قناة الجزيرة : وثائق تكشف تغلغل روسيا داخل قوات النظام في سوريا ( فيديو )

أحيانا بفكر أنو روسيا ليش عبتعادي كل دول العالم أو على الاقل بتختلف مع باقي دول العالم كرمال سوريا والخنزير بشار … يعني سوريا مافيها لا نفط ولا غاز ولا هي مهمة بأي شكل من الاشكال إقليميا ولا سياسيا ولا أي دولة في العالم معبرتها غير لبنان …. فليش روسيا تخسر دولار واحد كرمال ولاشي … ليش تخسر علاقات تجارية واقتصادية وسياحية وسياسية مع دول مهمة متل أميركا واوربا وتركيا وحتى دول الخليج العربي كرمال هاد الحشرة بشار …

بعد فكر وتفكر بلاقي الجواب :
أنو مهما كانت هي الدول إعلاميا واقفة مع الشعب السوري وثورته إلا إنو فعليا ما حدا واقف معنا هي إذا ما كانو عبيتآمرو مع بشار ضدنا …

– ببداية الازمة كان الموضوع أنو بعض دول الخليج عرضت على بوتين خود مية مليار ولا تتدخل بسوريا …وبوتين رد :(( رح آخد مية مليار على كل شي رح اعملو بسوريا … أنا بحسن بقتل الف بس إن عطيتوني مليار بقتل مية فقط …أنا بحسن بحرق مدن سوريا بالنووي بس إن عطيتوني مليار بقصفهم فقط بالفراغي والنابالم … أنا بحسن بضرب كل مدن سوريا دفعة وحدة بس إن عطيتوني مليار رح أضربهم وحدة وحدة … أنا بحسن امنعكم أنو تدخلو إغاثة عالمدن المنكوبة بس إن عطيتوني مليار بسمح ببعض الشاحنات تدخل … أنا بحسن امنعكم تدخلو المعونات الطبية بس إن عطتيوني مليار بسمح لكم تدخلو بانادول فقط …

وبالآخر أنا بحسن أبقى فسوريا ادبح فيهم واخلي شعوبكم تغلي من سياساتكم وتجاهلكم لمأساة سوريا ومن مزاحمة اللاجئين السوريين إلهم في معاشهم ببلادهم…بس إن عطيتوني مية مليار بعد كل هالمليارات بفكر وقتها انسحب …أو يمكن أبقى …ويمكن أدعم شعوبكم ضدكم ويصير فيكم متل ماصار بسوريا وابقى أنا عبنشف عروقكم …))

– لحد تاريخه لم تفرض أي عقوبة على روسيا كرمال سوريا …بل بالعكس ..صفقات سلاح (عربية روسية ) وإدخال العملة الصعبة لروسيا على قدم وساق باستثمارات متنوعة كرمال بوتين يرضى على باقي العرب وما يتدخل بأكتر من هيك عن طريق تحالفو مع البعبع الإيراني …

– لحد تاريخه لم يطرد سفير او قنصل روسي أو تاجر روسي على الاقل أو تنفرض عليه عقوبة أو منع دخول إلى أي دولة من الدول الصديقة للشعب السوري …
– لحد تاريخه ولا أي دولة من هي الدول رضيانة تعترف بجواز سفر قد يصدره الائتلاف …لحد تاريخه كل تلك الدول ما بتعترف بغير جواز النظام …وكافة الاوراق الثبوتية لأي مواطن سوري إن ما كانت مصدقة من حكومة النظام فلا قيمة لها … وكلهم بيعرفو أن تجديد الجوازات من عند النظام عبدخلو شهريا ملايين الدولارات …

– لحد تاريخه وبعد ما تقتل نص مليون سوري مافي ولا دولة سمحت يدخل مضاد طيران واحد إلى الجيش الحر … لا بقرار من أميركا ولا تهريب عن طريق أفراد …مع انو في عصابات إتجار بالمخدرات في كولومبيا وافغانستان وغيرها عندهم هالمضاد …
– لحد تاريخه الدعم للشعب السوري من الدول الصديقة ما بكون غير بالخيم ومواد الإغاثة وبعض الاسلحة الخفيفة اللي من شأنها فقط إطالة فترة الازمة … هن ما بدهم من الميت يموت …بدهم إياه يتعذب لحد ما يموت فما بيعطوه الترياق ليشفى ولا بيخلوه يموت ويرتاح … كل ما وصل للموت بيعطوه شوية أدوية يبقى فيها صاحي يتعذب

– لحد تاريخه روسيا ما انشكت إيدها شوكة بكل الازمة السورية … فقط موضوع الطائرة الروسية اللي اسقطت بالغلط من تركيا فقامت كل دول العالم صارت ترجف وتطالب الصفح من روسيا وأولهم خنازير العرب …