتابعين لعكس السير عليهم التعليق تتمة للحدث...وفائدة بالتعليق... وليس فقط للمشاركة أو للنشر
وأطلب من أدارة الموقع السماح بالتعليق على كل ماينشر..والخبر المنشور يجب توضيحه أكثروأكثر.....وأخيراًنشكر عكس السيرعلى هذا المنبر الحر ونتمنى أن يكون حراً أكثر وليس منحازلأحد حتى نكون في قمة المصداقية..لان الكلمة الصادقة تدخل للقلب والعقل معاً
انتو حكيتوا
(3)   (2)
أكبر موقع منافق في الدنيا بعد قناة الدنيا
لكزس
(1)   (0)
ننــــــــــــــــــــــــــــــــــاديكم ، نشـــــــــد عـــلى اياديكــــــــــــــــــــــــــــــــــــــــــــــــم، ونقول الله يهديكم !! ليش ما عاملين خيار لم يعجبني او (ديسلايك)!!
مواطن غيور
(0)   (0)
شو رأيكم يا أهل الخير نعمل استبيان
هذا الاستبيان مؤلف من عشرة أسئلة تتضمن مجموعة محاور رئيسية حول النظرة المستقبلية لتحسين الليرة السورية
وكل واحد يوضع سؤال مقترح والاجابة بنعم او لا
مثلا
سؤال: هل تعتقد ان السبب الرئيسي لانخفاض قيمة العملة عائد لضعف التصدير؟
مغترب مشتاق ®
(2)   (0)
شو منشان التأخير بنشر لتعليقاتنا؟

عسى أن تكون هي بدل التأخير بالنشر، و إلا شو فائدتها إذا كل التعليقات (تعليق تعليق) لازم تمر على مقص الرقيب تبعكن ؟

بدكون تسامحونا ؟؟!!
اسبر علي
(1)   (0)
لماذا يا عكس السير يا صادق يا كبير يا فهيم التعليقات من مدة ثلاثة ايام الى الان في تاريخ 11/3/2012 الساعة الرابعة عصرا وين مصداقيتك وديمقراطيتك واقتبس من كلامك ""نظرا لانعدام ثقافة الاختلاف، وقبول الاخر، وتحول التعليقات التي كان من المنتظر أن تكون ساحة لممارسة حرية الرأي والديمقراطية , إلى ساحة للتصادم و " الإلغائية " ، توقف موقع عكس السير عن نشر التعليقات في الموقع قبل مدة ، إلى ان تم إعداد برمجية خاصة تمكن القراء أنفسهم من تقييم التعليقات والابلاغ عن الإساءات .

وكانعكاس للواقع السوري المعاش , وحرصاً على العمل من أجل الحرية الملتزمة بالوطن الحقيقي، الذي يريد حاليا كل طرف أن يستأثر به لنفسه، نأى عكس السير بنفسه أن يكون منبراً للتطرف في كل الاتجاهات .

وتقوم فكرة البرمجية الجديدة الخاصة بالتعليقات على وجود خيارين بجوار كل تعليق، يتمثل الخيار الأول بـ " إعجاب" بالتعليق، ويتمثل الخيار الثاني بـ " تبليغ عن إساءة".

وتعمل برمجية " التبليغ عن إساءة" على حذف التعليق وإعادته إلى لوحة التحكم في حال حصل على 30 تبليغاً يشير إلى انه " مسيء".

وتهدف البرمجية الجديدة على إشراك القراء في عملية تقييم التعليقات، بهدف الارتقاء بمستوى التعليقات بما يناسب المحتوى الخبري الذي يقدمه الموقع.

