|
سائق تاكسي يعيد مبلغ 20 ألف ريال لمواطن سعودي نسيها في سيارته بحلب الاثنين - 3 كانون الثاني - 2011 - 19:56 بتوقيت دمشق
التفاصيل
أعاد سائق سيارة أجرة ( تاكسي ) حقيبة تحتوي على مبلغ 20 ألف ريال ( أكثر من 250 ألف ليرة سورية ) لمواطن سعودي نسيها في سيارته بحلب . وقال سائق التاكسي الذي يدعى " محمد سيد طه " لـ عكس السير : " أثناء عملي على السيارة ، قمت بنقل مواطن سعودي من أحد الفنادق إلى منطقة العرقوب في حلب ، حيث أخبرني أنه قدم إلى حلب بهدف شراء فرن آلي يقوم بإنشائه في المدينة المنورة بالسعودية ". وتابع " بعد أن نزل من السيارة ، سرت مسافة قصيرة ، حيث أوقفني أحد الركاب ، وقبل أن يصعد ، لاحظت وجود حقيبة على المقعد الخلفي ، فعرفت على الفور أنها تعود للمواطن السعودي ". وأضاف " اعتذرت من الزبون على الفور ، وعدت إلى منطقة العرقوب ، حيث قمت بالبحث عن السعودي ، وما أن وجدته حتى قمت بإعطائه الحقيبة ، دون أن أعرف حتى ما بداخلها ، فأخبرني أن بداخلها أكثر من 20 ألف ريال سعودي أحضرها كي يدفع القسط الأول من ثمن الفرن ". ونفى السائق السوري أن يكون السعودي قد عرض عليه أية " إكرامية " ، مؤكداً في الوقت نفسه أن كان سيرفض " الإكرامية " لو أن السعودي عرضها عليه ، مبررا رفضه بأن ما قام به هو " واجب " ، على حد تعبيره . علاء حلبي - عكس السير
شارك الخبر على :
|
التعليقات :
وو
(0)
(0)
ماابخلو هالسعودي
ابو حلب المغترب
(0)
(0)
آآآآآآآآآآآآآمين
مسرور
(0)
(0)
الله يبارك للسيد محمد أمانته، ويرزقه الجنة
رامو
(0)
(0)
لسا الدنيا بخير انو فيها من أمثال هالسااائق
الله يكتر من أمثااالو
الله يكتر من أمثااالو
أبوحسون
(0)
(0)
بارك الله فيك ....بس الغريب كيف السعودي ما عرض عليك اكرامية...مو معقول هو صحيح كنت رح ترفضها بس الغريب انو هو ما بالاصل حسب كلامك....
على العموم رب العالمين كفيل بانو يردا عليك آلاف مضاعفة....
والله يكثر من امثالك...
على العموم رب العالمين كفيل بانو يردا عليك آلاف مضاعفة....
والله يكثر من امثالك...
توتة
(0)
(0)
الله محيي أصلك وعزة نفسك وياريت كل الشوفيرية متلك.... بس بصراحة لما قرأت بحلب قلت أكيد هي مو حلب
المهاجر السوري
(0)
(0)
لسا الدنيا بخير
حمصية مغتربة بالخبر
(0)
(0)
ذكرتوني بابوا جانتي ورفرفة اصدي عماد لما لاقوا جنتاية وخربا عليه رفرفة بس الحقيقة الله يكتر من امثالوا سائق التاكسي بعتقد ما ضل كتير من امثالوا الله يجزيه الخير
عبد الله
(0)
(0)
الله يجزيه الخير ويرزقه
لسا الدنيا بخير ...
""من ترك شيئاً لله أبدله الله خيراً منه ""
لسا الدنيا بخير ...
""من ترك شيئاً لله أبدله الله خيراً منه ""
الفتى الدمشقي
(0)
(0)
ان خليت خربت وبحياتها سورية ما بتخلا
ALWA
(0)
(0)
روووووووووووووح الله يحيي اصلك يا ابن الاصول اصلا السوري وين ما كان معروف بشهامتو و كرامتو
Ala
(0)
(0)
ما بصح الا الصحيح
lolo
(0)
(0)
اشتقنا من زمان لهيك اخبار حلوة يعني يرحم البطن الي شالتو بالفعل انو ابن حلال وياريت كل سواقين التكسي هيك
اختو لروميو
(0)
(0)
صراحة شي بيرفع الراس والله يكتر من امثالك الشرفاء ويغنيك بالحلال ويرزقك يا رب ...............رفعتلنا راسنا بهاالغربة
بنت حلب
(0)
(0)
بوركت وبورك فيك تلك الشهامة واتمنى من الله ان يرزقك من حيث لا تعلم
مهند
(0)
(0)
بايدي هيك ناس منبني سوريا الله يكتر من امثالك
حلبي اصيل
(0)
(0)
الشي الي عملو السائق عادي واقل من عادي لانها هذه شهامة العرب
بس الغير عادي في القصة موقف المواطن السعودي
فوقف يدل على اخلاق غربية بحتة
اقل ما يمكن انه يعرض على السائق حقه الشرعي والقانوني 10 % يعني 2000 ريال هي من حق السائق شرعا وقانونا
ودمتم
بس الغير عادي في القصة موقف المواطن السعودي
فوقف يدل على اخلاق غربية بحتة
اقل ما يمكن انه يعرض على السائق حقه الشرعي والقانوني 10 % يعني 2000 ريال هي من حق السائق شرعا وقانونا
ودمتم
بالدمام
(0)
(0)
بهني اهلك واولادك
انو عم ياكلو من مال حلال
شكرا يا شريف بارك الله فيك ورزق الحلال من حيث لا تحتسب
انو عم ياكلو من مال حلال
شكرا يا شريف بارك الله فيك ورزق الحلال من حيث لا تحتسب
أبوصبحي الحلبي
(0)
(0)
عن جد لازم هالإنسان يتكرم طيب عندي اقتراح للأستاذ علاء عن جد على الأقل كرمو بالموقع لهالسائق لأنو هالشب صار من المستحاثات النادره لا زم نشجعوا لازم
الدكتور محمد
(0)
(0)
الله يبارك فيك ويباركلك باولادك لانك مثال الانسان الامين
محمد كردي
(0)
(0)
لك الله يحي اصلك ابو حلب
مومو
(0)
(0)
والله هالسعودي قليل الذوق يعني سائق تكسي اكيد فقير على باب الله والله مارح تنقص كتير اذا اعطاه مبلغ 5 الاف ليرة مثلا بس ان شاء الله ربنا يعوضه ملايين ويكثر من امثاله
سائق سابق
(0)
(0)
أنه مثل لكل مواطن سوري أمين وهذه حقيقتنا وليست بدعة ولا ليس تصنع أنها الحقيقة 0 عكس السير الصورة صغيرة ولكن صاحبها كبير 0 ونصيحة لكل راكب تكسي عليك أن تحفظ رقم السيارة تحسبآ أن تنسى شيئ ومع العلم في الماضي كنت سائق تكسي لفترة قصيرة فحينا ذاك عودت نفسي في كل مرة ينزل الراكب أقول له لاتنسى شيئ وشكرآ للأمانة 0
محمود
(0)
(0)
الله محيي اصلك يا ابن الاصول
مواطن بدون تصنيف
(0)
(0)
الله يديم المواطنين الشرفاء ذخر للوطن
عن جد إذا خليت خربت !!!!
أدهم
(0)
(0)
الدنيا لسه بخير و ستبقى حلب مدينة الخير .
فجر السعودية
(0)
(0)
الحمد لله لسى الدنيا بخير لو واحد تاني بلا ضمير كان اكلهم بدون ما يسال يعني عشرين الف ريال مبلغ مو هين باليرة السورية
.......
(0)
(0)
الله يكتر امثالك يا عم..
فيك كل الخير.
فيك كل الخير.
قبضاي من حلب
(0)
(0)
يا سيدي فعلا شهم.الله يعطيك العافية . فعلا رفعت راسنا ادام السعودي .و ان شاء الله بيرزقك اضعافن لأنك ما فكرت تاخدن بالحرام.
hamood
(0)
(0)
الله محيي اصلك لو مالك ابن حلال كانت رزقة والله بعتلي يا ها
بس عتبي ع هالسعودي الكحتة
لو كنت مكانة لعطيتك ربع المبلغ
بس عتبي ع هالسعودي الكحتة
لو كنت مكانة لعطيتك ربع المبلغ
BaHaAoOo
(0)
(0)
والله شي حلو ......
عبودة
(0)
(0)
خبر حلو كتير و لسة بلدنا و شعبنا بخير و الحمدلله
و خصوصي مهنة (شوفير التكسي) اللي للأسف صارت سمعتها سيئة جداً.
بس معقول السعودي ما عطاه إكرامية ؟!
إش هالبخل ؟!؟!
و خصوصي مهنة (شوفير التكسي) اللي للأسف صارت سمعتها سيئة جداً.
بس معقول السعودي ما عطاه إكرامية ؟!
إش هالبخل ؟!؟!
