|
تبين أنهما هربا خوفاً من ردة فعل الأهل على رسوبهما .. نشر الخبر في عكس السير يعيد الطفلين " يزن ويامن " إلى منزلهما بعد شهر من غيابهما الاحد - 5 أيلول - 2010 - 17:31 بتوقيت دمشق
التفاصيل
عاد الطفلان " يزن " 14 عاماً و" يامن " 15 عاماً إلى منزلهما بعد خروجهما منذ قرابة أكثر من شهر لمعرفة نتائج الشهادة الاعدادية في حمص ، ولم يعودا . وروى الطفل " يامن " قصة اختفائه واخيه لعكس السير , قائلاً " ذهبت انا واخي لمعرفة نتيجة شهادة التعليم الأساسي ، وصدمت برسوبي مما أفقدني الوعي والصواب ، وأصابني خوف شديد مما ستكون ردة فعل أهلي " . وتابع " ذهبت وأخي يزن إلى كراج البولمان بقصد الذهاب إلى قرية جدي بمنطقة مصياف ، وبدون سؤال أو استفسار ، مرت سيارة بولمان ركبنا فيها على الفور ، لنجد أنفسنا في كراج بولمان طرطوس " . وأضاف " جلسنا إلى جانب من مجموعة من الشباب يلعبون الشدة ، وتبين لنا من حديثهم أن هناك مطعم بحاجة إلى عمال ، حيث ذهبنا إلى هذا المطعم ، وعملنا فيه طيلة هذه الفترة ، وكان صاحب المطعم يحثنا على الاتصال بأهلنا في حمص ، وهو يعرض جهاز جواله ونحن بدورنا كنا ندعي ونكذب أننا اتصلنا والأمور على ما يرام " . ومن جهته قال والد الطفلين " كاسر درويش " لـ عكس السير في رده عن سؤال كيفية ومعرفة مكان طفليه " شاءت الأقدار أن أحد عمال المطعم الذي يعمل فيه طفلي ، وهو من حمص أيضاً قرأ خبر اختفاء يامن و يزن في موقع عكس السير ، وقام على الفور بإخبار والده ويدعى ابو سميح ، والذي قام بدوره بالاتصال بنا على رقم هاتفنا المنشور في الموقع " . وتابع " أخبرت العائلة بالأمر حيث توجه العديد من الأقارب إضافة إلى أبو سميح والد العامل الذي شاهد صورة الطفلان ، ودخلنا المطعم بشكل هادئ ومفاجئ ، حيث التقيت بأبنائي وكانت لحظة تعجز السطور عن التعبير " . وختم حديثه " أتوجه بالشكر والتقدير باسم عائلتي إلى إدارة عكس السير ، وخاصة مكتب حمص ولقيادة شرطة حمص وعناصرها للمتابعة والجهود المستمرة " . أكرم سلايمة - عكس السير - حمص مواضيع متعلقة : يزن ويامن .. طفلان خرجا لمعرفة نتائجهم في امتحان الشهادة الاعدادية ولم يعودا حتى الآن
شارك الخبر على :
|
التعليقات :
هبه
(0)
(0)
الحمد الله على سلامة يامن ويزن اله يحميهون ويخليهون ويحفظون لأهلون .بس بدي أول كلمة لكل الأهالي لاتخلو أولادكم بحالت رعب من النتائج النهائية لئن هنن ولحالون بكيونو متوترين فلاتزيدوها عليهون عشان مايصير معكون متل يامن ويزن.
بدون اسم
(0)
(0)
الله يسامح كل اب وام بيخلو ولادون يوصلو لهيك مرحلة من الخوف
والله يهدينا جميعا
وانشالله بتفرحو بالنجاح قريبا
والله يهدينا جميعا
وانشالله بتفرحو بالنجاح قريبا
مغتر
(0)
(0)
اتمنى لكما التوفيق والتعويض في السنة القادمة انشاء الله وما عاد اتعيدوها ابداً
مستغربة
(0)
(0)
وتابع " أخبرت العائلة بالأمر حيث توجه العديد من الأقارب إضافة إلى أبو سميح والد العامل الذي شاهد صورة الطفلان ، ودخلنا المطعم بشكل هادئ ومفاجئ ..............................................وثم قتلوهم قتلةً مويتيةً على العملة السودا اللي عملوها
عكل حال الحمدلله على سلامتون
عكل حال الحمدلله على سلامتون
مواطن
(0)
(0)
أخ من طيش شباب زكرتونا بأيام مراهقة ومنيح هيك مو غير هيك وبتمنى يا شباب تعقلو وتنجحو سنة جاية وترجعو لرشدكم
ضائع في هذا الزمان
(0)
(0)
حمدالله على سلامتهم يارب
علاء الدين
(0)
(0)
اي الف الحمد الله على الاسلامة يارب الله يوفق يامن ويزن وينجحهم
حمصي اصيل
(0)
(0)
الحمدلله على سلامتهم والله كنا كل يوم ندخل على عكس السير لنطمن على هؤلاء الاطفال وهاي الحمدلله رجعوا لاهلهم سالمين والحمدلله الله ماراد يكسر بخاطر الاهل عشان يعيدو مع اهلم وشكرا لعكس السير على اهتامهم الشديد في هذا الامر وبكثير من الامور
حسان
(0)
(0)
اكيد اكلوا قتله حشك ولبك بعد هالفصل الناقص
د. مهند
(0)
(0)
الحمدلله على سلامة الأبناء وسلامة العائلة الكريمة.
أرجوا عدم التشديد في تربية الأولاد فمعظم المشاكل التي تحدث والجرائم والاخبار التي يغر الدمع لها هي معظمها بسبب الجهل التربوي واتباع اساليب كانت لتربية أجدادنا رحمهم الله
نحن في زمن غير ذلك الزمان.
بارك الله فيكم فريق عكس السير وصاحب الموقع الذي اتمنى منه بذل المزيد من الجهد في اعادة برمجة الموقع وليس هكيلته ليتناسب مع المواقع المرموقة
أرجوا ازالة التعليمات التي تقوم بفتح المتصفح بكامل الشاشة عند زيارة موقعكم ربما كانت تعليمات جافا سكربت أو ما شابه لست ملم.
واعادة هيكلة وجود الإعلانات التي تعمل تلقائيا عند فتح الخبر وشكرا لتفهمكم.
أرجوا عدم التشديد في تربية الأولاد فمعظم المشاكل التي تحدث والجرائم والاخبار التي يغر الدمع لها هي معظمها بسبب الجهل التربوي واتباع اساليب كانت لتربية أجدادنا رحمهم الله
نحن في زمن غير ذلك الزمان.
بارك الله فيكم فريق عكس السير وصاحب الموقع الذي اتمنى منه بذل المزيد من الجهد في اعادة برمجة الموقع وليس هكيلته ليتناسب مع المواقع المرموقة
أرجوا ازالة التعليمات التي تقوم بفتح المتصفح بكامل الشاشة عند زيارة موقعكم ربما كانت تعليمات جافا سكربت أو ما شابه لست ملم.
واعادة هيكلة وجود الإعلانات التي تعمل تلقائيا عند فتح الخبر وشكرا لتفهمكم.
سالي
(0)
(0)
الحمد لله على السلامة وإذا يعني رسبت المهم تكون بخير والسنة الجاي دروس منيح وبيفرجها الله حرام عليكن أهلكن
ابو العمرين
(0)
(0)
حمداًلله الذي اطفأنار الخوف والقلق وأزال المجهول عن قلبي والديهما والف مبارك على رجوعهم الى منزلهم
نائل شنون
(0)
(0)
اولا شكرا لعكس السير الذي من خلاله تم معرفة مكان الطفلين
ثانياً : سياسة الترهي ضد الطفال في الدراسة والمتحانات غير مجدية
ثالثا : تشغيل اليد العاملة في سورية ومشاكلها , فكيف لصاحب المطعم مع كل احترامي له أن يشغل طفلين لديه بدون معرفة أهلهم وموافقتهم .
أيضاً غياب عقود العمل يسبب مثل هذه الحالات واكثر
في الحقيقة لموضوع يحتاج لرؤية اكبر
وفي النهاية مبروك لعائلة الطفلين عودة ابنائهم بالسلامة
ثانياً : سياسة الترهي ضد الطفال في الدراسة والمتحانات غير مجدية
ثالثا : تشغيل اليد العاملة في سورية ومشاكلها , فكيف لصاحب المطعم مع كل احترامي له أن يشغل طفلين لديه بدون معرفة أهلهم وموافقتهم .
أيضاً غياب عقود العمل يسبب مثل هذه الحالات واكثر
في الحقيقة لموضوع يحتاج لرؤية اكبر
وفي النهاية مبروك لعائلة الطفلين عودة ابنائهم بالسلامة
لولو
(0)
(0)
الله يسامحكن على هل العملة بكرا بتكبرو وبتصير ابهات وبتعرفو وبتقدرو شو عملتو بأهلكن حتى لو خفتو من ردة الفعل مابصير مو هاد الحل اتحملو كنتو كم كف شوي وبنتسى الموضع بكل الاحوال الحمدلله
moufid abbas
(0)
(0)
الحمد لله على سلامتكن ياملاعين يالله لا عاد تكرروها بشان ما تلوعو اهاليكن عليكن وانشاء الله تكونوا استفدتوا من هالتجربة اكيد مارح تنسوها ورح تحكوها لولادكن ولولاد ولادكن
هبة
(0)
(0)
الحمدلله مبروووك
حميدو
(0)
(0)
التعامل مع المراهق شغله بدها حلم الله بس لازمما نفهم ولادنا انو اذا رسبوا او قصروا المشنقه عم تنتظرهم بالبيت الله لا يمتحنا
حسان
(0)
(0)
بس بدهم قتله حشك ولبك منشان ما يعيدوها
محمود
(0)
(0)
ولك الحمصيين نهفة
ابو حميد
(0)
(0)
لو كنتو ولادي لخلعتكن قتلة حشك ولبك يا اندال لكن هيك بترعبو ماما وبابا
مغتربة
(0)
(0)
الحمد الله على السلامة والله يحفظهم بس بدي انبه انو الضرب للاولاد غلط كبير
سوري اصيل
(0)
(0)
الحمدلله على سلامة الاخوين
وياريت الاهل ببلادنا يشوفو مسلسات لانو هي اسرع طريقة لتعليم الشغلات المنيحة والمومنيحة بنفس الوقت
لانو مافيني قول ياريت يقروا كتب تربية الاطفال!!!!
على كل حال انشالله بالنجاح في السنوات القادمة
ملاحظة>>>شكرا للاخوة اللي عم يسالو عني بالموقع وبقلون عودتنا قريبة انشالله ...ادعولنا بالتوفيق ...تحياتي للكل
وياريت الاهل ببلادنا يشوفو مسلسات لانو هي اسرع طريقة لتعليم الشغلات المنيحة والمومنيحة بنفس الوقت
لانو مافيني قول ياريت يقروا كتب تربية الاطفال!!!!
على كل حال انشالله بالنجاح في السنوات القادمة
ملاحظة>>>شكرا للاخوة اللي عم يسالو عني بالموقع وبقلون عودتنا قريبة انشالله ...ادعولنا بالتوفيق ...تحياتي للكل
جورية الشام
(0)
(0)
الف الف مليووووووون تريليوووووووون مبروك وحمد لله على سلامتكم ورجوعكم لاهاليكم وبتمنى ما تعيدوها حرام عليكم الماما والبابا الله وحدو بيعلم شو صار فيهممم
بس يا ياهاليهم شكلكم كنتوا صارمين زيادة عن اللزوم لا تنسوا انكم عم تتعاملوا مع ولادكم وهنن بسن اللمراهقة وهل السن خطرة جدا وبدها معاملة خاصة }}}} عم تنظر الفهماانة ههههه
المهم بدنا الحلوااان وما بدي وهااا بدي الحلوااان
حلاوة حمصية بيمشي الحال هاا }}} مفجوعة
بس يا ياهاليهم شكلكم كنتوا صارمين زيادة عن اللزوم لا تنسوا انكم عم تتعاملوا مع ولادكم وهنن بسن اللمراهقة وهل السن خطرة جدا وبدها معاملة خاصة }}}} عم تنظر الفهماانة ههههه
المهم بدنا الحلوااان وما بدي وهااا بدي الحلوااان
حلاوة حمصية بيمشي الحال هاا }}} مفجوعة
سنفور معارض
(0)
(0)
الله يكون بعون الأهل على ولاد هالأيام
ما شاء الله حولنا ما تركنا شيء ما عملناه فيهم
الله يعفي عنا ويطول بعمرن ما في شيء بالدنيا بيسوى الواحد يزعل اهلو
ومافي كلمة بالدنيا احلى من كلمة الله يرضى عليك يا ابني
ما شاء الله حولنا ما تركنا شيء ما عملناه فيهم
الله يعفي عنا ويطول بعمرن ما في شيء بالدنيا بيسوى الواحد يزعل اهلو
ومافي كلمة بالدنيا احلى من كلمة الله يرضى عليك يا ابني
نزار
(0)
(0)
الحمد لله على سلامتكم وباذن الله السنة الجاي بتنجحوا بعلامات عالية ... وكمان الاهالي تراعي شوي ابنائها بفترة الشهادة وتقدر كل هالتوتر يلي بيكون فيه الطالب
وما تعطي نتائج مسبقة انو هالطالب رح يجيب علامة عالية ااو لازم يكون من الاوائل
كلشي بوقته حلو
وما تعطي نتائج مسبقة انو هالطالب رح يجيب علامة عالية ااو لازم يكون من الاوائل
كلشي بوقته حلو
علاءuae
(0)
(0)
الحمد لله على السلامة والله لتاكلو قتلة مامرت عليكم ابدا بس هلئ على شان الموجودين بس مشالكن ياها ابوكم بس طولو يالكن ليرقلكن شوي خخخخخخخخخخ مافي مجال في قتلة غير شكل
ياسر
(0)
(0)
انا معي طلاب بالصف رسبوا بس انا بعتقد انو مو الحق عليهن الح على الأهل يلي مخلين ولادهن يلتهوا بغير شغلات متل الدخول الى المواقع المشبوهة و تداول الأفلام و الصور العارية بين اصضقائهن و التدخين و الحكي على النت من الموبايل لأنو الأهل ما رح يحسو على ولادهن اذا دخلو من الموبايل ومشاهدة الفلام والدخول الى مواقع وصور عارية على النت هي من اهم المشاكل يلي بتأدي لهاد الشيو غير هيك اهمال الامهات ولادهن و السهر عند الجيران و عند الأصدقاءو الأولاد بالبيت ما بنعرف شو عم يساوا ولا شو عم يعملو ........... هي المشاكل من اهم المشاكل لضياع مستقبل الجيل الجديد
سوريا
(0)
(0)
واجب المدارس تعليم الاولاد وفي حالة فشلهم هذا دليل على فشل التعليم .
وواجب المستشفى تعالج المريض مو تخرجو على المقبرة
سلام يا بلدي.
وواجب المستشفى تعالج المريض مو تخرجو على المقبرة
سلام يا بلدي.
ريتا
(0)
(0)
الحمد لله عالسلامة وألف مبروك وان شاء الله السنة الجاي بتنجحو بالتاسع ...
وديرو بالكن هالمرة سلمتو ووقعتو بايدين ولاد حلال ومو كل مرة بتسلم الجرة
وديرو بالكن هالمرة سلمتو ووقعتو بايدين ولاد حلال ومو كل مرة بتسلم الجرة
شامي
(0)
(0)
الله لا يعطيكن العافية انت وياه
قليل شو بيكون صار بامكم وابوكم
لك ما تنضربو على قلبكم وتدرسولكن كلمتين
قليل شو بيكون صار بامكم وابوكم
لك ما تنضربو على قلبكم وتدرسولكن كلمتين
عبعال
(0)
(0)
انا بدي اشكر صاحب المطعم يلي ما استغلهن , طبعا تعليقي حسب الرواية يلي قريتها و التفاصيل الواردة
مغترب في بلدي الثاني
(0)
(0)
الحمد لله على سلامة الشباب
شغلتوا بالنا
منيح اللي انقضيت على هيكــ
بس مابصير يتعالج الخطأ بخطأ
يا يامن واخوه
الا مايدروا اهلكم بقى مو حرام عليكم اللي ساويتوه فيهم طيله الشهر
ماعملتوا حساب المسكينه امكم
شو ممكن يخطر ببالها شغلات
الله يهديكم بس
وبوصيكم
وبالوالدين احسانا
اخوكم
شغلتوا بالنا
منيح اللي انقضيت على هيكــ
بس مابصير يتعالج الخطأ بخطأ
يا يامن واخوه
الا مايدروا اهلكم بقى مو حرام عليكم اللي ساويتوه فيهم طيله الشهر
ماعملتوا حساب المسكينه امكم
شو ممكن يخطر ببالها شغلات
الله يهديكم بس
وبوصيكم
وبالوالدين احسانا
اخوكم
مطر ايلول
(0)
(0)
يخرب بيت سنتكن اذا مابدكن قتل حتى تدوخوا على كلن الحمدللة عالسلامة
أبوحسون
(0)
(0)
الحمد لله على السلامة بس لا تعيدوها.....
حلبي بالةسعودية
(0)
(0)
أي مايكونو ولادي لحتى ساويلهن قتله حشك ولبك وخلي الأمم المتحدة تحكي بها القتلة أول الشي لأنن رسبووتاني شي لأنن تركو البيت وراحوووووووووووو
(شو رأيكن فيني أب عنيف صح أي عبمزح أي الف الحمد لله عالسلامة وشغلة عادية ان شالله السنةالجاية بتنجحوا أحلى نجاح يارب )ههههههههههه
خلوني جيب أمهم لولادي بالأول بعدين بفكر كيف بدي أقتلهن حشك ولبك يالله باي أدعولي الله ييسر علي جيب أمهم لحتى حطهن بعيوني هن وأمهم
(شو رأيكن فيني أب عنيف صح أي عبمزح أي الف الحمد لله عالسلامة وشغلة عادية ان شالله السنةالجاية بتنجحوا أحلى نجاح يارب )ههههههههههه
خلوني جيب أمهم لولادي بالأول بعدين بفكر كيف بدي أقتلهن حشك ولبك يالله باي أدعولي الله ييسر علي جيب أمهم لحتى حطهن بعيوني هن وأمهم
لين
(0)
(0)
لما حطيتو قصتن وهنن مختفين في شب علق وقال اكيد راسبين وهربو والكل اكلو بلا ملح بتعليقاتن وبالاخير طلع كلامو صح عكلن الحمدلله عكلشي
حلبي
(0)
(0)
والله بدكن قتلة تتكسر عضامكن فيها بس والله طلعتو اذكياء ولاقيتو شغل هههههههههههههههههه بس شي بضحك وبرافو عليكن قدرتو تدبروا اموركن ولا تعيدوها فهمتو وجع
أحمد
(0)
(0)
أكيد لو ما أبوهم مهددهم بالضرب والقتل المبرح والفرم والتنتيف كان ما هربو واختفو
بس المشكلة على جهل الأباء وزرع الخوف والرهبة في قلوب أبنائهم
لازم تكون العلاقة بين الاب والابن متل الرفقة والاصدقاء .. مو متل القاضي والمجرم
بس المشكلة على جهل الأباء وزرع الخوف والرهبة في قلوب أبنائهم
لازم تكون العلاقة بين الاب والابن متل الرفقة والاصدقاء .. مو متل القاضي والمجرم
بكالوريا
(0)
(0)
آخ من هالجيل شو هالقصة؟؟لك ربنا قال بالقرآن "وان جاهداك على ان تشرك بي ما ليس لك به علم فلا تطعهما و صاحبهما في الدنيا معروفا"يعني اذا كان اهلك مشركين بالله عز وجل عاملهم بالمعروف بقى كيف اذا كانو ا بدن يغلطوا بحقكم ومو بحق الله بكم كلمة وكم قتلة؟؟ بتخرب الدنيا يعني؟؟حتى تعملوا بأمكم هيك!!!!!!
ميرو
(0)
(0)
بحضي بدكون قتل! وأنا لو كنت محل أبوكون لعطيطكم قتلة حشك ولبك!
وإنتو ياعكس السير ارحمونا شوية مو كل مين طلع برا بيتو ومارجع بتعملوها قصة!
ياعمي صرت بخاف ع ولادي ينزلوا الشارع مشان هيك شغلات!
الله يسامحهون والحمدلله ع سلامتهون!
وإنتو ياعكس السير ارحمونا شوية مو كل مين طلع برا بيتو ومارجع بتعملوها قصة!
ياعمي صرت بخاف ع ولادي ينزلوا الشارع مشان هيك شغلات!
الله يسامحهون والحمدلله ع سلامتهون!
اي لاااااااااااا
(0)
(0)
والله اذا الاهالي مرعبين الاولاد شو يساوو
العما اخدت مرة بالابتائي 4 من 10
مااسترجيت اروح عالبيت
ولسا في اهالي بخلو الواحد ينتحر من ورا الدراسه
اوف
عكل حمدلله عسلامة صحتكن بالدني اهم شئ
العما اخدت مرة بالابتائي 4 من 10
مااسترجيت اروح عالبيت
ولسا في اهالي بخلو الواحد ينتحر من ورا الدراسه
اوف
عكل حمدلله عسلامة صحتكن بالدني اهم شئ
matador
(0)
(0)
لازم الحزر وينن بالخبر القديم ياخد من عكس السير مكافاة
ماقنالكن من الاول فركوا لاني رسبانين
والحشا اذا بساوي ولادي هيك لافسخن بيت النص
والحمدلله عسلامتن!!!
ماقنالكن من الاول فركوا لاني رسبانين
والحشا اذا بساوي ولادي هيك لافسخن بيت النص
والحمدلله عسلامتن!!!
ممتاز
(0)
(0)
اولاد مساطيل
ابن المارتيني
(0)
(0)
الف مبروك
كركوش
(0)
(0)
والله مو مستاهلة الشغلة هريبة!!!!
كلها قتلة وما كانت
يعني اذا بتجي الشغلة الي القتلة من بابا أحسن من جلي الصحون بالمطاعم يا عين عمكن
بس قلكن شغلة:
طلعتو كدعان وقد حالكن
وبالنهاية الحمدلله عسلومة يا حمومة!!!!!
كلها قتلة وما كانت
يعني اذا بتجي الشغلة الي القتلة من بابا أحسن من جلي الصحون بالمطاعم يا عين عمكن
بس قلكن شغلة:
طلعتو كدعان وقد حالكن
وبالنهاية الحمدلله عسلومة يا حمومة!!!!!
عيون المها عاشقة سوريا بحلوها ومرها
(0)
(0)
أنا لا أدافع عن خطأهم ولكن أعتقد أن فزاعة الأهل هي المسؤولة عن معظم التصرفات الغير ناضجة التي يقوم بها بعض الطلاب ...
أذكر حين كنت صغيرة كيف كانت أخاف من العودة إلى المنزل بعد ا كل إختبار
كنت أخاف من أمي ونظراتها إلي
و أخاف من ذاك التحقيق الذي كانت تجريه و كأنني متهمة ..
و إن كنت أقول لها نسيت الاسئلة التي جاءت بالاختبار كانت بعصبية تقول .. لا يجب أن تتذكري..وكانت لا سمح الله إنت أخذت 8 مشكلة ..و7 من عشرة نهاية العالم ..
هاذا لم يكن سوى إرهابا منها وربما مع الزمن جعل عندي ردة فعل عكسية .. فعندما كبرت ..و خرجت من تحت نطاق السيطرة .. لم أعد أحب الدراسة .ولم أعد أدرس كما يجب ..
ومثال آخر ..
أذكر حين كنت في الصف التاسع ذهب أنا و صديقاتي إلى المدسة لنعرف نتائجنا وقدر حضر إلى المدرسة والد إحدى صديقاتي
وعندما علم أنها لم تحقق مجموع العامة صفعها أمام الناس ..
أذكر حين كنت صغيرة كيف كانت أخاف من العودة إلى المنزل بعد ا كل إختبار
كنت أخاف من أمي ونظراتها إلي
و أخاف من ذاك التحقيق الذي كانت تجريه و كأنني متهمة ..
و إن كنت أقول لها نسيت الاسئلة التي جاءت بالاختبار كانت بعصبية تقول .. لا يجب أن تتذكري..وكانت لا سمح الله إنت أخذت 8 مشكلة ..و7 من عشرة نهاية العالم ..
هاذا لم يكن سوى إرهابا منها وربما مع الزمن جعل عندي ردة فعل عكسية .. فعندما كبرت ..و خرجت من تحت نطاق السيطرة .. لم أعد أحب الدراسة .ولم أعد أدرس كما يجب ..
ومثال آخر ..
أذكر حين كنت في الصف التاسع ذهب أنا و صديقاتي إلى المدسة لنعرف نتائجنا وقدر حضر إلى المدرسة والد إحدى صديقاتي
وعندما علم أنها لم تحقق مجموع العامة صفعها أمام الناس ..
الحلبية
(0)
(0)
الم تلاحظوا أيها السادة الافاضل القارئين والمعلقين اننا نستخدم وبشكل عفوي تعبير (بده قتله؟؟؟؟؟؟لازمه قتله؟؟؟بدي اقتلك؟؟؟) وحرفيا تعني القتل وليس التأديب بالضرب ,بس ليش ياترى؟؟؟دام فضلكم
والى الشباب الصغار لا تعيدوها الله يخليكن لاهاليكن؟؟؟ أكيد بتخيل الوالد والوالده كيف أصبح حالهم؟؟؟والحمد لله على السلامه
والى الشباب الصغار لا تعيدوها الله يخليكن لاهاليكن؟؟؟ أكيد بتخيل الوالد والوالده كيف أصبح حالهم؟؟؟والحمد لله على السلامه
يالطيف
(0)
(0)
حمدلله على سلامتن
بس عنجد مو بس بدن قتله حشك ولبك
ايه بدن فلقة على اجريهن تصير كل واحد منن نمرة اجرو 50 حتى يتوبو يعملوا مرة تانية
ومن شان يبطلو يرعبو اهلن
بس عنجد مو بس بدن قتله حشك ولبك
ايه بدن فلقة على اجريهن تصير كل واحد منن نمرة اجرو 50 حتى يتوبو يعملوا مرة تانية
ومن شان يبطلو يرعبو اهلن
علوش
(0)
(0)
أولا الحمدالله على السلامة
ثانيا يامن رسب بس ماعرفنا شو صار بيزن
ثانيا يامن رسب بس ماعرفنا شو صار بيزن
طويطا
(0)
(0)
ناكته ومالا اساس
اغـــــــــــ .
اغـــــــــــ .
ام اسماعيل
(0)
(0)
قرأت الخبر عندما فقدا وبالحال بحثت عن نتيجة كل واحد على النت وجدت الرسوب توقعت هروبهما والخوف من النتيجة على كل حال الحمد لله على سلامتهما والسنة القادمة ينالون النجاح انشاء الله
سلام عبد الحميد
(0)
(0)
الحمد لله على سلامة الولدان و اتمنى من جميع الشباب أن يتعلموا من خطأهما و أن لا يتركو المنزل ويذهبو دون علم الوالدان وشكرا عكس السير لولا لهذا الموقع لما وجد الولدان
لازم
(0)
(0)
و شو صار بصاحب المطعم الي مشغل قصر دون السن القانوني
ادلبية وبس
(0)
(0)
الي لابس ازرق شكلوا اكل قتلة حشك ولبك
على كل الاحوال
الحمد لله على السلامة
على كل الاحوال
الحمد لله على السلامة
صبية حلبية سريانية
(0)
(0)
شفتوا الخوف شو بيعمل بلاطفال و الخوف على مستقبل الاولاد شو بيعمل بلاهالي الله يستر اخوي لان هلسنة عندو بكالوريا علمي ولله شد مننصحو يدرس بس جناب متل طناب يعني شو صيرلو هلجيل لاهيه الانترنت والدردشة مع الصبايا اي شو هلصبايا خلي يرحمو هلشباب كلو ناكل حكي حكي وكلو علفاضي المهم .......ولله هلاولاد بدهم معجزة كبيرة لحتى الله ينورهم عقلهم ويعرفو شد مستقبلهم مهم و الف مبروك للوالدين بأنهم اجتمعو باولاهم لان بلفعل شي بيجنن الله يكون بعون كل اهل عندهم ولاد
أضف تعليقك :
مقالات أخرى من " بكرى أحلى "
 9-3-2015 صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو ) ( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ... |
 14-5-2014 فيديو .. من أطفال سوريا إلى أمهات تركيا في عيدهم عكس السير ... |
 7-7-2013 23 مسلسلا في رمضان ... بعضها يدور حول الاحداث في سوريا رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ... |
 4-7-2013 رغم المنع والاعتقال مسلسل "منبر الموتى" حاضر في رمضان أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ... |
 24-6-2013 فرقة "مصاصة متة " السورية تشارك في مهرجان الشباك بلندن تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ... |
 4-6-2013 شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ... |
 2-6-2013 بالفيديو .. منجزات الثوار في محافظة الرقة المحررة "رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ... |
 28-10-2012 ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ... |