ويؤكد عكس السير على حرية الرأي والكلمة، بعيداً عن التطرف في الرأي، لأن الحرية الحقيقية تولد من رحم سليم، وأمام زيادة الانقسام والتطرف، نؤكد على حرصنا على وحدة الوطن , وأن نبقى كما أردنا أن نكون , جسرا بين أبنائه ."" ههههه بتضل انتي واحد من الاعلام السوري وفهمكون كفاية
Riad
(0)   (0)
Democracy and libety arabs only for nikè and no working
science, logic & belief
(5)   (1)
تحية زميل, ليس دفاعاً عن اصالة التي صوتها يقرفني بزقزقته الكريهة (يعني متل صوت حك 5ليرات على بلّور زجاج)!! ولكن لا يجوز شلف

أعراض الناس بهذه الطريقة.
لا يجوز يا أخي الكريم قول عاهرة bitch على اختك بالوطن أو على أي انسانة لم تفعل شيء من الناحية الجنسية أو الإنسانية دون دخولنا إلى

التفاصيل.
لا أدافع عن موقف أصالة من النظام السوري ولست هنا لأحدد من هو الذي على حق.
كل مافي الأمر هو أنّي أنزعج حين أجد ابناء بلدي يزرعون لغة السب, الكره, الحقد بين بعضهم.

يعني قل الله يهديها ويشفيها ويسامحها, في حال أردت التعبير عن موقفك منها.
ايضاً لا يجوز قول mother fucker ناكح الأم لأن والدته لا علاقة لها أولاً ولأننا أرقى من هذه التعابير ثانياً.

أمّا باقي تعليقك زرع الضحكة في قلبي ودماغي, ربي يزرع الضحكة في حياتك.
عذراً, أنا لا أحاول لعب دور المصلح الإجتماعي هنا, ناهيك عن أنّي أيضاً قد اشتم حين افقد اعصابي وأحارب هذه العادة السيئة دائماً.

أشكرك جزيل الشكر على تعليقك عن الجنرال الإسرائيلي مع رابط الفيديو.
Mil.Ka
(2)   (0)
كلام جميل لكن من التطبيق هنالك ملاحظات:
1- يمكن بسهولة وضع لايك بينما في حالة الاساءة تنقل لصفحة اخرى لما... هذه اعلملية تسبب ضجر وعدم رغبة في المتابعة او لا تؤدي مهمتها يجب ان تكون بنفس كفاءة لايك ( منال لكم من يوتوب لايك او دس لايك حسب اشارة اليد)
2- يمكن في كل مرة وضع لنفس الشخص عدد لا محددود من الايك بمجرد تحيث الصفحة رفريش او العودة من خبر لخبر.. اين الموضوعية هنا . اعتقد من الاسلم ان يكون البرنامج مرتبط ب أي بي للجهاز او المتصل والافضل حجز اسماء حتى لو كانت مستعارة ل كل أي بي بحيث نحدد الشخص ون خلال رمز الجهاز. وتتساوي الحقوق هنا. ولو قارنتم بعض التعليقات لرايتم ان بعضها حصل على ارقام اعجاب كبيرة وفي الحقيقة يعتبر مسئ للموضوع او يسب حساسية معينة واخطرها طائفي وعشائري هناك املثة كثيرة.
اتمنى التوفيق لكن يتوجب التحديث الشكل الحالي مسئ اكثر من مفيد لامكانية التلاعب بشكل كبير وبالتالي تحوير الراي العام وتشويش علية