سوريا وطني
(0)
(0)
الله يكتر من امثاللك يا محترم رفعت راس سوريا عالي
طارق مغترب بالسعودية
(0)
(0)
الحمد لله مازالت الدنيا بخير ..
thanks
(0)
(0)
شكراً لأنك عززت الأمل بوجود شرفاء في ه\ا لبلد... شكرأ لك
عبد الجليل
(0)
(0)
بارك الله بك يا سيد محمد سيد طه على أمانتك التي ان دلت على شيء فانها تدل على تربيتك الصالحة واخلاقك الحميدة
لانستغرب مثل هذه المبادرة من انسان أصيل مثلك
لانستغرب مثل هذه المبادرة من انسان أصيل مثلك
؟؟؟؟
(0)
(0)
لك والله اذا بتدور بكل الدنيا احسن من الشعب السوري ما في
rocky
(0)
(0)
لك الله محيي اصل كل واحد حلبي
هرهورة
(0)
(0)
الله يبارك فيه وبأمثاله بس آه للأسف وصلنا لهالزمان اللي صار فيه الشي اللي أمرنا فيه ربنا وديننا شي قليل بس عم نفرح كتير لما بنسمع هيك أخبار
عصام
(0)
(0)
ما حدث امر طبيعي جدا وهو الصح بعينه ولا يحتاج لكل هذه الهاله !!!!!
وهو واجب كل انسان ولكن للاسف اصبحنا في زمن نستغرب فيه من شخص يتصرف صح!!!!!
وننظر اليه على انه قام بمعجزة في حين ان السرقة والفتل والزنا وووووووو كلها صارت امور طبيعية لانكترث عند سماعها وهذه الطامة الكبرى.
وهو واجب كل انسان ولكن للاسف اصبحنا في زمن نستغرب فيه من شخص يتصرف صح!!!!!
وننظر اليه على انه قام بمعجزة في حين ان السرقة والفتل والزنا وووووووو كلها صارت امور طبيعية لانكترث عند سماعها وهذه الطامة الكبرى.
حنفوش
(0)
(0)
الله يوفقك ويفتحها بوشك بجاه الحبيب محمد
فراس
(0)
(0)
هاي هي حلب.. واللي ما شاف يشوف
حسين حصل
(0)
(0)
الله يبارك فيك نيالك ولادك وأهلك الله يحميك
أبو عوّاد
(0)
(0)
تستحق كل الدعوات التي أرسلت لك وفوقها جزاء من الله سبحانه وتعالى (لا نزكي على الله أحد) على أمانتك في زمن قل فيه من يخافون الله.
الله يحييك داويت جروح شعب حلب.
الله يحييك داويت جروح شعب حلب.
حلبي
(0)
(0)
الاكرامية و البخشيش معروفة بحلب لكن مساوئها كثيرة حتى لو كانت تدل على الكرم .. اصبحت طريق الى الرشوة
فادي
(0)
(0)
كل واحد بيعمل باصله
بس لو صايرة معي رح خاف رجعهم بلكي قلي انه بالشنتاية فيه خمسين الف دولار ...وانا ما معي هيك مبلغ شو رح يصير
بس لو صايرة معي رح خاف رجعهم بلكي قلي انه بالشنتاية فيه خمسين الف دولار ...وانا ما معي هيك مبلغ شو رح يصير
سوري وأفتخر
(0)
(0)
هذا هو السوري الحقيقي
ميكانيكي انترنت (Syrian in Kuwait)
(0)
(0)
والأكثر دقة انه ما فتح الشنتاية ليشوف شو فيها.. فعلاً اذا خليت خربت.. الله يباركلك برزقك
صبية حلبية مغتربة
(0)
(0)
لك روح الله يكتر من أمثالك ويرزقك بعددن والله شي بيرفع الرأس ياعمو
خبر حلووووووو وفشلي قلبي يسلمو ياعكس السير لأنو بتورجينا هيك نااااااس طيبين هنن ولاد البلد اللي بيحبوها عنجد مو بس الحرامية والمجرمين ؟؟؟؟؟
خبر حلووووووو وفشلي قلبي يسلمو ياعكس السير لأنو بتورجينا هيك نااااااس طيبين هنن ولاد البلد اللي بيحبوها عنجد مو بس الحرامية والمجرمين ؟؟؟؟؟
مشتاق
(0)
(0)
احلى بو جانتي والله
حلبي بالدوحه
(0)
(0)
والله ياعمي حلالال عليك ياقبضااي والي نحن عنا بسوريا في الصالح وفي الطاالح وإذا خليت خربت روح الله يرزقك وكتر من امثاالك ياعمي
السوري كل منشافه قاال ماشالله كأنو لوحه مكتوب عليها اذكر الله
السوري كل منشافه قاال ماشالله كأنو لوحه مكتوب عليها اذكر الله
ابو زيد
(0)
(0)
الله محي اصلك يا اكابر يا ابن سوريه البيه نحن نعمل باصلنا والباقي على الله والله بيجزيك الجنه بس لو كانت بالسعوديه خلاص غني ما ودعوني لكن يمكن ها الانسان السعودي اموله حلال بحلال والمؤكد انو من المدينه المنوره مدينه رسول الله عليه وعلى اله واصحابه الصلاه والسلام وللعلم اهل المدينه من اكرم الناس بغير اهل مكه وله نجد من العن ما يكون شكرا حبيبنا الغالي اللله بيعوضك الجنه انشاء الله
عجيب
(0)
(0)
حدا يقلي انتو شلون عرفتو بهذه القصة
bakri999
(0)
(0)
الله يحي اصلك يا بطل
و يباركلك بنسلك و بمالك
و يباركلك بنسلك و بمالك
خلدون الوعل
(0)
(0)
شيء يخيفني أن وجود إنسان أمين في زماننا أصبح شيئاً نادراً ويشار إليه . نعم ورد في الأحاديث أنه في آخر الزمان تقل الأمانة ويصبح الأمين كالجوهرة النادرة حيث يقال أن في بين فلان إنسان أمين . لماذا ياترى استشرى الفساد وتراجعت الأمانة والصدق والتراحم بين الناس ؟ أصبحنا نرتاب بكل ما حولنا ! والحمد لله الذي جعل الخير في أمة الإسلام إلى قيام الساعة .
شكرا لأمانتك
(0)
(0)
شكرا لأمانتك و تصرفك الأصيل هذا يدل على معدنك الأصيل أيضا و على رجل كريم الأخلاق و شهم مخلص و محب للبلد و الناس.
هذة التصرفات تترك إنطباع مهم جدا عن أصالة و كرامة أهل سوريا الأصيلة.
شكرا ياسيد محمد سعيد طة نحن بحاجة للكثير من أمثالك.
هذة التصرفات تترك إنطباع مهم جدا عن أصالة و كرامة أهل سوريا الأصيلة.
شكرا ياسيد محمد سعيد طة نحن بحاجة للكثير من أمثالك.
لورد حلب
(0)
(0)
للللللتصحيح او 200 الف ريال سعودي تساوي 2مليون ونصف
swan
(0)
(0)
في البداية اذا هلرجال قصدو ونيتو انو يرجع الاغراض لصاحبا الله يجزي الخير بس كمان ممكن يكون حسبا انو ممكن اذا سوا هيك يسحبو السعودي لعندو ويظبطو يعني فكر بمخمخة يرجعن احسن من 20 الف وبلحرام
جوعان
(0)
(0)
برافو عليك يا اصولي
من زمان ما شفنا هيك اخلاق
الله يرزقك عشر اضعافو
من ترك شيئا لله...عوضه الله خيرا منه
بس السعودي كان لازم يعطيك 10% منهم ...الحق الشرعي تبعك
الله يحميك ويبارلكل بعيلتك ورزقك يارب
من زمان ما شفنا هيك اخلاق
الله يرزقك عشر اضعافو
من ترك شيئا لله...عوضه الله خيرا منه
بس السعودي كان لازم يعطيك 10% منهم ...الحق الشرعي تبعك
الله يحميك ويبارلكل بعيلتك ورزقك يارب
خبر الله كثير
(0)
(0)
قال الله تعالى
انا عرضنا الأمانة عى السماوات والارض فأبين أن يحملنها وحملها الانسان انه كان ظلوما جهولا صدق الله العظيم
الآمانة غالية لذلك حملها الانسان ماذالت الدنيا بخير ما دام فيها من امثال هذا السائق الشهم اللهم حبب الينا الايمان وزينه في قلوبنا كره الينا الفسوق والعصيان وانزعه من قلوبنا وصلو على المصطفى محمد صل الله عليه وسلم .
انا عرضنا الأمانة عى السماوات والارض فأبين أن يحملنها وحملها الانسان انه كان ظلوما جهولا صدق الله العظيم
الآمانة غالية لذلك حملها الانسان ماذالت الدنيا بخير ما دام فيها من امثال هذا السائق الشهم اللهم حبب الينا الايمان وزينه في قلوبنا كره الينا الفسوق والعصيان وانزعه من قلوبنا وصلو على المصطفى محمد صل الله عليه وسلم .
مازن
(0)
(0)
الله يبارك فيك ويكتر من امثالك
طوطو
(0)
(0)
الله محيي أصلك وفصلك
والله إذا بتجي عل السعودية لأحطك بعيووووووووووووووني
والله اللي متلك قلائل في ها الزمن
ولاتنسى الحديث الشريف
من ترك شيئا لله عوضه الله خيرا منه
فانشا الله العوض جاي قريبا
والف شكر الك
والله رفعت راسنا
mahmoud
(0)
(0)
بطل
Abo Saleh
(0)
(0)
برافو عليك , ان شاء الله الله يرزقك رزقاً حلالاً طيباً مباركاً فيه , اخي مال الدنيا ما يغني عن الاخرة شيئاً , احسنت قولاً و فعلاً
خالد
(0)
(0)
والله أنا أغبط هذا السائق يلي بلحظة استطاع أن يتغلب على الشيطان وهذه قوة حقيقية اللهم انصرنا على شيطاننا
ريتا
(0)
(0)
مشان نتعلم مرة تانية نوجب يللي بيستاهل ....
ومو كل العالم بيلبقلا تتعامل منيح
ومو كل العالم بيلبقلا تتعامل منيح
حلبي مغترب
(0)
(0)
الله يبارك فيك يا اخ محمد و فعلا هذه هي حلب و أهل حلب الكرام أهل النخوة و الشهامة اللي دايما رايتهن مرفوعة
الله يعوضك عن هذا المال بأضعاف مضاعفة
الله يعوضك عن هذا المال بأضعاف مضاعفة
ابو الخير
(0)
(0)
خبر مفرح
خصوصا مع تردي سمعة سائقي التكاسي بالايام الحالية
وهنيئا لصاحب النقود بنقوده وهنيئا لصاحب الامانة بأمانته
بس يلي محيرني
اذا السعودي ماعطاه اكرامية
وراح بحال سبيله
انتو منين عرفتو؟؟؟
لاتقلي انو كل ما اجا شوفير تكسي قلكم انو رجعت مبلغ مالي بتحطولنا ياه خبر؟؟
خصوصا مع تردي سمعة سائقي التكاسي بالايام الحالية
وهنيئا لصاحب النقود بنقوده وهنيئا لصاحب الامانة بأمانته
بس يلي محيرني
اذا السعودي ماعطاه اكرامية
وراح بحال سبيله
انتو منين عرفتو؟؟؟
لاتقلي انو كل ما اجا شوفير تكسي قلكم انو رجعت مبلغ مالي بتحطولنا ياه خبر؟؟
م.ع
(0)
(0)
كن واثقا أن ما تركته بالحرام سيعود لك بالحلال.
فمن ترك شيئا لله عوضه الله بخير منه .
فمن ترك شيئا لله عوضه الله بخير منه .
khaled
(0)
(0)
بالفعل لو خليت خربت الله يرفع راسك على شهامتك
زيزو
(0)
(0)
ابن حلال و مأصل
walid eissa
(0)
(0)
هذا هو السوري هيك وبيضل هيك ايمنا ذهب وكيف تلفت
السبيعي_السعوديه_نجد
(0)
(0)
سوريا بلد الوفاء والرجوله وليس غريب عليهم هذا الفعل وصحيح ان فيهم عينات صغيره ماتصلح بريال
لاكن كل مكان فيه الصالح والطالح
اجعل هذا شعارك في الدنيا تعيش بسعادة
لاكن كل مكان فيه الصالح والطالح
اجعل هذا شعارك في الدنيا تعيش بسعادة
جبلاوي
(0)
(0)
الله محيي اصلك يا سوري
سوري حر
(0)
(0)
يا ناس هذا هو السوري الحقيقي وهذا هو الشعب السوري الاصيل , انا سوري اه يا نيالي
امير ابوظبي
(0)
(0)
الله حيو هالنشمي العفيف ابن الكرام المربى المثال للرجل العربي الاصيل و للاسف ما بقي منهن كتير هالايام.
الله يجزيه الخير و ياريت تكترولنا من هالاخبار بدل اخبار جرائم الشرف و الدعارة لو سمحتو بلكي نصير نشوف هيك اخبار بتسر القلب و نصير نعمل متلهن
الله يجزيه الخير و ياريت تكترولنا من هالاخبار بدل اخبار جرائم الشرف و الدعارة لو سمحتو بلكي نصير نشوف هيك اخبار بتسر القلب و نصير نعمل متلهن
عمرأبوخالد
(0)
(0)
بارك الله في السائق
حسبه ربه الذي سيرزقه بدلا منه حلالا صرفا مباركا
والتمس العذر للاخ السعودي فلا تعرف اذا كان المال له أم لا
ممكن أمانة مثل المال الذي عثر عليه السائق
فهو من أهل المدينة المنورة
صلاة رب وسلامه على ساكنها سيدنا محمد وآله وصحبه وسلم تسليما كثيرا
والسعوديين وخاصة أهل المدينة أهل كرم وود وطيبة
حسبه ربه الذي سيرزقه بدلا منه حلالا صرفا مباركا
والتمس العذر للاخ السعودي فلا تعرف اذا كان المال له أم لا
ممكن أمانة مثل المال الذي عثر عليه السائق
فهو من أهل المدينة المنورة
صلاة رب وسلامه على ساكنها سيدنا محمد وآله وصحبه وسلم تسليما كثيرا
والسعوديين وخاصة أهل المدينة أهل كرم وود وطيبة
سليم
(0)
(0)
أقسملك بالله أنو لح يجيك نفس هالمبلغ بالتمام والكمال
وبوقت مو طويل أبداً
من ترك شيئاً لله عوضه الله خيراً منه
وهذا المال الذي وصل إلى يدك وتركته لأنه حرام سيصلك مثله بالحلال
مثله وبنفس القيمة عداً ونقداً
وأقسم بالله على ذلك
...
وستأتي الأيام وترى ذلك ..
.........
ملاحظة : لا تقولوا ما أبخله هالسعودي .. قوله ما أبخله هالإنسان .. لأنه كل واحد يعبر عن ذاته مو عن مجتمعه .. ولا عن بيئته ..
تسلم إيديك يلي رفعت راسنا
وبوقت مو طويل أبداً
من ترك شيئاً لله عوضه الله خيراً منه
وهذا المال الذي وصل إلى يدك وتركته لأنه حرام سيصلك مثله بالحلال
مثله وبنفس القيمة عداً ونقداً
وأقسم بالله على ذلك
...
وستأتي الأيام وترى ذلك ..
.........
ملاحظة : لا تقولوا ما أبخله هالسعودي .. قوله ما أبخله هالإنسان .. لأنه كل واحد يعبر عن ذاته مو عن مجتمعه .. ولا عن بيئته ..
تسلم إيديك يلي رفعت راسنا
nael
(0)
(0)
والله هل الزلمة مافي متلو أنا بعرفو معرقة شخصية عندو أخلاق كويسة ومافي متلو
علاء
(0)
(0)
العما وين عايش هاد الشوفير باينو عصر؟
ام سامي
(0)
(0)
الله يجازيك الخير
الحسنه بعشر امثالها والك انشاء الله عشر اضعاف يارب
اما بالنسبه للسعودي بدون تعليق
للاسف
الحسنه بعشر امثالها والك انشاء الله عشر اضعاف يارب
اما بالنسبه للسعودي بدون تعليق
للاسف
مغترب
(0)
(0)
الحمد لله لسه الدنيا بخير و في ببلدنا ناس اوفياء و مخلصين
بارك الله فيك و رزقك أضعافها
بارك الله فيك و رزقك أضعافها
ابوماجد الميداني
(0)
(0)
ياناس لاتستغربو هيك تربينا الله يديم كل سوري اصيل
nice
(0)
(0)
ممكن حدا يأمنلي رقم موبايل هالشوفير
عبد
(0)
(0)
الله محي هالسائق ويبارك لله في رزقه ويرزقه الجنة
عبعال
(0)
(0)
ماعرض اي اكرامية ؟!!
انشاء الله الله بيعوضك ياها بالدولار و الاسترليني و بتلاقيها خير و بركة بصحتك و عافيتك و اولادك لانو بالاول و الاخير انت انسان تستحق صفة الامانة لانو ع الاقل ما شفت شو بداخلها
الله يوفقك من القلب
لا مو خبر حلو
(0)
(0)
والله شي ببكي
قال خبر حلو قال
اصلا لو بلدنا بخير
ما كان نزل هيك خبر هون
لأن هاد الشي الطبيعي
بس اللي عم نعيشو صاير بنوووب مو طبيعي
وبعدين
ان خليت خربت
لسة في ولادين حلال
والله يجزيه الخير صاحب التاكسي
والله ياخدون ولاد الحرام والحرمية والنصابين
يخرب بيتون شو كتااااار
قال خبر حلو قال
اصلا لو بلدنا بخير
ما كان نزل هيك خبر هون
لأن هاد الشي الطبيعي
بس اللي عم نعيشو صاير بنوووب مو طبيعي
وبعدين
ان خليت خربت
لسة في ولادين حلال
والله يجزيه الخير صاحب التاكسي
والله ياخدون ولاد الحرام والحرمية والنصابين
يخرب بيتون شو كتااااار
كنان
(0)
(0)
بارك الله بك، هي احلى صورة للمواطن الحلبي اللي انشالله رح تضل موجودة دائما
بنت البلد
(0)
(0)
الله يعطيك العافية ويكتر من امثالك وتكون هالحادثة توعية لباقي النا س والله انت رفعت راس اهل سورية الله يجزيك الخيرمع ا لشكر الجزيل
مواطن
(0)
(0)
طالما في متل هيك ناس
فلسع الدنيا بخير
فلسع الدنيا بخير
ابو العز الحلبي
(0)
(0)
غريبة
مغترب
(0)
(0)
ليش ما تبرع فيها للمنتخب ما كان احسن
؟؟؟؟؟؟؟؟؟؟؟؟
(0)
(0)
افضل شعب في سوريا الحلبية
lord3333
(0)
(0)
هاد ابن البلد
ابن سوريا
الله يحيي اصلك
ابن سوريا
الله يحيي اصلك
برافو
(0)
(0)
والرب حلال عليك مواطن شريف.وبحلب بتلاقو هيك ناس .من شي 15 سنة كنت اشتغل عند معلم شغل ذهب معلمي نسي شنطة فيو كيلويين ذهب شوفير تكسي رجعلو يا وبتزكر معلمي عطا اكرامية الزلمة بلش يبكي ما كان بدو يأخد .عن جد قصة حقيقية
د. أنس
(0)
(0)
حياك الله أيها الشريف! أرجو من كل قلبي أن تصبح وزيراً.. فنحن بحاجة إى أمثالك!
هشام
(0)
(0)
اللهم أغننا بحلالك عن حرامك ـ كما رأيناه بالصورة شاب أدامه الله لأهله وأولاده ـ وجهك أبيض ان شاء الله أما الرب والعبد وربنا رح يعوضك بأضعافها لآن هذا كان اختبار من رب العالمين وأنت نجحت . طبعاً غير مهم ان كان هذا سعودي أم سوري أنت تصرفت كما تربيت وربنا رح يكافأك بدون التميز عن جنسيته ولا تنتظر المقابل من العبد فربنا أولى بعباده
بارك الله بك ورقك ورزقنا (آمين)
بارك الله بك ورقك ورزقنا (آمين)
الله يكرمو
(0)
(0)
الحلال اذا راح بروح وحدو
بس الحرام اذا راح بياخد صاحبو معو ع جهنم طبعا
بس الحرام اذا راح بياخد صاحبو معو ع جهنم طبعا
ملس
(0)
(0)
لسه الدنيا بخير ياحبيبي
ابو الخير السخني
(0)
(0)
الله يعطيك العافية لانو شي فعلا برفع الراس الله يكثر من امثالك وشكرررررررررررررررررررررررررا
(0)
(0)
ياخي عشت بحلب عمر ليييييييييش ما التقيت بهيك سائق
والله شي يجنن
والله شي يجنن
تحيه
(0)
(0)
الي سواه طبيعي لاي إنسان محترم مثل سائق التكسي ..
الله يجزاه خير..
بس انا مستغرب الشباب يقولون ليش ماأعطاه إكراميه ....!؟
الله يجزاه خير..
بس انا مستغرب الشباب يقولون ليش ماأعطاه إكراميه ....!؟
حمودة
(0)
(0)
بارك الله في الشوفير
وجزائو عند رب العالمين
ويستاهل كل أحترام
وشكرا لعكس السير على التغطية الرائعة لمثل هذه الأخبار
وجزائو عند رب العالمين
ويستاهل كل أحترام
وشكرا لعكس السير على التغطية الرائعة لمثل هذه الأخبار
سعيد قدور
(0)
(0)
الله يكتر من امثالك يا رب و يبيض وشك
عنجد محتاجين ناس متلك
عنجد محتاجين ناس متلك
فوزي
(0)
(0)
هي هي اخلاق السورية و الحلبية يلي عندنا في بلادنا الغالي الله محيي السائق محمد على امانته و حسن خلقه و يلي عملو شي حلو و كويس و برفع الراس و الله العظيم لما الواحد بشوف هيك خبر بفرح كتير لانو عنجد لسع الدنيا بخير.
شيرين
(0)
(0)
الحمدلله لسه الدنيا بخير يا جمعاعة ومتل ماالكل قالو ان خليت خربت بس هالشي يلي عملو السائق مو غريب عن ابن الحلال الله يبارك برزقك ويكتر من أمثالك يا سيد محمد
(0)
(0)
الله محي اصلك ويكتر من امثالك
هيدا عشمنا بالحلبيه المأصلين بالكرم والاخلاق والشرف
هيدا عشمنا بالحلبيه المأصلين بالكرم والاخلاق والشرف
ابو انور
(0)
(0)
هيك تعلمنا وهيك تربينا لسه الدنيا بخير يا شباب
wolf
(0)
(0)
هو شي حلو انو هيك يصير عنا بسورية وبالاخص بحلب
بس انا مابقتنع ولا بصدق انو السعودي ماعطاه اكرامية ولا بصدق انو الشوفير مااخد مابصدق مابصدق........وماحدى يحاول يقنعني
لأنو مرة من سنتين كنت بدي اشحن شوية اغراض خارج القطر وبقي بالتاكسي تقريبا شي 12 كيلو حلويات عربيه طبعا شلون رح احكيلكون؟؟....
بعد ما انزلت من التاكسي طلعت امرأة مباشرة توصيلة جديدة يعني هاد الشوفير صابو العمى وغطا الباكاج اتسكر وانا عم نزل الاغراض والشوفير ماصدق على حالو مشي وماعاد طلع وراه
ما ألكون بالطويلة انا مالحقت أخذ اي رقم من السيارة المهم بعد يومين اتصل فيني بالصدفة كان فيه بين الاغراض كيس فيه شوية اوراق الزلمة بحبش فيهن طبعنا فضول
المهم اتصل بالليل ووعدني بمكان ما
المهم وصل وقالي
(خيو سامحني الاولاد اكلو من الحلو قطعتين ثلاثة) قلتلو مسامحك نزلت الاغراض ومادققت فيهن
المهم قالي شي بيطلع من خاطرك
قلتلو اديش بدك
قالي 1500 ليرة المهم بالزور رضي 1000ليرة
طولت عليكن مو هيك؟؟؟
المهم نزلت عم طالع الاغراض عالبيت
عينكم ماتشوف الا النور
كيلو مبرومة
نصف كيلو معمول بفستق
تقريبا شي سبعة او ثمانية قطع من كل نوع
والف ليرة
شو رايكون مع العلم انو هو قال لي قطعتين ثلاث
بقا بدكون تقنعوني انو هاد الشوفير ماأخذ وماكان بدو ياخذ..........مستحيل
بس انا مابقتنع ولا بصدق انو السعودي ماعطاه اكرامية ولا بصدق انو الشوفير مااخد مابصدق مابصدق........وماحدى يحاول يقنعني
لأنو مرة من سنتين كنت بدي اشحن شوية اغراض خارج القطر وبقي بالتاكسي تقريبا شي 12 كيلو حلويات عربيه طبعا شلون رح احكيلكون؟؟....
بعد ما انزلت من التاكسي طلعت امرأة مباشرة توصيلة جديدة يعني هاد الشوفير صابو العمى وغطا الباكاج اتسكر وانا عم نزل الاغراض والشوفير ماصدق على حالو مشي وماعاد طلع وراه
ما ألكون بالطويلة انا مالحقت أخذ اي رقم من السيارة المهم بعد يومين اتصل فيني بالصدفة كان فيه بين الاغراض كيس فيه شوية اوراق الزلمة بحبش فيهن طبعنا فضول
المهم اتصل بالليل ووعدني بمكان ما
المهم وصل وقالي
(خيو سامحني الاولاد اكلو من الحلو قطعتين ثلاثة) قلتلو مسامحك نزلت الاغراض ومادققت فيهن
المهم قالي شي بيطلع من خاطرك
قلتلو اديش بدك
قالي 1500 ليرة المهم بالزور رضي 1000ليرة
طولت عليكن مو هيك؟؟؟
المهم نزلت عم طالع الاغراض عالبيت
عينكم ماتشوف الا النور
كيلو مبرومة
نصف كيلو معمول بفستق
تقريبا شي سبعة او ثمانية قطع من كل نوع
والف ليرة
شو رايكون مع العلم انو هو قال لي قطعتين ثلاث
بقا بدكون تقنعوني انو هاد الشوفير ماأخذ وماكان بدو ياخذ..........مستحيل
هاد الصح
(0)
(0)
الله يكتر من امثالو..
الدنيا لسا فيا خير..
الدنيا لسا فيا خير..
حسام المحمود
(0)
(0)
ياريت يكون درس للشعب السوري [اكمله وخاصة المسؤولين لأن البني آدم لا يترك في الدنيا سوى ذكره
والله يحي أصله ويكتر من أمثاله ويرزقه أضعافهن
والله يحي أصله ويكتر من أمثاله ويرزقه أضعافهن
Y.3.M
(0)
(0)
لك الله محيي اصلك والله محيي أصحاب النخوة الحلبية والله متل ما قالو ان خليت خربت و سوريا وبالاخص حلب انشالله ما بتخلا ولا بعمرا والله هالشوفير بيض وجه أهل سوريا قدام المفتربين الله يجعل كل أهل سوريا متلو
ابن المارتيني
(0)
(0)
لسه الدنيا بخير ياحبيبي
محمد
(0)
(0)
الحمد لله، لسا الدنيا بخير
ماجد خالد أعرج
(0)
(0)
نعم الأمانة جزاؤها عظيم عند الله وسوف يرزقك الله أضعاف هذا المبلغ
وهذه هي الصورة الحقيقية لكل مواطن حلبي بل سوري بل عربي بل مسلم
شكر لك يا محمد وشكرا لكل الشرفا في عرين الأسد
وهذه هي الصورة الحقيقية لكل مواطن حلبي بل سوري بل عربي بل مسلم
شكر لك يا محمد وشكرا لكل الشرفا في عرين الأسد
دانيال
(0)
(0)
هلأ هيك بصير مع شوفيرية التكاسي ؟
!!
ستنو رح اشتغل شوفير تكسي
ورح تسمعو اخبار حلوة
هههه
!!
ستنو رح اشتغل شوفير تكسي
ورح تسمعو اخبار حلوة
هههه
محمد
(0)
(0)
الله محيي أصلك ولك روح مافي متلك والله
أبو الوليد ( الرقة )
(0)
(0)
الله محييي أصلك ياطيب وتسلم الام والأب الي ربوك وكثر الله أمثالك في هذا الزمان اللي ضاعت فيه الأمانه وعلى رأي المثل ( لسى الدنيا بخير )
يامن
(0)
(0)
للأخ السائق محمد سيد طه
فعلا أنت سيد وكريم مع أن الكرام قليل
أخي أجرك عند الله لايقدر بثمن ولابإكرامية بإية نسبة عملك هذا سيوضع في ميزان حسناتك وانشاء الله تكون قدوة لكل مواطن في هذا البلد.
فعلا أنت سيد وكريم مع أن الكرام قليل
أخي أجرك عند الله لايقدر بثمن ولابإكرامية بإية نسبة عملك هذا سيوضع في ميزان حسناتك وانشاء الله تكون قدوة لكل مواطن في هذا البلد.
واحد
(0)
(0)
والله بمحلو انا بروح بعيش حياتي
محمد من موسكو
(0)
(0)
طبعا هي اهالي سوريا وبشكل خاص اهل حلب يعني ما بدنا نبالغ بس لسع الدنيا فيها خير وهو لو بدو اكرامية كان ما رجع الحقيبة بالاصل بس الزوق فضل على العلم والله مافي اكرم منو
amir
(0)
(0)
شكرا عكس السير على نشر الاخبار المفرحة والجميلة
والتي تدل على الاخلاقية
مع الاسف الاخبار السيئة هي المسيطرة على الموقع
نتمنى منك متابعة الاخبار الجميلة والتي نعتز بها
شكر كبير للمواطن محمد سيد طه على امانته وعلى عزة نفسه وعلى اخلاقه العالية
والتي تدل على الاخلاقية
مع الاسف الاخبار السيئة هي المسيطرة على الموقع
نتمنى منك متابعة الاخبار الجميلة والتي نعتز بها
شكر كبير للمواطن محمد سيد طه على امانته وعلى عزة نفسه وعلى اخلاقه العالية
أبو مصطفى من حماه
(0)
(0)
شوف انا راح قلك غير كل الي علقو أنو ربي يكثر من أمثالك ويحفظلك صحتك وعافيتك ألك ولكل أولادك هيدي أهم من أي اكرامية وأي مال مهما كان لأنو أنا صار معي نفس القصة بحماه ونسيت 100000 ليرة سورية مع شوفير تاكسي بحماه و أكلها حرام مع اني كنت حاطط اني أكرمو لو لقيتو بعشرة ألاف ليرة بس وا أسفاه ع هيك شوفير طلع مالو أصل لانو رجعت دغري للمحل الي اشتريت من عندو مواد وحطيتها معها الشوفير
وخبرتو بالقصة الي صارت معي وعطيتو رقم موبايلي وكان عندي
أمل يكون ابن حلال ويرجع هيدا من عام 2008 ولحد الان ما في حس ولا خبر ما بقول غير الله لا يهنيه فيها ولا يباركلو بيها
والله لسى الدنيا بخير
وفي ناس عندها أصل وأمانة وربي يرزقك يا محمد سيد طه الحلبي انتي وعيلتك
الصحة والعافية الي بتعادل كنوز الارض كلها انشالله
وخبرتو بالقصة الي صارت معي وعطيتو رقم موبايلي وكان عندي
أمل يكون ابن حلال ويرجع هيدا من عام 2008 ولحد الان ما في حس ولا خبر ما بقول غير الله لا يهنيه فيها ولا يباركلو بيها
والله لسى الدنيا بخير
وفي ناس عندها أصل وأمانة وربي يرزقك يا محمد سيد طه الحلبي انتي وعيلتك
الصحة والعافية الي بتعادل كنوز الارض كلها انشالله
صديق السائق
(0)
(0)
ياريت يكونو 10% من السائقين بحلب مثلك الدنيا لسه بخير وانت يا أبو عبد الله الشكر كل الشكر لك والله يكثر من أمثالك
ابو جانتي الشام
(0)
(0)
الله يطول عمرك و يعوض عليك بامانتك
احلا ابو جانتي حلب عمي عالي ةاطي زمر عالكوع
احلا ابو جانتي حلب عمي عالي ةاطي زمر عالكوع
ابو جانتي الشام
(0)
(0)
الله محي اصلك ابو جانتي حلب ابو شناق وشك شنق شنق و روح ربي يبيض وشك و الله يكتر من امثالك يارب و الله نبطل نركب باص بس الله يهديهن البقايا
mkh
(0)
(0)
الحمدلله طلع واحد من 23 مليون
ابو الوليد
(0)
(0)
الله يرزقك اضعافها يارب
زاهر
(0)
(0)
من ترك شيئا لله
عوضه الله خيرا منه
عوضه الله خيرا منه
MAHMOUD YASEIN
(0)
(0)
سائق سوري يعمل في دبي وجد شنطة بالسيارة سلمها الى مركز الشرطة واتصلوا بصاحب الشنطة المبلغ زاد عن 250000 دولار اعطى صاحب الشنطة اكرامية رفض السائق كان مبلغ كبير قامت الشرطة بتكريمه على الأمانة
ابن الشام
(0)
(0)
تحية لهذا الرجل الشريف
ابو النور
(0)
(0)
الله يديمك فوق عيالك ويبارك برزقك
SoMAE
(0)
(0)
الله يكتر من امسالك مافي شي عد ربنا بضيع الله يوفق انتا وعلتك
pascopas
(0)
(0)
كنت راجع من المغرب الى الكويت وتعطلت الطائرة في مطار دمشق واخبرونا با ان نقضي ليله واحدة في دمشق لحين تجهيز الطائرة يعني اقامة اجبارية واخبرنا موظف المطار با امكاننا ان نومن حقائبنا في صندوق الامانات في المطار وقد وثقنا به وبالفعل ذهبنا معه ووضعنا حقائبنا في الصندوق واخذنا مفتاح الصندوق معنا وبا اليوم التالي اخذنا الحقائب وسافرنا الى الكويت وعند وصولنا الى المطار وعند فتح الحقائب اكتشفنا بسرقة كل الاغراض الثمينة من قطع الملابس المغربية والقماصل والعطور يعني ليس بسارق مستعجل وانما اختار الاشياتء الثمينة فقط واني الان اتوجز خيفة من الذهاب الى سوريا مع احترامي للشعب السوري العظيم
ملاك
(0)
(0)
و الله شي بيرفع الراس
الله يباركلك برزقك
الله يباركلك برزقك
ابن حلب الشهباء
(0)
(0)
الله محيي اصلك والله يعوضك باضعاف مضاعفه ان شاء الله انت ماقبلت تاكل حرام ولا اتطعمي ولادك الله يبارك فيك وبامثالك
ABODE 2011
(0)
(0)
الله يرزقو اضعاف المبلغ اللي رجعوللسعودي بس بالحلال
بندر
(0)
(0)
نفسي اروح سورية
< سعودي
< سعودي
ابورعد
(0)
(0)
وحلبي شى محير ورجع المال
عايش بالسعودية
(0)
(0)
الله محيي أصلك يا معلم
مشان يعرفو مو بحاجة مصراتون
عنا الكرامة وعزة النفس فوق كل شي
مشان يعرفو مو بحاجة مصراتون
عنا الكرامة وعزة النفس فوق كل شي
مستحيل
(0)
(0)
يوجد التباس بالخبر .....
حلبي .........
؟؟؟؟؟؟؟؟
مستحيييييييييييييل
حلبي .........
؟؟؟؟؟؟؟؟
مستحيييييييييييييل
مغترب حزين
(0)
(0)
يحمد الله اتو السعودي ما اشتكا عليه
والله يجزيه الخير للاخ والله يبعد عنو شرطة المرور والكميرات
والله يجزيه الخير للاخ والله يبعد عنو شرطة المرور والكميرات
الفارس الهلالي
(0)
(0)
الله يرزقك اضعاف مضاعفه يا ابن الأصول يا شهم يا أبن حلب الشهباء بيضتها يا بطل وأجرك على الله واتمنى من سائقين التكسي يتعلمو منك يا رب
لولو
(0)
(0)
صار يشار إلى الأمين بالأصبع بعدما كان يشار إلى السارق بالأصبع
أنس أسود
(0)
(0)
المفروض
كان لازم ياخد أجرة الرجعة الرجعة مشان يعطيه المصاري بما أنه طلع بخيل
كان لازم ياخد أجرة الرجعة الرجعة مشان يعطيه المصاري بما أنه طلع بخيل
جودي
(0)
(0)
انا بحب خالي وهو دائما هيك وهي شغلة مو جديدة عنو لو تعرفو
بحط الف ابو جانتي بجيبو لانو هو الباشا
بحط الف ابو جانتي بجيبو لانو هو الباشا
عازف بيانو
(0)
(0)
برافو عليك يامعلم...
ماخليت لسا الدنيا بخير...
والله يوفقك
ماخليت لسا الدنيا بخير...
والله يوفقك
محمد الشامي
(0)
(0)
كان لازم تشوف السعوديين وتعاملهم كيف وميف بيسرقو المصاري من الوافدين وبيحرموهم من حقوقهم وقتها كنت عرفت ان حرق المصاري اشرف من ارجاعها لهيك شخص.
ولتعرف كرم اخلاقه شفت كيف ما عرض اكراميه رغم ان حقه بالقانون 5%
ولتعرف كرم اخلاقه شفت كيف ما عرض اكراميه رغم ان حقه بالقانون 5%
Scorpion
(0)
(0)
الله حيووووووووووووو
ابن حلب [email protected]
(0)
(0)
وقت فتحت الخبر شفت صفحة طويلة بس الي شفتو ان كلها تعليقات:D
حمودة عاشق لارا حلب
(0)
(0)
كون لازمو كان ما وقف بس الله يكيفيه الحمدلله يا خيو
لولي
(0)
(0)
الله يبعتلك اضعاف اضعافن بالحلال ...
متيم أسير
(0)
(0)
طبعا هاد الشي متعارف عليه بسوريا .
كل الشعب السوري شهم و عندهم نخوة ومافي شي بعينهم .
حتى خارج سوريا الشعب السوري معروف بكرامته وكرمه وعزة النفس و شهامته.
الله يحمي السوريين وين ما كانوا وبأي بلد بالعالم .
دمتم بخير
كل الشعب السوري شهم و عندهم نخوة ومافي شي بعينهم .
حتى خارج سوريا الشعب السوري معروف بكرامته وكرمه وعزة النفس و شهامته.
الله يحمي السوريين وين ما كانوا وبأي بلد بالعالم .
دمتم بخير
ابوانس
(0)
(0)
بارك الله بك
عفارم عليك ... كل الصفات النبيلة تلبق لك .
عفارم عليك ... كل الصفات النبيلة تلبق لك .
مغترب
(0)
(0)
الله يعطي العافيه ويكتر من امثاله وهيدا شي طبيعي لانه واجب وانا صاير معي شي بيشبهه هيك اشي بحلب مرة موبليلي وقع بتكسي والشوفير اتصل على اول رقم شافه لاني كنت حاتطه صامت فحلب كلها خير يمكن في شويت مشاكل بس سببها كلها البطالة وان ما حدا سأل ع هل المدينة غير من جديد صرنا انشوف شوي اهتمام بعد ما فلسو الناس وهنن بيدفعو ضرايب و دعم لهل البلد....وكل اشي بفكر غير هيك هيدا بكون قاعد بيشوف عكس السير وسيريا انيوز ومفكر حالو صار بيعرف شو عم يصير بحلب ...الله يحفظ حلب ويحفظ سوريا
عبد
(0)
(0)
انا كنت نازل من السعودية ع سوريا بيطلعلي شوفير تكسي بالشام العداد 60 ليرة وانا كنت نايم ع الحدود وما لاحقت صرف ومن اخر مرة كنت بسوريا كان باقي بجيبي 50 ومعي ريالات خير الله اخونا الشوفير ما رضي ياخود اقل من عداده ولا رضي ياخود سعودي ويرجعلي الفرق ولأ طلع بالعالي وطبعا انا كنت واصل فارط ووش الصبح وخليته يلف ع الصرافين كانت الساعة تمانه ما شفت احد فما رضي لوقت ما اخد 100 ريال يعني 1240 سوري فروحو شوف النصب والاحتيال بتاكسي بالشام من ابو جانتي الدجال وانتو ماشين والله يحي اصلك يا اخي
وسيم
(0)
(0)
الله يرحم من رباه
دبوس شكاك
(0)
(0)
طول عمرنا منعرف شوفيرية التكاسي بيسحبوا كتير وما حدا بينكر هالكلام... وبما أنو الكلام كان كلام الشوفير وما تم اللقاء مع هالمواطن السعودي... فاسمحولي بطبعي أنو شك بهالقصة أو ع الأقل شك بكمية البهارات اللي فيها ... والله أعلم
أحمد
(0)
(0)
الحمد لله إنو ضل للأمانة مطرح وللشهامة مكان في هذا الزمان وذكرني هالموقف بموقف صار معي لما كنت بطرابلس اللبنانية وكنت عمادرس ماجستير ، في يوم ضيعت جزداني وكان فيو مبلغ من المال وأوراقي الرسمية (هوية شخصية وشهادة سواقة وبطاقة العودة لسوريا ) وكانت مصيبتي كتير كبيرة [نو متل ما بتعرفوا فيها سين وجيم ...
بس الحمد لله تاني نهار خبرني شخص وقلي انو وجدلي الجزدان ووضعه عند مختار منطقته ...
الحمد لله انو الدنيا بخير وإن خليت خربت
بس الحمد لله تاني نهار خبرني شخص وقلي انو وجدلي الجزدان ووضعه عند مختار منطقته ...
الحمد لله انو الدنيا بخير وإن خليت خربت
حلبي للعضم
(0)
(0)
دائما في ناس بتعيد لحلب صورتها الحلوة من بعد ما
شوهو صورتها حثالة من الحلبية
ما عندون ضمير
وعماااااااااااااااااااااار يا حلب
يا خيو حلب والله فيها كتير طيبين .
شوهو صورتها حثالة من الحلبية
ما عندون ضمير
وعماااااااااااااااااااااار يا حلب
يا خيو حلب والله فيها كتير طيبين .
اهات
(0)
(0)
والله بصراحة رح علق لانو اخيرا
قرأنا خبر حلو وبيشرح القلب على هالمواقع احسن من اخبار الجرائم الغريبة العجيبة
الله يجزي هالسائق عنا جميعا كل خير لانو اظهر الوجه الحلو لبلدنا.........
وعلى قولة الاخت لولو صار زمانا بالمقلوب وصرنا نشير للامين بالاصبع.........
قرأنا خبر حلو وبيشرح القلب على هالمواقع احسن من اخبار الجرائم الغريبة العجيبة
الله يجزي هالسائق عنا جميعا كل خير لانو اظهر الوجه الحلو لبلدنا.........
وعلى قولة الاخت لولو صار زمانا بالمقلوب وصرنا نشير للامين بالاصبع.........
orbit
(0)
(0)
الحقيقة اني مو ضد التعليقات بس التعليقات عم تورجينا انو هالسائق عملة نادرة بس هاد مش صح لانه كل الشعب العربي هيك
يمان سيدطه
(0)
(0)
الله يطول بعمرك ويخليك لأهلك وولادك ويعوضك بأحسن عنجد رفعتلنا راسنا
باسر طالب- حفسرجة
(0)
(0)
الله يكثر من امثاله شوفير التكسي بس هل السعودي بخيل لدرجة كبيرة لازم اقل شي 10% يعني 2000 ريال وبيروح فيهن على العمرة .
نفنوفة
(0)
(0)
شوفو شلون الخبر انتشر بالاعلان لانه هالحوادث صارت نادرة كتر خيرو لهالشوفير بس الله يرحم ايام زمان
دغموش
(0)
(0)
يا عكس السير من وين عرفتوا و مين اجا قلكم هالقصة الشوفير ولا السعودي ..ارجو الاجابة
سعودي
(0)
(0)
اولا تحيه لهذا المواطن السوري
ثانيا هذا رد على وسائل اعلام سعوديه تبالغ في عدم الامن في سوريا وتعرض المواطنين السعوديين لمضايقات وغيرها
ثانيا هذا رد على وسائل اعلام سعوديه تبالغ في عدم الامن في سوريا وتعرض المواطنين السعوديين لمضايقات وغيرها
blue bird
(0)
(0)
ما حبيت اعلق لانه عمل عادي في حياتنا اليومية بس اشلون صارلكن خير يا عكس السير
غفورة
(0)
(0)
مو غريبة على اهل حلب وحتى عالسوريين كلن .الله يخليك لاولادك .
ابو جاسم
(0)
(0)
الله يرزقك من حلاله
ويهدي السعودي كان واجبه يعطيك مما قسمه الله لك الحمد الله على أمانة كل سوري شريف ويرفع الراس
أنا سوري يا نيالي
ويهدي السعودي كان واجبه يعطيك مما قسمه الله لك الحمد الله على أمانة كل سوري شريف ويرفع الراس
أنا سوري يا نيالي
مواطن مسلم سوري حلبي
(0)
(0)
ان شاء الله بتاخد 20000 حسنة ويمحا عنك 20000 سيئة وترفع 20000 درجة في الجنة
حلبي للصاجه%
(0)
(0)
من واجب اي انسان يرجع الأمانه لصحابا
وبعدين انا شايف سويتولي هالشوفير روبن هود إلا شوي
amer
(0)
(0)
لسة في ولاد حلال
لو خليت خربت
لو خليت خربت
يي بالعرقوب بالعرقوب..؟؟
(0)
(0)
صارلي كذا سنة عايشة بها المنطقة وما بعرف انه في فنادق هون من وين اجا هالخبر
بنت هالبلد
(0)
(0)
برافو عليك
الله يحيي اصلك
الله يحيي اصلك
عرب
(0)
(0)
كل التعليقات عشان رجع عشرين الف انا على بالي انقذشعب
ودي اصدق
ودي اصدق
امل
(0)
(0)
شقد ما درنا وشقد ما فتلنا ما منلاقي مثل شعب سوريا
اليوم سمعت ان اللصوص الفرنسين يسرقو 3 ملاين دولار من السواح الخليجين في اشياء ايجابية في بلادي الحبيبة لا تقدر بثمن
اليوم سمعت ان اللصوص الفرنسين يسرقو 3 ملاين دولار من السواح الخليجين في اشياء ايجابية في بلادي الحبيبة لا تقدر بثمن
حازم احمد عاصي
(0)
(0)
طبعن ماشي غريب من ابن سوريا انوه يعمل هل شئ لحنه كلياتنه تعلمنه في مدارسنه في سوريه الحبيبه رد الا مانه لصحا حبه شكرن للشخص الازي يحفظ الامانه سوري معتز بحالي عائد الى الوطن عن قريب
الباكي ع العرب
(0)
(0)
اولا الله يجزيك الخير يا سيد محمد وبعد لو ان هذاتلا الاعمل كثير بين العرب لا ماكان من داي لكل هذه التعليقات والتهاني والافضل انووووووو يكووووووووون كلمة واحة العرب شب الصدق والامانة لان العرب الاصلييييييين وهم المسلموووووونالحقيقيووووووون هم قدوتهم الحبيب المصطفى محمد صلى الله عليه وسلم
حلبي واعتز
(0)
(0)
لو ما تكون ابن خلق وعالم ما بتتصرف هيك تصرف نبيل وشهم لانو بهالزمن الصعب الشيطان كبير وانت طلعت اكبر واسما منو بكتير الله محيي اصلك وخلي مبدئك بالحياة القناعة والله خلق عبده واليه تدبير الامور وما بينسى عباده .
الله يكتر من أمثالك
الله يكتر من أمثالك
عابر سبيل
(0)
(0)
بارك الله فيك و في أمثالك أنا لست سوريا كنت مار بالموقع فأعجبني الخبر و لما عرفت المبلغ أصبت برعشة صدقوني و الله أنت ابن أصل مصفى و الله يعوضك خير إن شاء الله
أبو عصام
(0)
(0)
أصيل وابن أصول والله محي البطن للحملك
لؤلؤة حلب
(0)
(0)
الانسان بلامبادئ كالساعةبلا عقارب والحمدلله لساالدنيا بخير مدام في ضمائرنظيفة وخوف من الله ومال الحلال لابدان يرجع لصحابو
ضيااء
(0)
(0)
يعني اول شغلة جزاك الله كل خير يا عمو الشوفير و تاني شغلة الله يكسر دياتك يا عمو السعودي
يعني على الأقل أكرامية لو 10000 ليرة حلوان رجعة المصاري
ياخي عطيه اجرة روحتو ورجعتو شبك
ولا فعلا انتو أهل السعودية ما عندكون خير أصلا عطيتك ألو اجرة رجعتو و روحتو هاي حق الزلمة مو كرم أخلاقك منك يا عمو سعودي
يعني على الأقل أكرامية لو 10000 ليرة حلوان رجعة المصاري
ياخي عطيه اجرة روحتو ورجعتو شبك
ولا فعلا انتو أهل السعودية ما عندكون خير أصلا عطيتك ألو اجرة رجعتو و روحتو هاي حق الزلمة مو كرم أخلاقك منك يا عمو سعودي
يي بالعرقوب بالعرقوب..؟؟
(0)
(0)
صارلي زمان عايشة هنيك وما سمعت انه في شي اسمه فندق بالعرقوب لايكون بغير محل...
مغترب
(0)
(0)
روح ان شاء الله بتفيق بكرة الصبح بتلاقي 50000 دولار تحت المخدة
والحمد لله أنو بلدنا لسا بخير وفيها من اهل الخير كتير لسا
واذا خليت خربت
ولسا عمرانة بوجود أمثال السيد محمد
والحمد لله أنو بلدنا لسا بخير وفيها من اهل الخير كتير لسا
واذا خليت خربت
ولسا عمرانة بوجود أمثال السيد محمد
شهم
(0)
(0)
الله يحي اصلو وكتر من امثال هيك زلمه شريف
العربية
(0)
(0)
جزاه الله خيرا
بالزمانات اختي وقعت جوالا بسيارة تكسي وصارت تركد ورا التاكسي وهو شافا عرف انها نسيانة شي هرب منو لله .
بالزمانات اختي وقعت جوالا بسيارة تكسي وصارت تركد ورا التاكسي وهو شافا عرف انها نسيانة شي هرب منو لله .
حلبي
(0)
(0)
ليش مستغربة يا توتة انو هالشي بحلب أم الحضارة والأصالة توت عليكي يا توتة
رينادا
(0)
(0)
الله يكثر من أمثاله ياعمي الحلال غير شكل
يوبي يووووو
(0)
(0)
احلا سوريا واحلا حلب واحلا شوفير
هيك الشوفيرية مو متل الي طلعت معو من فترة جيت بدي حاسبو زود على العداد سبع ليرات وصبت مني خمسة بين الكراسي جيت بدي دور عليها انا والشوفير انا شفتا والشوفير شاوى حالو مو شايفا ال ما في شي
..... التلو بللله ما في شي؟
....مين سمير
هيك الشوفيرية مو متل الي طلعت معو من فترة جيت بدي حاسبو زود على العداد سبع ليرات وصبت مني خمسة بين الكراسي جيت بدي دور عليها انا والشوفير انا شفتا والشوفير شاوى حالو مو شايفا ال ما في شي
..... التلو بللله ما في شي؟
....مين سمير
HW
(0)
(0)
عن جد خبر حلو ويكتر خيره
أخي بفندق سفير حمص من فترة رجع شنطة لمغترب ألماني كان جايي غروب مع رفقاتو وكانو ع تكة طالعين عالأردن وكان فيها مبلغ يمكن أكتر من هيك ومارضي ياخد منو إكرامية ولا ليرة ... ياريت ياعكس السير غطيتو هيك خبر كمان .. القصة كتير مشوقة !!!
أخي بفندق سفير حمص من فترة رجع شنطة لمغترب ألماني كان جايي غروب مع رفقاتو وكانو ع تكة طالعين عالأردن وكان فيها مبلغ يمكن أكتر من هيك ومارضي ياخد منو إكرامية ولا ليرة ... ياريت ياعكس السير غطيتو هيك خبر كمان .. القصة كتير مشوقة !!!
ابو نزار
(0)
(0)
ياعمي بدك تقنعني انو شاف الشنطة وما فتحها وراح يدور عالسعودي حتى حصلو واداه الشنطة وما عرض عليه السعودي إكرامية
ياعمي طيــــر
ياعمي طيــــر
الحمدلله
(0)
(0)
ألف الحمد لله انو لسه في ناس متلك يا سيد محمد...أدعو لك أن تصادف الخير أينما اتجهت في حياتك
زيكو
(0)
(0)
والله الصراحه سائق السباره بيكون عمي وانا ما استغربت من اللي عمله لاني اتعودت اشوف منو الشرف ولامانه والنخوه انا دايما بقوله يا باشا وبلنسبه لرقم مبايل 0955203277
انا
(0)
(0)
لسع الدنيا بخير
تختخ
(0)
(0)
جميل أن يكون شعارك الأمانة ولكن الأجمل ان تكون أنت عنوانا للأمانة
نجيب
(0)
(0)
قلو كنت لهلسعودي بركي بدبرلك شغل وبصير كفيلك
مابتعرف من وين الله بيفتحا عليك
مابتعرف من وين الله بيفتحا عليك
مسافر
(0)
(0)
لو كنت تعرف شو داخل الحقيبة ما كنت رجعت صح
ع كل حال كترالله خيرك يا اصيل
ع كل حال كترالله خيرك يا اصيل
صدق اولا تصدق
(0)
(0)
أإإأال مافتحها أأأأأأأأأأأأأأأأل
أم محمد
(0)
(0)
انا بعرف هالانسان وهو دائما شيخ الشباب وكريم ومو بحاجة لاكرامية بيعطي ميت اكرامية لكل واحد بدو اكرامية هو ابو الكرم
رعد
(0)
(0)
مهما كان في دنيا سواد في نقطة بيضا ومهما في بياض في نقطة سودا
جزاك الله خير والله يكثر من أمثال
بس لو انا محل السائق مابدي منو شي بس بطلب انو يطالعني لعندو لانو بتسوى أكتر من مية مليون
جزاك الله خير والله يكثر من أمثال
بس لو انا محل السائق مابدي منو شي بس بطلب انو يطالعني لعندو لانو بتسوى أكتر من مية مليون
أبو محمد شيخ الشباب
(0)
(0)
يا سلام شي حلو
سوري أصيل
(0)
(0)
هذا شيء عادي جداً في مدينة حلب إذ أن سكانها أبناء كرم و شهامة مع أنني لست حلبياً ، أنا ابن القامشلي ، عشت في حلب خمس سنوات في الجامعة و لم أرَ من الحلبيين إلا كل خير ، و عندما سافرت إلى الخليج رأيت أشكالاً و ألواناً من البشر : قلة مروءة و قلة أدب .... و عندما سافرت في أول إجازة لي بعد سنتين من الغربة شممت هواء حلب النقي عندما هبطت إلى مطارها و عندما صعدت إلى التكسي سقط مني جهازَي موبايل يخصاني و لم أحس ذلك إلا عندما وصلت إلى كراج البولمان لأسافر إلى القامشلي فطلبت من أحد المارة في الشارع الاتصال بأحد هواتفي الضائعة لأعرف المكان و الاتصال هذا يعتبر دولياً بتكلفة كبيرة للاتصال مع ذلك قبل الشخص أن أتصل من هاتفه بكل رحابة صدر دون أن يعرفني مع أن شكله كان يوحي أنه شديد الفقر بعد رفضه لأي مقابل ، و عندما اتصلت بهاتفي رد علي شرطي من أمن المطار و قال لي إن هاتفي بالحفظ و الصون و عندما عدت بالتكسي سلمني عناصر الأمن الطيبون هاتفيّ و عرضت عليهم الحلوان فرفضوا ، و لو كنا في بلد آخر لذهب الهاتفان دون رجعة ، هؤلاء هم أبناء حلب أبناء النخوة و الشهامة قالوا لي عندنا في المطار لا يضيع أي شيء مفقود فكل من يعمل هناك معروف و أي شيء يعثر عليه يأخذه بأمانة إلى أمن المطار ، دامت بلدنا بخير و دام رئيسنا بصحة و عافية .
saad
(0)
(0)
ما ترك شيء لوجه الله او خوفا من الله الا عوضه الله بخير منه وضعفه وهذا واقع ليس مجرد تشجيع للأمانة
Maxim
(0)
(0)
هذا الانسان يستحق التكريم العلني و على كل المحطات الأرضية و الفضائية السورية ، أرجو استضافته على كل الشاشات العربية ، بدلا عن كثير من البرامج التافهة التي أبعدتنا تماما عن أخلاقنا و عاداتنا و تقاليدنا العربية ، أما السعودي فكان من الأجدر به أن يقدّم له مبلغا متواضعا كعربون شكر و امتنان ، نعم انه من الطبيعة اعادة الأمانة الى أصحبها ، و لكن اكرام المحسنين واجب ديني و أخلاقي و هو أضعف الايمان . براك الله بكم و جعلكم من عباد الله الصالحين ذخرا .
ابو علي
(0)
(0)
شو صار مسلسل ابو جانتي هل مرة سماح
مبروكة
(0)
(0)
مازال الخير في الدنيا
تحية الجزائر لناس الشرف في حلب الغالية.نعشق اهل الشام و اهل حلب عالعين و الراس
تحية الجزائر لناس الشرف في حلب الغالية.نعشق اهل الشام و اهل حلب عالعين و الراس
بنت سوريا
(0)
(0)
الله يحيي أصلك
سوري
(0)
(0)
الله يكتّر من أمثالك يا " محمد سيد طه "
محمد الرفاعي
(0)
(0)
الله حيك والله بترفع الراس
وكل من بيعمل بأصلو
وكل من بيعمل بأصلو
بنت حلب
(0)
(0)
الله يحفظك ويخليك ويرزقك يا ابن الاصول والله لسه في خير بالدنية الله محيي اصلك يا شريف.واللي بقول انه ما كل الناس بحلب هيك بكون غلطان ويجي يزور حلب ويشوف الكرم والمحبة
مغترب
(0)
(0)
الله يبارك فه هالسائق لأنو اللي متلو ومتل امثالو بيمثلو اهل بلدنا الطيبين اهل الكرامه والاخلاق
(ذكرني بقصه صارت بجده لما صار سيول جده السنه الماضيه اجا شب سوري الله يبارك فيه ويبارك بأهل السعوديه المهم هاد الشب انقذ عيله سعوديه كانت سيارتهن غرقانه بالسيل وطلعهن بس كمان السعودي الله يجزاه الخير حاول يكرم الشب ويجازيه بس الشب طلع شي بيرفع الراس مارضي ياخد شي ابدا ولا حتى عطا اسمو للسعودي وخلاها بينو وبين ربو )
وهي القصه اسمعتا على اذاعه هون بالسعوديه
(ذكرني بقصه صارت بجده لما صار سيول جده السنه الماضيه اجا شب سوري الله يبارك فيه ويبارك بأهل السعوديه المهم هاد الشب انقذ عيله سعوديه كانت سيارتهن غرقانه بالسيل وطلعهن بس كمان السعودي الله يجزاه الخير حاول يكرم الشب ويجازيه بس الشب طلع شي بيرفع الراس مارضي ياخد شي ابدا ولا حتى عطا اسمو للسعودي وخلاها بينو وبين ربو )
وهي القصه اسمعتا على اذاعه هون بالسعوديه
samer
(0)
(0)
عزة النفس والامانة هاي هي اخلاق كل مواطن سوري رغم الفقر الله اكبر يا شام
سوري مغترب
(0)
(0)
الهم اذا نيت هل السائق صافية
فالله يجزيه الخير و يرزقو بكل كيلو متر بيمشيه حسنة
فالله يجزيه الخير و يرزقو بكل كيلو متر بيمشيه حسنة
سوري شو ما صار
(0)
(0)
الله محي اصلك يا ابن الاصول الله يزيدك اكثر واكثر
* يا رب *
* يا رب *
رامي
(0)
(0)
والله انك عملة نادرة بحلب
وفعلا ان خليت خربت
هالانسان لازم يتكرم مشان يكون مثل للآخرين .
وخاصة شوفيرية التكاسي وخااااااااااااصة بحلب
وفعلا ان خليت خربت
هالانسان لازم يتكرم مشان يكون مثل للآخرين .
وخاصة شوفيرية التكاسي وخااااااااااااصة بحلب
الحنون
(0)
(0)
الواحد اذا نسي شي بالتكسي ببكي بس اذا رجعت بينسى الي رجعى يا جماعة نصيحة اذا صارت معكم لا تبخلو من شان ما تقطعو الخير
راتب الفرحان السلطاني
(0)
(0)
الله يجزاك كل الخير يا اخي محمد ويكثر من امثالك رفعت راسنا في السعوديه الله يرزقك في الحلال ويباركلك في بااااااااااااي اخوك راتب من منبج ومقيم في الرياض
محمد.م
(0)
(0)
يسلم البطن والضهر اللي حملوك ياحر
أضف تعليقك :
مقالات أخرى من " بكرى أحلى "
 9-3-2015 صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو ) ( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ... |
 14-5-2014 فيديو .. من أطفال سوريا إلى أمهات تركيا في عيدهم عكس السير ... |
 7-7-2013 23 مسلسلا في رمضان ... بعضها يدور حول الاحداث في سوريا رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ... |
 4-7-2013 رغم المنع والاعتقال مسلسل "منبر الموتى" حاضر في رمضان أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ... |
 24-6-2013 فرقة "مصاصة متة " السورية تشارك في مهرجان الشباك بلندن تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ... |
 4-6-2013 شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ... |
 2-6-2013 بالفيديو .. منجزات الثوار في محافظة الرقة المحررة "رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ... |
 28-10-2012 ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ... |
لاتعليق بدموع تزرف لحبي وفخري لسوريا بلدي بلد الكرم