ارجةا ان تتقبلوا مروري
وارجوا الرد منكم
سوري
(3)   (0)
حبايبي صرلي زمان بتابعكون و حفظان كل شروط النشر لكل المواقع و الكل بينشروا إلا أنتو و بالعادة لبين ما تنشرو التعليق بتشيلو الخبر من الصفحة الرئيسية بصراحة بدكون كتير لتصيرو إعلام شبه حر
عندي سؤؤؤال كتير مهم وضروري نفهم هل الشي
(2)   (0)
أنا خايف انو هي لعبة قذرة عم تصير كيف؟
يعني بكرة إذا الواحد اعجب بتعليق ما وكان هاد التعليق له وجه نظر فيه ممكن مؤيد وممكن معارض وصار في اعجاب أو تبليغ عن اساءة ......
أنا شو يالي بعرفني انو هي البرمجية هي موضوعة تحت اشراف اجهزة المخابرات وكل واحد ابدى برأيو يتراقب وينعرف بالأبي تبعو وتاني يوم بيصير ببيت خالتو وينجاب وبكون راحت عليه بس لأنو أبدى رأيو بحرية
واللهي رح نضل بخوف شو ما ساويتو وبحياتنا ما رح نقدر نحكي بحرية بس الله كبير
الصقر الجارح
(1)   (1)
صراحة موقع بعيد جدا عن الشفافية والمهنية ...
ابن حلب الشهباء
(7)   (1)
لاتخاف هي منشان يحسسوك انه صار عنا حرية حقيقة ولو هل شي غير مظبوط كنت انا اول واحد قبضوا عليه
بس انا ما عم حط اسمي الحقيقي
مشان الشبيحة مو مشان الدولة وليس خوف على نفسي بل على اهلي اكثر
سوريا
(2)   (1)
مرحبا ادارة موقع عكس السير
أنا من متابعي موقعكم منذ نشأته
ولكن أريد أن اقول كلمة أرجو ان
تتقبلوها:

"العمل الوطني الحر والانتقاد البناء هو عمل واحد وكتلة غير قابلة للتجزأة"

أرجو منكم نشر كافة التعليقات
المؤيدة والمعارضة، وهذا سيكون لكم رصيدا قويا في المستقبل
سواء رحل هذا النظام (وانه اراحل)
أو بقي. ولكي لايطبق عليكم المثل
العربي السوري الشهير

"مشتهي ومستحي"

أطلقو العنان لأصوات الحق لكي
تتدافع عن بلدها ضد هؤلاء الهمجين قتلة الاطفال
علاء الحمداني
(4)   (0)

سبحان مغير الأحوال


الحرية
(4)   (0)
الحرية الحقيقية هي تعبير عن الرئي بشكل جيد و صحيح و ليس الشتم والسب و القتل ؟؟؟؟
مواطن يحب بلده
(0)   (2)
انا اقترح يصير النبي رئيس للتحرير .... يمكن يعجبكم رأيه.... على الأغلب مارح يعجبكم
محامي معارض
(3)   (1)
انا محامي معارض الفساد في سورية ومعارض القبضة الامنية على نفس المواطن ومعارض اذلال المواطن السوري لكنني اعارض وبشدة التدخل الاجنبي ببلدي وفرض الاصلاح من الطامع المستعمر والاستقواء بالاجنبي على السوري مين من كان ومعارض تدمير البلدبايدي اولاده وحرق الحضارة السورية العريقة
إبن سوريا
(3)   (1)
أنا كمواطن سوري لا أصدق أن هنالك دمقراطية في بلدي إلا عندما أقرأ مقال على عكس السير لا أشعر به التحيز الكامل للنظام وأن يستطيع المعارضون نشر مقالاتهم من خلالكم بكل حرية ودمقراطية وذكر أشخاص بمناصب عليا بالبلد لكن دون الإساءة والشتيمة لهذه الشخصية
فهل سيكون ذلك ؟؟
طالب شحاد
(1)   (0)
يعني جد ما بعرف شو احكي اضحك والا ازعل ابكي والا ابتسم كثير بهمكن اذا صار مشاحنات عالنت لك خطرلي بس جملة هو انو سبقنا اميركا واوربا بهل الخطوة هههه لك ((((يا زلمة باميركا ما صارت صارت بسوريا ))) في متل بقلكن اييييييييه يا سفرجل كل عضة بغصة ونحنا كل قرار بكون صغير هالورق بس بجلط عالحقيقة وعقولة عمو قذافي (( الى الامام الى الامام ))
سميح ابوصالح ـ روسيا ـ الجولان
(0)   (0)
تطور جيد.. وعكس السير موقع رائد ... ولكن ينبغي قبل كل شيء الاهتمام بالمظهر . اي تصميم الموقع ككل .. فهو غير مريح ..حروف النصوص صغيرة جدا والوان الاطارات والاعلانات فاقعة وتموضع الفقرات الافتتاحية شبه عشوائي ...والوجهة الرئيسية للاخبار الرئيسية غير مريحة بعدم امكانية التحكم بها ... حبذا لو تشتشير عكس السير فنان تصميم وليس مجرد مصمم مواقع .. لأن الشكل في اي مادة معروضة للنشر ، هام جدا .. ولم يعد المضمون الجيد كافيا .
ابن سوريا
(1)   (1)
الحمد لله الشعب السوري افهم شعب وارقى شعب واشجع شعب
والكل بيعرف يعلق منيح
بس المشكة يالثقة مايكون التعليق
فخ منصوب للشباب المعارض
fatima
(1)   (0)
أعتقد إن أردنا أن نكون منصفين ،علينا أن نترك التعليقات التي حصلت على تبليغات بالإساءة حتى تتوضح للقارئ فعلا أنها مسيئة ،وهو الذي يحكم
ثاني شي،أنه التعليق يحذف اذا صار 30 تبليغ عليه هذا أمر غير عادل ،يجب أن ححذف أن يحصل على نسبة أعلى من 50% من الذين صوتوا على هذا التعليق وعليه يحدد إذا كان يستحق الحذف أم لا.
واقترح ايضا أن يكون هنالك صفحة تميز أصحاب التعليقات المميزة.
رأئي فقط.
حلبهاي حر
(0)   (1)
عاشت الصين ويسقط جينتاو المجرم..

وشكرآ عكس السير لأننا نعلم حجم الضغوط الممارسه عليكم من حكومة جينتاو ومجرمينو
سمعكون الاطرش
(1)   (1)
ايمتا بدنا نصير ببلدنا نحكي يلي بدنا ياه ايمتا ببلدنا بدنا نخلص من الكزب والنفاق الزايد كتيررررر لك ياجكاعة يلي نازل ضغطو يتابع قناة الدنيا خمس دئايء بينجلط شي مو طبيعي تحريض طائفي كزب نفاق يعني في شغلة هالنظام مو فاهمها او انو ما بيعرف الشعب السوري شو هوي انو لو بيضل بيقتل منا الاف وملايين مالح نسكت ومالح نهدا لنسقط النظام وناخد بتارنا من كل هالمجرمين وبالنسبة للتار منقول للنظام لاتلوم اي حدا بيصير مجرم لان انتو ولدتو ا فينا حقد اتجاهكون ليوم الدين ومالح ننسى ابدا هدمتوا بيوتنا شردتو عيالنا قتلتو شبابنا لك حرراااام بيكفي بس والله باذن الله منتصر??ن
ابوعادل
(1)   (0)
ابو علي هتلر؟؟؟؟ اذا بتشوف اسخف منك واكثر جهلا وانحطاطا .. ابقى انتحر... العمه هلكتنا مسخره عليك
AAA3
(0)   (0)
Its really appreciated step and strongly recommended, Aks Alser wishing you the best with success and at the same time hope so the idea to be generalized and implemented in all our Syrian sites
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " بكرى أحلى "

9-3-2015
صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو )
( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ...


14-5-2014
فيديو .. من أطفال سوريا إلى أمهات تركيا في عيدهم
عكس السير ...


7-7-2013
23 مسلسلا في رمضان ... بعضها يدور حول الاحداث في سوريا
رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ...


4-7-2013
رغم المنع والاعتقال مسلسل "منبر الموتى" حاضر في رمضان
أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ...


24-6-2013
فرقة "مصاصة متة " السورية تشارك في مهرجان الشباك بلندن
تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ...


4-6-2013
شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً
لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ...


2-6-2013
بالفيديو .. منجزات الثوار في محافظة الرقة المحررة
"رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ...


28-10-2012
ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم
كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ...