إعلانات
الحكومة تقر مشروعي الغاء حالة الطوارئ و محكمة أمن الدولة العليا وقانون تنظيم حق التظاهر السلمي
الثلاثاء - 19 نيسان - 2011 - 16:42 بتوقيت دمشق
التفاصيل

أقر مجلس الوزراء مشروع مرسوم تشريعي يقضي بإنهاء حالة الطوارئ في جميع أنحاء الجمهورية العربية السورية المعلنة منذ عام 1963.

كما أقر المجلس مشروع مرسوم تشريعي يقضي بإلغاء محكمة امن الدولة العليا المحدثة بالمرسوم التشريعي رقم 47 لعام 1968 و تعديلاته وإحالة الدعاوى المنظورة أمامها الى مرجعها القضائي المختص إضافة إلى إقرار مشروع مرسوم تشريعي يقضي بتنظيم حق التظاهر السلمي للمواطنين بوصفه حقا من حقوق الإنسان الأساسية التي كفلها دستور الجمهورية العربية السورية وفق نواظم إجرائية تقتضي حصول من يرغب بتنظيم مظاهرة على موافقة وزارة الداخلية للترخيص بتنظيمها.

و تأتي هذه الخطوات استجابة للمطالب الشعبية التي خرجت في تظاهرات في عدة مدن سورية .

و طلب مجلس الوزراء من الوزارات المعنية الإسراع بإعداد مشروع قانون الأحزاب ومشروع قانون الإعلام والإدارة المحلية وعرضها على المجلس للمناقشة في أقرب وقت ممكن.

و ناقش المجلس مشروع قانون إحداث برنامج يسمى برنامج تشغيل الشباب في الجهات العامة الذي يقضي بتوفير 10 آلاف فرصة عمل سنوياً لحملة الشهادة الجامعية والمعاهد المتوسطة وتشغيلهم في الجهات العامة وذلك من خارج الملاكات العددية المحددة لها خلال سنوات الخطة الخمسية 11.

و تقرر في الاجتماع تكليف وزارتي الشؤون الاجتماعية والعمل والعدل والأمانة العامة لرئاسة مجلس الوزراء إعداد الصيغة النهائية القانونية اللازمة لتنفيذ هذا البرنامج.

كما بحث المجلس محضر اجتماع اللجنة المكلفة بوضع آلية التعليمات اللازمة التي تجيز تثبيت المتعاقدين على الشواغر المتوفرة لدى الجهات العامة وذلك لجميع الفئات حيث تم تكليف وزارتي الشؤون الاجتماعية والعمل والمالية والأمانة العامة لرئاسة مجلس الوزراء إعداد الصيغة النهائية لإجراءات ونواظم التثبيت وعرضها على المجلس لاستكمال مناقشتها وإقرارها.

وتحدث رئيس مجلس الوزراء خلال الجلسة حول توجهات وبرنامج العمل الحكومي في المرحلة المقبلة مؤكداً أهمية تطوير العملية التربوية في كل المراحل ودعم القطاعات الزراعية والصناعية وتأطير التنمية العمرانية وتوسيع قاعدة البنى التحتية والمرافق والخدمات الاجتماعية والصحية.

وشدد الدكتور سفر على تعزيز عملية التواصل مع المواطنين والاستجابة إلى مطالبهم وفق الإمكانات المتوفرة والمتاحة وإيلاء الاهتمام بتحسين أوضاعهم المعيشية وتأمين فرص العمل للأجيال الشابة ووضع برنامج لإعادة وتثبيت أبناء المحافظات الشرقية في محافظاتهم في إطار عملية التنمية الشاملة والعادلة المتوازنة.

وأشار إلى أهمية إعادة النظر بالهيكليات الإدارية وإيلاء الاهتمام بالتدريب والتأهيل ومكافحة الفساد والحد من الروتين وتعزيز الرقابة الوقائية.

وطلب رئيس المجلس من الوزراء مراجعة وتقويم آلية العمل في وزاراتهم والجهات التابعة لها ووضع برنامج كامل لتوجهات عملها وعرضه للمناقشة في المجلس تمهيداً لإغنائه واعتماده في المرحلة القادمة كخطة عمل لها وإقراره.

عكس السير

مواضيع متعلقة

إلغاء حالة الطوارئ في سورية .. وعكس السير يوضح التبعات القانونية لإلغائه


التعليقات :
قمر قامشلي
(0)   (0)
ما عاد في حجة للتظاهر
سوري وكلي أصل
(0)   (0)
اللهم انا نسألك الامن والامان لسوريا
محب للوطن
(0)   (0)
هرمنا ...... هرمنا ....... هرمنا ونحن ننتظر هذه اللحظة التاريخية

ياسلام هاد خبر حلو يعني انتهى عصر الخوف من عناصر المخابرات وامن الدولة وخاصة ان سوريا اصبحت دولة محكومة بالقانون والقضاء وليس بواسطة عناصر امن يكتمون نفسك اذا تفوهت بكلمة


انتهى عصر الخوف

مرحبا بالحرية

شكرا لعكس السير

سوري
(0)   (0)
الحمد لله والله يحمي بلادنا من اي فتنه
يا رب ترجع الامور تهدا ونخلي العقل هو اللي يقدم الحلول مو التخريب
سوريا الله حاميها
هاشم
(0)   (0)
لنشوف هلا شو رح يقولو انا واثق انو رح يقولو اي ما بيكفي ورح يردعو من جديد يحطو طلبات تانية يعني ما رح نستفاد شي وصدقا الموضوع مبين من اولتو انو طائفي بامتياز بس عم يطلعو بشعارات وعم ينفذو شي تاني تماما والدليل انو اغلب اللي ماتو بحمص هنن من طائفة وحدة ليش اللي من طائفة تانية مثلا ما تمثل بالجثث فقط تم تمثيل بالجثث التابعة لطائفة وحدة
ليش ليقتلو عميد ولا عقيد ولا مقدم ليش ليقتلو شب مخترع سوري نفس ما جرى أيام الأخوان تماما بال 1982
ولسا بيقولو مجازر مجازر شو وهنن اللي قتلو نسو يوم اللي فجرو الباص وقتلو طلاب مدرسة الضباط
نسو يوم اللي قتلو تالت رجل قضاة العالم ابراهيم الفاضل نسو يوم اللي قتلو اكبر اطباء سوريا
هالشعارات تبع السلفيين بلاها لأن صرنا فاهمين اللعبة تماما
كلنا شعب ووطن واحد بس هدول الاخوان بدهن قص راااااااااس بدهن اعدام هدول تكفيريين مو بني ادميين
بحب سوريا
(0)   (0)
الله يجيرنا احسن شي من المخربين اللي بدن ينغصوا علينا الامان بحياتنا
مطلع
(0)   (0)
خطوة جبارة قام بها كبير الوطن والآمة
لكن من حقنا ان نستفتى بهذه الخطوة
ورأي لا الغاء .
مهيار الدمشقي
(0)   (0)
اكبر خطأ ان يلغى قانون الطوارئ في ظل هذه الظروف اذا لم يكن هناك البديل الرادع لكل مخرب او مجرم
ابراهيم الحسين
(0)   (0)
كبير يا اسد الله يديمك ويسدد خطاك بس لو ما ولاد الحرام الي عم ينهبوا البلد نحنا بالف خير
ابو ماهر
(0)   (0)
بدنا نشكر الحكومة على الخطوة الحلوة طبعا ما ننسا سيادة الرئيس اللي وجه وله منا الف شكر وانا ما عندي اي مشكلة طبعا بوجود القانون او الغاؤه المهم تبلش الحكومة بالخطوات الجيدة لتخلصنا من المظاهرات اللي عم يتحججوا انو القانون مشكلتهم لانو بدنا ترجع الحركة الطبيعية لبلدنا الحبيب وهاد ما بيصير غير التعاون بيننا الشعب والحكومة مشكورين مرة تانية وتالتة
خــالـــد شــهـاب
(0)   (0)
أظن خلاص ماظل سبب للتظاهر اذا كنتم وكانت نيتكم شريفة هذا الاسد وحكومته ماقصرو واللي طلبتوه صار لان بعد اليوم اللي يطلع يكون مخرب وعدو للبلد والشعب لذا خافوا على بلدكم ياسوريين اعنيكم انتم ابناء سورية التي لم ولن تضعف ----
وليد
(0)   (0)
شكرا
صلاح ابوعارف
(0)   (0)
حماكي الله يا أمي الكبيرة وحماك الله يابشار لنشوف الخونة الي خارج البلد شو راح يحكوبس راح اقول انو شو ما حكوا راح يضل بشار الأسد تاج على راس كل سوري شريف بيخاف على بلدومن الفتن
مغتربة سورية
(0)   (0)
الله ايخليلنا ياك ياسيادة الرئيس وبعتقد بعد هيك ماعاد في داعي للتظاهر اخ بس لو كنت بسوريا لحتى علي بصوتي وقول الله سوريا اسدنا وبس
متفائل ومحب لوطني
(0)   (0)
انشاء الله يفهموا اللي بالخارج و(أهل حلب بيعرفو شو معنى الخارج) و يخلو الحكومة الجديدة تعرف تشتغل
مراقب عن كثب
(0)   (0)
يا جماعة هذه خطوات انا بعتبرها ملموسة اذا كانت حقيقية للاصلاح

وأرجوا من السادة الوزراء أثناء اتخاذهم لهذه القرارات أن يصدروا قرارا باصدار المخطط التنظيمي لمدينة حلب اللي صارلوا خمسة وعشرين سنة في أدراج حكومتنا الموقرة لانو هيك قرار يجب ان يتخذ مع هيك قرارات مهمة كقانون الطوارئ ومحكمة امن الدولة


والله عيب علىهم

والله عيب

حلب صارت كلها مخالفات اثناء هذه الفترة لانو ما في ترخيص

أرجوكم طالعوا المخطط التنظيمي



والله تعبنا
مغتربة سورية
(0)   (0)
الله ايخليلنا ياك ياسيادة الرئيس وبعتقد بعد هيك ماعاد في داعي للتظاهر اخ بس لو كنت بسوريا لحتى علي بصوتي وقول الله سوريا اسدنا وبس
عاشق الاسد
(0)   (0)
تامر الحجة اهم سبب للياس الذي اصاب الشعب السوري ولا بد من محاسبته والاستيلاء على امواله واموال عائلته لانها اموال الشعب .ارجوك سيادة الرئيس احالة تامر الحجة للتحقيق.
محمد نادر
(0)   (0)
ما نمر به اليوم ليس مشكلة إصلاحات بل دخل على الخط جهات أخرى تريد إستغلال حماس الشباب وإندفاعهم لتحقيق رغبات خارجيه.
أيها الشباب هدوءا
كونوا مع الوطن000
كونوا ضدالفساد والمخربين
كونون فعلا ترغبون بالتغيير
لا تسمحوا لأحد أن يسرق
ثورتكم
مجد من الارجنتين
(0)   (0)
الله ينصر سوريا يارب ويديم الامان والمحبة
سوريا المحبة والسلامة الله معك
سوري مرفوع الراس
(0)   (0)
مبرووووووووووك لشعب سوريا رفع قانون الطوارئ وواضح انو هل الحكومة عبتشتغل بسرعة كبيرة مشان هيك لازم نحط ايدنا بأيدها ونقول يا رب لنرجع سوريا أحلى من قبل
حلال على الحكومة والله
(0)   (0)
خيو هاد صواب قوي لكلشي كان عبيريد يخرب.

لك وقت منقول الله سوريا بشار وبس يعني بس.

noname
(0)   (0)
الحمد لله الأمور للأحسن
عاشق سوريا
(0)   (0)
الله يحمي سوريا وشعبها وقائدها
سوريا ياحبيبتي
(0)   (0)
مابدو...نزلوا الجيش الآن أو اسمحولنا ننزل نحنا...حان الوقت لنساهم نحن الشعب الحقيقي في الدفاع عن وطننا...
تحسين
(0)   (0)
رفعت الأقلام وجفت الصحف
وسحبت جميع الذرائع
ولم يعد هناك حجج للمتظاهرين

يارب احمي هذا البلد وأعد إلينا أمننا واستقرارنا
سوري
(0)   (0)
الله يخلينا الدكتور بشار اللي حكمتو رح تحل كل مشاكل الوطن
أحمد
(0)   (0)
ربي يحفظ سوريا وقائدسوريا من كل مكروه.
مواطن مغترب من زمن طويل
(0)   (0)
كل يوم تثبت لنا جميعا انك عظيم وهذا القرار يأتي تتويجا لحسك المرهف واخلاقك النبيلة وهي دعوة لكل المغتربين بالعودة للوطن والعمل يد بيد لنهضة سورية الخالدة ونحن بأنتظار محاكمة رئيس الوزراء وأعوانه عن كل روح ازهقت وكل ضرر لحق البلد
mahdey
(0)   (0)
عند الغاء قانون الطوارئ فقط
شعرت أننا أنسان موجود .......
أبوحسون
(0)   (0)
الحمد لله رب العالمين وبتمنى ان الله يحمي هالبلد وشعب سورية وما ننحرم بالامان يلي عشنا فيو طوا عمرنا والله يدي ولاة امورنا نحن الخير يارب شكرا لك سيادة الرئيس ....
ليدي
(0)   (0)
ولو إني مو مع إلغاء حالة الطوارئ بظل هالظروف يلي عم تعيشا البلد بس اذا كانت هالخطوة رح تهدي الأوضاع بالبلد وترجع الأمور متل ما كانت فشكراً للحكومة الجديدة يلي بلشت خيوط النور تظهر بعد استلامن وطبعاً الشكر الأكبر لقائدنا الكبير والعظيم أبو حافظ ويا جبل ما تهزك ريح ..
بسام الحنون
(0)   (0)
أنا جدا سعيد بهذا القرار بس بدي توضيح كنت اول لما أنزل عسوريا أدفع رسوم للسيارة 1200 ريال بهالقانون الجديد ألتغت موضوع الرسوم 1200 ريال ولا ما رح يلتغى سؤال برسم وزير المالية ووزير النقل وكل مسؤول في وطننا الغالي نحن ننزل ضيوف لمدة ثلاثون او اربعون يوما وناتي بالسيارة لكي نخفف تكاليف السفر وليس من باب الفشخرة والبهورة وبندفع 1200 ريال علما ان سعر السيارة التي ننزل بها لا تتجاوز ال6000 ريال أرجو طرح هذا السؤال لكل مسؤول شريف
ابــو ســدره
(0)   (0)
سـلامـا أيها الاسد ---- سلمت ويسلم البلد .........
قلتم وفعلتم والله الموفق والمستعان بعد هذا القرار اللي يطلع راح يكون قصده الخيانة لنفسه ولشعبه وبلده -----
الله يحمي سورية من الشر والتخريب
م فواز
(0)   (0)
هذه لحظة الفرز بين من يريد الاصلاح ومن يريد التخريب فبعد هذه اللحظة وحيث لم يبق من مطالب لم تتحقق وحده المخرب والمتأمر سيتظاهر
مواطن منتوف
(0)   (0)
بصراحة ما بصدقهم لح يضلو المخابرات يكتمو على نفسنا وما نقدر نحكي وتصريح التظاهر لح يروح على المخابرات وتوافق عليه او لآ وبعدين بسيطة ازا صار هلشي يا حرام المخابرات والمخبرجية بيصيرو عاطلين عن العمل مع انو عمل المخابرات المفروض اولا يكون موجه ضد الاخطار الي بتجي من برا الوطن وتانيا من جوا الوطن بس جوا الوطن مو متل م هنن متعودين
اياد
(0)   (0)
اعزائي:
ان صدور هذا القرار في وقت صعب كالذي تمر به سورية الغالية الآن دليل على ثقة القائد بشعبه, ارجو من كل مواطن شريف ان يثبت للسيد الرئيس ان ثقته بمكانها,
لنعري القلة المرتزقة التي ما زالت تحاول زعزعة الامن و نساعد على كشفها,
و الاهم ان نعطي مجال للاصلاح الذي وعدنا به و هو خير من وفى بوعد
مغترب
(0)   (0)
تفضلوا هاي ارتفعت حالة الطوارئ لاشوف شو حجتكم اكيد بكرة بيطلعوا بحجة جديدة يعني عم تغبر لو في البحر بدي اكلك يعني بدي اكلك هيك طبق عليكم المثل
ارحمونا حاجتكم نخريب بهالبلد و الله لو تحسوا باحساس المغترب و الله نحنا واقعين باشد الحيرة و الاضطراب يعني مو مكفينا هم الغربة و المعاناة الي عايشينها بالغربة كمان هم البلد طول اليوم عايشين على اعصابنا لمين بدنا نصدق الاعلام المحرض الي بتشوفه بتقول يا لطيف خربت البلد و بتسمع الاعلام الرسمي بتقول نحنا بجنة الخلد
و هالحكي الا بتعرضه الاقنية الاخرى و المواقع الاخرى كله كذب
ريحونا حدا يقلنا مين نصدق و الله اعصابنا تلفت من جهتي انا ما بتابع غير عكس السير و يا رب يكون هالموقع كلامه كله حقيقي لانه ما تعودنا منه غير الحقيقة
بتمنى منكم يا عكس السير تذكرونا اسماء المواقع الي بتعمل على بث الاكاذيب لحتى ما نفوتها و نوجع راسنا بكلامها لانه ما بقينا نعرف مين الصادق و مين الكاذب يا خي انتوا بسوريا عايشين و شايفين الي عم يصير بس نحنا الي بالغربة ضايعين و الخوف مالئ قلوينا على هالبلد و على اهلنا
انا عندي عيد الام و عيد الجلاء هم عيدين لكن انا بالنسبة الي الام و الوطن شيء واحد
الله يخرب بيوتهم ضيعوا علينا فرحتنا بالجلاء
و حسبنا الله و نعم الوكيل عليهم
شو الي ناقصهم
ما عاجبهم سيادة الرئيس يتفضلوا و يفرجونا يمن البديل الافضل عبد الخليم خدام الي قال الشعب السوري عم ياكل القمامة ليش مين طعمانا القمامة غير حضرته و حضرة اولاده الي جابونا النفايات النووية و لا جماعة الاخوان المسلمين الي اياديهم ملوثة بدماء الشعب باحداث الثمانيات و لا الدكتور رفعت و اولاده الي تجبروا بالارض و خلعوا الحجابات عن رؤس النساء بالشوارع و لا مين و لا مين شو بدي احكي عليك يا سفرجل كل عضة بغصة نحنا راضين بسيادة الرئيس و الي مو عاجبه يدور على وطن على قياسه هادا وطنا و هادا رئيسنا و نحنا حاطينه على راسنا من فوووووووووق نحنا المغتربين مالنا اقلام ماجورة عم احكي بكل حرية و بدون اي ضغط و لا مقابل اي منفعة مادية تذكر نحنا اغتربنا لنامين حياة افضل لاولادنا مو لنظل خائفين طول عمرنا عليهم و الي ما بيعرف قيمة الوطن يطلع و يغترب لحتى يتمنى يبوس تراب الوطن لكن الي وطنه فلوسه هادا وين ما بيروح وطنه بجيبه و نحنا ما بيشرفنا هيك ناس
نحنا الشعب العربي السوري شعب ابي ما منرضى الضيم و عندنا احساس عروبي عالي مندعم كل المناضلين الشرفاء الي عندهم قضايا محقة يعني نحنا ما منرضى الضيم لحدا فكيف لنفسنا لذلك الي بيرضى يكون اداة صغيرة بايد الامريكي و الصهيوني و بايد اصحاب الدولارات الي عندهم مشاريع حقيرة هادا بيكون خائن لوطنه و لاهله و بيكون جاب العار لاهله و لمدينته هوي ما اجاه العار لانه هوي العار بحد ذاته اسفي عليكم يا عباد المال و يا عبيد الغير نحنا ما منركع الي للخالق و رئيسنا لو كان ما هوي على نمطنا كان ما قدر يبقى بيناتنا لكن هوي اسد ابن اسد تربى بمدرسة الاباء و العزة و الشموخ لذلك لا تفرقوا بين اهل البيت الواحد
و شكرا يا عكس السير على فتح قلوبكم النا لنفش قهرنا لانه الي بقلوبنا اكبر من هيك بكثيييييير و دمتم بخير و بقيت راية الوطن عالية خفاقة رغم كيد العدا
عبود
(0)   (0)
الغاء الطوارئ لايعني انو الانسان صار حر حر مي على ميه بالعكس قانون الطوارئ ينظم الحياة الاجتماعية للشعب اكثر وكل واحد بيعرف له وما عليه يبقى القانون المدني هو الاصل فهذا بيخلص الشعب من سرقات السلطة للاملاك والعقارات وغيرها باسم الطوارئ جميل هل الحكي جدا وهذا كله بفضل الله والمتظاهرين الاحرار ولولاهم لما حصلتم على هذه المكاسب يعني ما حدا بياخود حقه الا بالقوة لانو نحن في غابة
حلو كتير
(0)   (0)
أول ما يصدر القانون رح نطلع مظاهرة نجرب القانون اذا ما حدا ضربنا معناتو صار أمر واقع إذا حدا ضربنا معناتو عم يضحكوا علينا
عاشت سوريا
(0)   (0)
فلينظر الشعب السوري والدول الأخرى نحن لسنا مصر ولسنا تونس ولسنا ليبيا .

نحن نحل مشاكلنا بأيدينا وليس بأيدي الأرهابيين وبأيدي الخارجين على القانون والمسلحين القتلة الذين يستغلون الوضع الراهن لتنفيذ قذاراتهم.

هذا قانون الطوارئ قد ألغي والاصلاح قادم وبجداول زمنية معلنة فماذا بعد أيها الأرهابيين ولكن نحن لكم في المرصاد حتى نراكم وراء القضبان مع الجرذان.

عاشت سورية حرة أبية وعاش بشار الأسد قائدنا وكبيرنا ...................وسوريا الله حاميها.................................
بسام الحنون
(0)   (0)
أنا جدا سعيد بهذا القرار بس بدي توضيح كنت اول لما أنزل عسوريا أدفع رسوم للسيارة 1200 ريال بهالقانون الجديد ألتغت موضوع الرسوم 1200 ريال ولا ما رح يلتغى سؤال برسم وزير المالية ووزير النقل ووزير المغتربين وكل مسؤول في وطننا الغالي نحن ننزل ضيوف لمدة ثلاثون او اربعون يوما وناتي بالسيارة لكي نخفف تكاليف السفر وليس من باب الفشخرة والبهورة وبندفع 1200 ريال علما ان سعر السيارة التي ننزل بها لا تتجاوز ال6000 ريال أرجو طرح هذا السؤال لكل مسؤول شريف
استفسار
(0)   (0)
هلق القانون التغى ولا لسى ناقصه اجراءات نرجو التوضيح
يعني الالغاء دخل قيد التنفيذ ولا لسى
سوري للأبد
(0)   (0)
نحنا مابدنا شي بدنا قائدنا يبلش يقمع هل المخربين بحمص ويساعد شعبا ويحمي ونحنا مع سيد الوطن بإصلاح او بدون اصلاح
أبو أحمد
(0)   (0)
شكرا لكل خرج بالمتظاهرات .. شكراً لأطفال درعا ، شكراً لنساء البيضا .. شكراً لشباب حمص .. شكراً لأهل اللاذقية وحارة الصليبة .. شكراً .. ثم شكراً لشهدائنا الذين منحونا هذه الحرية .. شكراً لأهل دوما .. شكراً لهيثم المالح .. شكرا للشيخ أنس عريوط .. شكراً للشيخ خالد كمال .. شكراً لأهل تلبيسة شكراً لحي باب السباع .. شكراً لأهل حماة .. شكراً لأهل بانياس .. شكراً لأهل جبلة .. شكراً لأهل دير الزور .. شكرا لأهل السويداء .. شكراً لكل من ساهم بإلغاء قانون الطوارئ من المتظاهرين والمحتجين .. لولا الله ثم هؤلاء لما كنا نحلم بإلغاء الطوارئ لمئة سنة أخرى .. شكراً شكرا .. شكراً
ايمن
(0)   (0)
كل من يخرج مظاهرات يعتبر خائن ويجب ان يضرب بيد من حديد كافي سال الدم كثيرا ولا مجال للاحتمال اكثر
حسكاوي
(0)   (0)
حاج بقى خلي الحكومه تشتغل
سوري
(0)   (0)
ياعيني ياعيني أحلى خبر ومتى سيصبح قانوناً قلتم مشروع قانون وليس قانوناُ ومتى ستصدر التعليمات النفيذية له
الله يخليلنا قائدنا بشار ويقويه على كل مين يعاديه من جوا ومن برا ويلهمه الحكمة ويعينه على هالأزمة لتمر بخير وسلام لمصلحة الشعب والمواطنين اللي ماداقوا طعم الحرية من 48 سنة
محمد
(0)   (0)
احسنت يا حكومة
iyad
(0)   (0)
هلئ الناس يلي عمبتطلع تتظاهر ما بقى الها حجه ولا سبب ويلي بيطلع بيتظاهر من بعد هلقرار بيكون واضح انو مسير وقصدو فقط التخريب وشكرا يا اسدنا
Ammar
(0)   (0)
يعني سيادة الرئيس وقع ع القرار ولا لسه ؟؟؟؟ ارجو الاجابة
ابو يزن
(0)   (0)
بكفي بقا يااهل درعا وبانياس شو بدكن لسا فهمونا لاانو صرنا بدنا نرجع لاهل درعا وبانياس بكل شي هلق هيكي بدكن تكرم عيونكم خلص بقا طفح الكيل خلو العالم تنزول على شغلا خلو النساء تنزل من البيوت كفو بلاكن عنا بقا يااهل درعا واهل بانياس
بحبك يا سوريا
(0)   (0)
بتمنى ما نفقد الأمان يلي كنا عايشين فيه و نحترم البلد
مهندس سوري
(0)   (0)
هاد مشروع وليس رفع لحالة الطوارئ
لايوجد لدينا تعليق الى الان



شكرا عكس السير
mazen
(0)   (0)
عفوا ولكن حسب الدستور السوري : تعلن حالة الطوارئ أو تلغلى بمرسوم يتخذ في مجلس الوزراء المنعقد برئاسة رئيس الجمهورية وبأكثرية ثلثي أعضائه، على أن يعرض على مجلس النواب في أول اجتماع له!!
soso
(0)   (0)
الحمدلله واخيرااااااااااااا
مفكر حلبي
(0)   (0)
الشكر لقائد الوطن ولكني لم اكن مع إلغاءه لأنه أحيانا هو الدواء الوحيد وهو الحل في بعض الظروف وخاصة في مثل هذه الأيام حيث يتعرض الوطن لبعض الأزمات... انا أؤيد الضرب بيد من حديد للمخربين والمجرمين الذين يهددوا أمن وأمان الوطن والشعب ...
مغتربة
(0)   (0)
سوريا الله حاميها فليهنأ الشهداء بقبورهم ولتفقأ عيون العداء وخاصة خدام يلي هو أكبر خائن وحرامي لأموال الشعب وعقبال مايجي وقت ونحاكمك وترجع اموال الشعب والخائن مصيرو الذل والهوان وعاشت سوريا حرة ابية وجاءت الأيام الحلوة للنعم بحلوها وحريتها أحلى وأرقى شعب الشعب السوري بكل طوائفه ومذاهبه التي يسودها الحب والتعايش يما بينهم
جميل كساب
(0)   (0)
انا ضد الغاء هذا القانون في هذا التوقيت بالذات فهو خلق لاحتواء هكذا احداث علما انني متأكد ان المخربين لن يتوقفوا فهذا القانون كان حجة لهم اتبرير تخريبهم فهو لم يمس اي مواطن شريف بالأذى, لقد بلغت الثلاثين من عمري و لم يتعرض لي اي رجل امن مع انني بمفهوم الدولة لست خزبيا و لست متفعا و لست موظفا بل بالعكس انني اتكلم بالسياسة و لي تحفظات كثيرة على عمل الدولة و لكنني لست مخرب و انا احب وطني اما من يتذرع بقانون الطوارئ كمن تذرع بقميص عثمان, و للسيد الذي وضع تعليق انه سيتظاهر ليجرب القانون فانني اقول له تظاهر دون ان تخرب و لو كان سوريا محبا" لوطنه لبلع مطالبه الان ليس هذا وقت مطالب الا ان كان شخص انتهازي اما اذا اصر على التظاهر فلينتبه من ان يتورط بالتخريب لان في ذلك الوقت ليس قانون الطوارئ هو من سيتصدى له بل الشعب السوري
مجمد
(0)   (0)
الله يديم سيادة الرئيس بشارعلى هل وطن نتمنه من الحكومه ان تنظر بوضع الجمعيات سكنيه هنك يوجد فساد كبير الله يسددخطكم
ابو الفورس
(0)   (0)
كلو هاد بفضل الكبير معلمنا قائدنا بشار الاسد قائد الامه

نحنا معك يا اسد نحنا معك يا اسد
Zingo Ringo
(0)   (0)
كون المعارضين السوريين (المنافقين) يعيشون خارج سورية و بما أنه تم إلغاء حالة الطواريء في سورية فعليهم الآن تحويل حملتهم الإدعائية الساقطة إلى البلدان التي يعيشون فيها لأن أغلبها تعيش في حالة طواريء
امير
(0)   (0)
ياشباب اطلعو مضهرات وهتفوالله يخلينا بشار وردو على الخونه بسوريه لاتعطو مجل للمعرظه لانن خونه وكل مبدهم يطلعو مضهره اطلعو قبلهم عشن نتخلص منهم
سوري
(0)   (0)
يعني منحسن نحكي يلي بدنا ياه
سوري ابن سوري
(0)   (0)
انا كتير فرحت عهالقانون بس للاسف يا سيادة الرئيس 75 % من الشعب مابيلبقلو حرية
والاصعب من هالشي كلو انو عالسريع بلشو يشككو بمصداقية القرار وانو ما بيكفي يعني بالمختصر المفيد اذا اكرمت الكريم ملكته واذا اكرمت اللثيم تمردا
علي
(0)   (0)
معناتو صار الواحد بيقدر يتظاهر ..

لانو التظاهر السلمي مسموح


آل حلُّوم" الشبطلية - اللاذقية"
(0)   (0)
آل حلّوم في اللاذقية ولواءالإسكندرون وكل سوريةوبلاد الإغتراب تقف بشكل كامل ومطلق مع السيد الرئيس المفدى الدكتور بشار الأسد في جميع خطواته الإصلاحية وتقول له بارك الله بيمينك أيها الحُر ابن الحُر .ويتقدمون من ذوي الشهداء الأبرار من الجيش العربي السوري الباسل ومن الشرطة والأجهز?? الوطنية والمدنيين الأبرياءبخالص مشاعر العز والفخر والمجد والاحترام لأرواحهم الطاهرة النقية ،أنتم الحرية ، وأنتم الوطن ، وأنتم المحبة والسلام ، أنتم المجد ، أنتم الحق ، أنتم حماة الديار. المجد والخلود لأرواحكم أيها الأحرار. الخزي والعار والموت لعصابات الغدر والخيانة والجُبن والإرهاب. كلنا سورية. كلنا للوطن.سورية الأسد لن تركع."آل حــلُّــــوم"
نور الدين
(0)   (0)
معلش يا عكس السير
ممكن تشرحوا لنا

يعني كيف مشروع رفع حالة الطوارئ

يعني هل تم رفع حالة الطوارئ ولا لأ

هذا اللي أفهمه..
سوري وفرحان كتير
(0)   (0)
خطوه عظيمه وشجاعة وان شاء الله بدايه لعصر جديد من الحريه وبناء سوريه اجمل لكل ابنائها متساويين في الحقوق والواجبات
"""""""""""""""""""""""""""""""""""
وارجو من الجميع ان نبدأ بمحاولة فهم وتطبيق الديمقراطيه من خلال حرية الرأي واحترام الرأي الاخر
فما اعتقده صحيحا لا يعني ان افرضه على الاخرين اذا كانوا لا يتفقون معي
لنبدأ جميعا ببناء سوريا اجمل
سليم
(0)   (0)
أول ما يصدر القانون رح نطلع مظاهرة نجرب القانون اذا ما حدا ضربنا معناتو صار أمر واقع إذا حدا ضربنا معناتو عم يضحكوا علينا .. وكلو عالورق ..
رمزي دلال
(0)   (0)
الحمد لله على كل حال ويارب تحمي البلد من الفتن والمشاكل ويرجع الأمن والاستقرار
عمر
(0)   (0)
الحياة حلوة مع الامن والامان شكرنا رح يكون برفع الفساد والرشوة من حياتنا وهادا اكبر شكر منقدمو للسيد الرئيس
عمر
(0)   (0)
يرجى من الحكومة والقيادة وضع خطة واضحة بجدول زمني للاصلاح والي ما بيعرف شو المطالب يرجع لنداء اهل حلب او نداء حمص وهيك رح يكون عنده فكرة عن المطالب
الخطوة كانت جيدة جدا وانتظرناها طويلة ولكن يجب وضع جدول زمني للصلاح لتهدئة كل ابناء الوطن
لنتعاون معا لبناء سوريا
حلبية
(0)   (0)
لك ابوس روحك يابشار ان لغيته ولا لاء منحبك .....
بس هلا اللي بده يتظاهر بده حرق والله
ويسلمو عكلامك يامغترب كتير حلو نفس اللشي اللي عمنحكيهز والله
بس ياريت بوظايف الدولة يطبق القانون اللي قال عليه سيادة الرئيس بشأن الرجل المناسب في المكان المناسب ...
مثلا عنا مهندسة مدني مستلمة قسم معلوماتية (اللي مفروض يكون اهم قسم بالدوائر)وطبعا دوائر المعلوماتية في الدوائر كلها سيئة بسبب الادارة الفاشلة
ومنحبك منحبك كتيييييييييير يابشار
سوري اصيل
(0)   (0)
الله يختار الخير للوطن ويرجع الامان للبلد تحت لواء سيادة الرئيس بشار الاسد
معيد بيعشق الرئيس الأسد
(0)   (0)
سورية كبيرة بقائدها وبوعي شعبها
الله يحميك ياأسد العرب
يعني التغى !!!
(0)   (0)
مشان الله حدا يشرحلي شو يعني مشروع الغاء حاله الطوارئ ؟
يعني التغى ولا راحت كمان كم اسبوع لحتى يقررو يلغو؟ و الله قلبي صار يجعني من هالتعقيدات
ارجو النشر
علوش الجبلاوي
(0)   (0)
قسماً بذات الله لن نسكت بعد اليوم لأيام غضبكم . وعهداً قطعناه سوف نكون جاهزين لجهادكم يا خونة . لعنة الله عليكم
محي - سوري
(0)   (0)
نرجو من السيد رئيس الوزراء و وزير التربية تثبيت المدرسين معهد متوسط - على الملاك و كل من اجرى مسابقة و نجح بها و لم يتم تعيينه أفضل من تثبيته من خارج الملاك أو تعيينه بصفة مؤقت طالما تبحثوا عن حل لمشاكل البطالة، و يكفي اجراء مسابقات و ضحك على الناس و تنجيحهم ثم انتظارهم لسنوات
حلب
(0)   (0)
الله سوريا حرية وبس ... الله سوريا حرية وبس ...


الله سوريا حرية وبس ...


الله سوريا حرية وبس ...


الله سوريا حرية وبس ...


الله سوريا حرية وبس ...


الله سوريا حرية وبس ...


الله سوريا حرية وبس ...


الله سوريا حرية وبس ...





مواطن سوري
(0)   (0)
يعطيكم العافية على هذا الإنجاز وعقبال الخطوات التالية وياريت مو نسرع بس يجب أن نقلع وبأقصى سرعة لنفوت الفرصة على المتربصين ببلدنا من الداخل أو الخارج !
وياريت يصدر قرار بهدم مبنى الهجرة والجوازات بدمشق أو تغييره أو إنشاء مبنى كبير محترم يحترم المواطن السوري عن طريق تقديم الخدمات والتسهيلات للمواطن السوري المغترب وأي مواطن يرغب بإنجاز أي معاملة له بهذه الإدارة التي تشهد إزدحام شديد بل بصراحة شي بهدله مو طبيعية التي تتم فيه ياريت يلقى طلبي أذن صاغية ( والله مطلب سهل وبسيط بالنسبه لبلد كبير مثل سوريا ماعليها ديون لحدى بالعالم !) والله في عمله رشوا شوي على خدمات شعبكم ياحكومة مع الشكر الجزيل لسعة صدركم........
عربي سوري
(0)   (0)
أولاً نشكر هذه الحكومة على هذه القرارات
وبعدها أناشد جميع الأخوة الذين ما زالو يتظاهرون بأن هذا التظاهر لن يجر إلى هذه البلاد إلا الخراب والدمار والرجوع إلى الخلف عشرات السنين
والدليل ما نراه من الدول التي جرت وما تزال تجري فيها المظاهرات
أيها الأخوة أناشدكم بالله إن أردتم تطوير هذا البلد
فلن يكون عن طريق السماع للخونة الذين يجلسون خارج هذه البلاد ويدسون سمومهم إلى بلادنا
بل يكون التطور بأن نصلح أنفسنا أولاً ومن ثم نضع أديدنا بأيدي الحكومة ونسعى لتطوير هذا البلد
وفقكم الله
ammar
(0)   (0)
و الله منحبك
النخوة والشهامة
(0)   (0)
الله يخللينا الدكتور بشار سنبقى معك للابد ..
اطلب من الشباب النخوة والشهامة ويجب علينا نحن الشعب ان نتصدى لكل متظاهر نراه ولا نخاف لاننا ندافع عن وطننا .. ونقف بجانب الامن حتى يرى العالم من تكون سوريا والشعب السوري الاصيل
سوري حر
(0)   (0)
وشو بالنسبة للقانون البديل..؟؟
يعني منشيل طوارئ منحط ارهاب
من سيء لأسوأ بقى لا تتفائلوا كتير
الطاغية طاغية
عبد الله
(0)   (0)
حاج حكي
شبعنا شعارات
وسام
(0)   (0)
ما كأنو الأخوة بالموقع نسيانين أنو المجلس وافق على إلغاء شرط 60 بالمئة للترشيح للتعيين في الجهات العامة
وشكراً
مواطن
(0)   (0)
اشو يعني قانون طوارئ
مواطن شريف
(0)   (0)
بس يا جماعة يقوم مجلس الشعب يطول بالتصديق..
والأصعب إذا رفض المشروع...
أنا سمعت الكونجرس أوقات بيرفض مشاريع الرئيس أو بيعرقلهاز
عزيزي المعارض السوري اللي عامل حالك معارض مثلا: قبل ما تقول نظام روح لشي محل و انقبر وقف بالدور او استنى ختيار يقطع الاشارة بدون ما تتحيون و تزمرقبل ما تقول حضارة و تطوير لا تبصق بالشارع لانو هاي ارض الوطن و انشالله بيبزقوا عليك الشعب كلوقبل ما تقول النا مطالب لا تاكل هوا و تبيع صوتك بالانتخابات و تنتخب هالكم نصاب و الكم مجرم كرمال كم ليرة .. و انتخب حدا يوصل صوتك بطريقة حضارية قبل ما تنقلع تساوي حالك رايح تصلي تزكر شو عملت طول الاسبوع بتكذب وبتنصب وبتخبص مثلا قبل ما تنقد القيادات و تصيرلي فهمان و هاد المحافظ عاجبك و هاد لا تعلم تقبل نقد العالم لانك لو حطيناك محافظ رح تنهب و تبلع و ما رح تعمل شي للبلد.....قبل ما تطلب تغيير قوانين و تحديث و تطوير خلي البنت عندك تتعلم و تقول رأيها....قبل ما تقول الشغل دائر و الحالة الاقتصادية زفت انقبر قوم فتاح بكير و بيكفي تتفرج عالستالايت ....قبل ما تقول هلكونا الضرايب شوف حالك اديه عم تنصب و تربح و تزور و ما حدا عم يحاسبك
عزيزي المتظاهر السلمي:قبل ما تقول محاربة الفساد شوف مين عامل الفساد غير ابوك و خالك و عمك و جارك و ابقى بس يوقفك شرطي المرور وانت عم تحكي مع صاحبتك لا تحط بأيدو المعلوم و ادفع المخالفةقبل ما تقول حرية علم ولادك عالحرية و فرجيني شو رح يساوو فيك ...قبل ما تقول طوارئ روح شوف اميركا الساعة 4 العصر ما بيسترجي اخو اختو ينزل عالشارع ...قبل ما تقول زيادة رواتب شوف حالك اديش عم تشتغل بالنهار اكيد مو اكتر من 35 دقيقة
قبل ما تقول تعليم غير مختلط روح انقلع ع افغانسستان ....قبل ما تطالب بتحرير الجولان روح اخدم عسكرية و حاج تدور عطرق تتهرب و تفيش ....قبل ما تشتكي من الراتب في اختراع اسمو واقي و روزنامة روح اشتريهن و حاج تبظ ولاد و تقول حرام ...قبل ما تشتكي من البطالة روح ادرس و تزكر العلم عنا ببلاش أو تعلم شي صنعة لأنو مانا بسويسرا مشان نعطي رواتب للعاطلين ...قبل ما تقول افراج عن معتقلين سياسيين روح شوف هال ولاد الحرام جواسيس لمين ...قبل ما تقول حرية الرأي احترم رأي غيرك
ولك آآآآآخ

مع احترامي ..ز لبعض الناس اللي بدها اصلاح

[email protected]
متشائل
(0)   (0)
يعني تخنوا كتير و حاجة علاك و انا صرت من الناس يلي عبيقولو ما في مندسين لانو يلي بدو يتظاه و يقتل هدول هنن المندسين و صار وقت العصاية الحامية
متفائل
(0)   (0)
الحمدلله ونشكر السيد الرئيس المفدى الي بنحبه عفا الله عم سلف بس بدنا من الوزراء يتوجهوا لكل ادارات الدولة باحترام المواطنين وتيسير امورهم طبعا ضمن القانون وترك الروتين المميت من كل الادارات والجهات القضائية واعطاء الاحكام بسرعة خصوصا بالدعاوي الاقرارية لضمان حق المواطنين باموالهم
لادئـــــــــــــاني حر
(0)   (0)
رحمة الله على مواطن شريف بذل دمه وروحه فــداء لكرامتنا وحريتنا ولعن الله كل من تورط بقتل هؤلاء الذين خرجو وقابلو رصاص الغدر بصدور عارية ليس ذنبهم ألا أن طالبو بعيش كريم وسنرى لاحقا ماسر تلك العصابات الفضائية التي تورطت بقتلهم لعنة الله والتاريخ عليهم كلنا يعلم من هم فقد رأيناهم بوضح النهار لكن الله يمهل ولا يهمل اقولها بحرقة لو كان هذا القرار قبل شهر من الآن كم كنا وفرنا من الدماء التي هدرت بغير وجه حق ؟؟؟؟؟؟؟؟؟؟؟
خبر عاجل
(0)   (0)
أصدرت الهيئة العليا اليوم القرار القاضي بالبدء الفوري بوضع مسودة لإعداد مشروع ورقة متعلقة بتشكيل لجنة خاصة لدراسة حيثيات جميع متطلبات آليات العمل لإعداد جدول زمني دقيق لاستصدار مفكرة توضح الأطر العامة بتحديد سبل انشاء مجلس معني بحل جميع المعوقات التي تعرقل عملية تذليل العقبات المرتبطة باعداد مذكرة تحدد المبادئ اللازمة لإطلاق عملية تداول كل المسائل المتمحورة حول القضايا المرتكزة على الحلول المنبثقة عن المقررات الساب
سوري
(0)   (0)
بس بدي قول للأخوة اللي عم يقولو ليش اللي استشهدوا بحمص من طائفة وحدة. السبب هو أنو اللي قتلهم بدو الناس تفكر متلكم و هيك بصب الزيت عالنار.
اللي استشهدوا هنة سوريين و بس و كل الدم السوري متل بعضو ما في فرق .
خلونا ننسى كل شي و نذكر أنو كل سوري هو أخونا و كل سورية هي أختنا
سورية للكل و ما بتعمر إذا ما كلنا كنا ايد وحدة.
أبو عمرو - حلب
(0)   (0)
الى السيد عمار أظن بأن السيد الرئيس لم يوقعه بعد انما هو حاليا اقرار مشروع الغاء قانون وليس قرار الغاء لأن القرار يصدر عن السيد الرئيس وللكن خلال أيام سنراه صادر باذن الله !
واقول لأولئك المتظاهرين أظن بأنه لم يبقى لكم حجة الآن وبالحلبي ( بركوا وكنّوا وعيفونا نرتاح بقى )
وطني يا غالي
(0)   (0)
نرجو من السيد رئيس مجلس الوزراء
د عادل سفر ..... أن ينظر بجدية الى التعقيد المترتب على اجرائات

الترخيص للمنشئات الصغيرة

معامل .... مشاغل مخللات ..هذه المنشئاّت التي لا تعبي العين بنظر البعض؟؟؟؟؟؟ هي تمتص شريحة واسعة من العمال ... وهي دعم للأقتصاد الوطني .. ولا يستهان به اطلاقاّ

أتمنى أتمنى من القلب أن يصل

هذا الطلب للسيد رئيس مجلس الوزراء

ولا يفوتني هنا .........

ان أشكر كل الجهات التي تعمل من أجل حماية الوطن

والدفع بالأصلاحات الكبيرة

والشكر الجزيل سلفا لمجلس الوزراء
وبالتوفيق انشاء الله بكل عملهم

ولكل من يعمل لأستقرار وطننا الغالي

وكل الشكر للسيد الرئيس بشار الأسد
على توجيهاته لكل الوزراء
أبو عمرو - حلب
(0)   (0)
أظن بعد صدور هذه القرارات لم يبقى لأحد حجة في التظاهر لذا اناشد الأخوة المتظاهرين الشريفين بكافة المدن السورية الذين طالبوا بالحرية ( وليس الذين عاثوا فسادا في البلد ) بأن ينهوا هذه الحالة ويلتفتوا لأعمالهم وأحوالهم ولنمضي معا يدا بيد لنكمل بناء الوطن الغالي على أسس جديدة وصحيحة ولنعطي ( كمّ ) لأولئك الجالسين في الخارج اللي خاب املهم باذن الله .
سوري مقيم بالكويت
(0)   (0)
هذا القرار بمنتهى الشجاعة وخاصة انه ياتي بهذه الظروف الصعبة ولو كنت مكانه لما اقدمت على هذه الخطوة الآن وما المانع ان يؤجل حتى تهدأ الامور ولكن هذا يدل على الثقة الكبيرة ايضا الذي وضعها لدى الشعب والمسؤولية الكبيرة التي اودعها لديهم .
اني احني هامتي احتراما الى هذا الرئيس الشاب الشجاع واقول وفقك الله ايها القائد الكبير وان اكتساب ثقة الجماهير ومودتهم ليس بالشيء القليل ابدا .واما بالنسبة للذين يخافوا الامن فأقول انني كمواطن عشت فيها خمسون عاما لم اتعرض يوما الى مسائلة من المخابرات مع اني ارفع صوتي ضد الاخطاء كغيري وانتقد كثيرا التقصير والفساد الحكومي واحيانا اخرى اتكلم امام عناصر امنية ايضا.. ولكنني لست ممن يمدون يدي للخارج الاجنبي ولست من المعجبين بهم اساسا وقد عاشرتهم وفهمتهم جيدا وكرهتهم كثيرا واحتقرت الكثير منهم كما ان هناك الجيد منهم .
موظف مؤقت
(0)   (0)
بدي اسال من شأن التثبيت انا صرلي موظف 8 سنين ونحن ما عنا شواغر بدي يا عكس السير تتابعوا موضوعنا معقول ما نتثبت لانو ما عنا شواغر لاني الشواغر اللي عنا كلها راحت من النقل من الدوائر الاخرى والله انا استبشرت خير وقت حكت السيدة بثينة شعبان عن تثبيت المؤقتين بدي من الحكومة الجديدة ما تعيد نفس القرار اللي طالعوا السيد ناجي عطري لاني ما استفاد منو حد و هداك الوقت راح تكتر الواسطات والله يخلي الدكتور بشار الاسد اللي عبحس بمشاكلنا و الله يحفظ سوريا ورئيسها ويخليه تاج على راسنا وشوكة في حلق الاعداء والمتآمرين والمندسين
مواطن سوري
(0)   (0)
المجرمين من اشترتهم اسرائيل بيد الحريري وبندروخدام وحمد
امرهم محسوم على المشانق
هم واسيادهم
ام المصيبة الكبيرة المتظاهرين الاغبياء الذين تسوقهم اسرائيل
مثل الغنم وهم يدعون الفهم والكرامة وهم لا يرون بغبائهم وتعصبهم اكثر من انفهم

طيب رح امشي معكم خلينا نروح نتظاهر بالسعودية ونطالب بالغاء
150$ ثمن الفيزا على كل معتمر مسلم في الكون وتدفع بالنهاية الى اسرائيل لتحارب بها العرب والمسلمين
طيب خلينا نخصص10%من بترول السعودية هبة الله للمسلمين
لاخوتنا المسلمين في اندونيسيا اوماليزيا اوالمسلمين الفقراء في كل انحاء الارض
(مع العلم يصرف على الخمور والمكياج والكبتوكان والدعارةفي السعودية ما يقارب 4 مليار دولار سنويا)
اعطيناكم المكان الصح للجهاد هلموا لتحرير الديار المقدسة من يد ال-----------------

دمتم متطاهرون اغبياء
بما ي
noname
(0)   (0)
ميرسي كتير لسيادة الوطن ويوم الجمعة منشوف شو حجتهم شو رح يطلبو
عربي و سوري و ؟؟؟بس
(0)   (0)
بس ولا يهمك ياسوري حقن فرنكين لا تتخيل أنو الحومة والشعب نفسو مو حاسبين حساب هالكلاب على كل حال ما منحسن هلق غير نترحم على أرواح الشهداء ونطلب من رب العالمين يصبر أهلن
هادي
(0)   (0)
يا عالم اصحوا .. يا شباب تعلموا من الغير .. رئيسنا أحسن رئيس .. و بلدنا أحسن بلد .. و أنتوا أحسن شعب والله ..حاجتنا دماء و شهداء و حاجتنا ... و الله نحنا مو هيك ..
مواطن سوري حر
(0)   (0)
والله حاسس انه حبر على ورق..طيب شو مشان الغاء المادة 8 من الدستور؟يمكن نسيتو؟
ابو سامر
(0)   (0)
الله يبارك فيكم وبقراراتكم
وانشالله تكونوا قول وفعل
وانشالله تلتزموا بتصريحاتكم
وسوريا بلدكم ودمتم لها كلكم
الرجاء حل الهيئة المركزية للرقابة والتفتيش وتعزيز دور الرقابة الداخلية
(0)   (0)
الرجاء حل الهيئة التفتيشية لانها تبني قراراتها على التهيات والظن والشك ولا تعتمد على اية وثيقة قانونية وتستصدر قرارات جائرة ولا تتراجع عنها باعتبار ان عناصر التفتيش لايخطؤوا وهم فوق البشر نرجو من الحكومة الكريمة حل هذه الهيئة واعطاء الدور للقضاء العادل
سوريا الله حاميها
(0)   (0)
ماعاد في اي شي يدعي للتظاهر يا اهالي حمص
(اخرجوا المندسين من بينكم)
الختيار
(0)   (0)
هرمنا ...... هرمنا ....... هرمنا ونحن ننتظر هذه اللحظة التاريخية

ياسلام هاد خبر حلو يعني انتهى عصر الخوف من عناصر المخابرات وامن الدولة وخاصة ان سوريا اصبحت دولة محكومة بالقانون والقضاء وليس بواسطة عناصر امن يكتمون نفسك اذا تفوهت بكلمة


انتهى عصر الخوف

مرحبا بالحرية

شكرا لعكس السير
ابو نافع
(0)   (0)
اول الغيث قطره
يا جماعه عطوهم فرصه
والله شعبنا ما بيلبقلوا الا الخير
بس بدها طولة باااااااااااال
ابو حلب
(0)   (0)

خطوة عظيمة نحو الحرية سلمت يداك يا سيادة الرئيس

نسأل الله ان يديم علينا نعمة الأمن والاسقرار

بس في سؤال وين قانون الارهاب البديل!!!؟؟؟

بس مايكون اسوء من قانون الطوارئ ونعود نترحم على قانون الطوارئ

انشأ الله لا

آملنا فيك كبير يا دكتور بشار
مواطن مفلس
(0)   (0)
والله ممتاز ياشباب شو بدنا اكتر من هيك
الله يهدي الوضع حتى نرجع لأشغالنا والله تبهدلنا
11
(0)   (0)
ان شالله خير وان شالله تصير قوانين سريعا مشان ما ضل مبررات لحدا
واهم شي انو اصلاح بفيد هل بلد ولمصلحة الكل
حلبيه مغتربة
(0)   (0)
شو بعد بدكم يا متظاهرين
وسيم
(0)   (0)
حماك الله يا أسد
الله يحميك وينصرك على أنصاف الرجال

ماعاد في اي شي يدعي للتظاهر واللي بيطلع بكون خاين للوطن
معلمات
(0)   (0)
نحن معلمات الساحل تعينا في المناطق الشرقية نعاني صعوبة في السفر والسكن و المعيشة يرجى النظر في امر نقلنا وترك المجال لابناء المناطق الشرقية في الوظائف وتوفير عناء السفر و السكن وشكرا
درعاوي
(0)   (0)
علينا ان نحمد الله ثم نشكر اهل درعا الذين بذلوا دماءهم رخيصة لتحقيق بعض مطالب الحرية التي يسعى اليها كل السوريين
الف رحمة تتغمد ارواح اخواننا الشهداء في درعاوبانياس واللاذقية وحمص وحرستا ودوما..
رحمهم الله جميعا... الى جنات الخلد
عزام السوري
(0)   (0)
يا عمي غلط ايشيلو قانون الطوارء حاليالاايردو على الامركان والخونة الي برى قاعدين بقصور برى اونحنا يلعبو علينا منشان انخرب سوريا ولك عيب والسلام
عاطل عن العمل
(0)   (0)
هذه الحكومة هي ما يحلم بها كل مواطن سوري حر شريف.... احسنتم في تصحيح اخطاء الحكومة السابقة وخاصة فيما بتعلق بمعدل الستين... دمت يا سيد الوطن وازداد ايمانا بك ...انت فجر الحرية في سورية... وتحية حب لهذه الحكومة الشريفة.. كلنا امل بكم وانتم ستكونون عند حسن ظن المواطن والقيادة بكم...
نرجو من القائمين على مسابقة وزارة الخارجية الاخيرة مراعاة المتقدمين على المسابفة من حملت شهادة الدكتوراه علما ان المسابقة شابها الكثير من الظلم من حيث ضيق الوقت ... نتمنى من السيد الوزير النظر بطلبنا علما انا عددنا لايتجاوز عدد اصابع اليد ونحن عاطلون عن العمل مع كل الشكر والاحترام
ملك الهوب هوب
(0)   (0)
يا جماعة قطاع العقارات مسيطر عليه من قبل مافيات خطيرة جدا اعاقت التنظيم وحركة الاعمار والبناء يعني لو تم فتح المجال لهذا القطاع ما بيظل عاطل عن العمل وخلي هالبيوت ترخص شوية مشان الناس تقدر تشتري بيت...هالمافيات رفعت اسعار العقارات بسوريا لتحقيق الثروة وخنق الشعب
غسان
(0)   (0)
خطوة جبارة قام بها كبير الوطن والآمة
عقبال إلغاء مادة الفصل من قانون العاملين الموحد التي وضعها السيد عطري وفصل المئات دون صدور قرارات من المحاكم
ابراهيم
(0)   (0)
والله هذه هي حكومة الدكتور بشار الاسد البطل اتمنى من كل سوري شريف عنده كرامة يحب اطفاله واخوته ويحب سورية ان يدعو للسيد الرئيس بأن يحميه الله ويقويه وينصره ويشد على يده ويد الحكومة وان يكون سند بكل مايستطيع للرئيس ولسورية لافشال هذا المخطط الصهيوني الغربي لافشال هؤلاء الخونة مثل الحريري وخدام وبندر الذين اغضبوا الله وخسروا الدنيا والاخرة وباعوا انفسهم والذين ان شاء الله سيكون مصيرهم كمصير شارون ...الله يوفقك يابشار الاسد ونحن انشاء الله معك حتى اخر نفس لنا في هذه الحياة
م0ر0ن
(0)   (0)
كل الشكر لقائد الوطن
ونحن نريد المزيد ونريد عودة ابنائنا
المجودين خارج القطر ليساهموا مع كل الشعب في عملية البناء
سوسر طالوستان
(0)   (0)
مبروك لسورية ولنا وإنشالله نكون واعيين كفاية للمرحلة القادمة من حياة بلدنا ومستقبل ولادنا، صح في خطوات أخرى قادمة بس كبداية الأمور بتبشر بالخير
تحية لجميع الشهداء يلي سقطوا على تراب الوطن وشكر للسيد الرئيس
سوري حلبي
(0)   (0)
هاد هو يوم الفرز بين يلي عبيتظاهر لدافع وطني حبا بسوريا الغالية

و بين الخونة المأجورين المرتزقة العملاء الاندال المجرمين يلي عبيقتلوا اهلنا و شعبنا و عناصر امننا و ضباط و جنود جيشنا ..

بدكم حرية !! هي حرية و هي راح قانون الطوارئ

بدكم تحسين المعيشة !! زادت الرواتب تقريبا 40% و المازوت رح ينزل و قرارات تانية رح تصدر

بدكم حرية اعلام رح يطلع قانون بهالشي ..

بدكم حرية تعدد احزاب !! رح يطلع قانون بهالشي

اما اذا بدكم حرية تدمير سوريا و حرية الفتنة و حرية القتل للابرياء بهالوطن فشرتوا .. و خسأتوا ..

وسوريا اقوى منكم و رح تلفظ كل خائن و عميل و رح نحتفل ان شالله عن قريب بنصرنا على اكبر تحدي عشناه بتاريخنا الحديث

و دمي و روحي فداء لترابك يا سوريا
و الله يوفقك يا دكتور بشار يا تاج راسنا لكل ما في خير لوطننا الغالي
ملينا من الوعود
(0)   (0)
انا شد السيد وزير الادارة المحلية با النظر بمخطط التنظيمي لمدينة الباب و خلو الناس تعمر غرف اضافية ببيوتها او اضافة غرفة او غرفتين على السطح شو المانع و اكيد لو مو لازمو ما عمر؟؟؟؟؟؟؟؟؟؟؟؟؟؟؟؟؟؟؟؟؟
ريماااااااااااااا
(0)   (0)
يقول المثل المصري " يدور على جنازة عشان يلطم فيها" هذا هو وضعك .. مستنفر دائما ولا يعجبك العجب ... من قال لك انه سيوضع بدلا منه قانون الارهاب ؟؟؟ الم تخجل من نفسك بعد .؟؟؟ تشكك بكل قرار فيه مصلحة الوطن والمواطنين وتحرض عليه بحقد واضح ... هل هذه حريتك التي تريدها ؟؟؟ .. ثم من تقصد بالطاغية ؟؟؟ يبدو ان المحطات القذرة المأجورة عينتك مراسها العتيد ....
متشائم
(0)   (0)
يا ترا الامن تبعنا يلي صارلو 40 سنه متعود يشحط العالم و ما حدا يسترجي يقلو ليش و لوين رح يوافق يطبق هالقانون !!! مع العلم انو مشروع و لسا ما توقع من سياده الرئيس.
مواطن حر
(0)   (0)
اول الشي شكرا لانو اخيرا صدرت هالقرارات يلي الشعب منتظرا من زمان

تاني شي لكل واحد عم يحكي علمتظاهرين بحب قول عيب عليكون لانو لولا دمائون ماكنتو حصلتو على هالحرية

شاطرين بس بالمسخرة
ارجو النشر
yasmin
(0)   (0)
??
omar
(0)   (0)
الحمد لله صرنا على الطريق الصحيح والى مزيد من الاصلاحات بلدنا بستاهل كل شي حلو
سوريةمغتربة
(0)   (0)
تحية للسيد الدكتور واخونا بشار الاسد القرار حلو بنظري لانو الدخل يلي كان يروح للجيش وقانون الطوارئ رح يستفاد منو اهل البلد بس ما لازم ينلغى لانو نحنا ممكن يوم من الايام نحتاج ويصير عنا حالة طوارئ لاسمح الله وانا بدي قول للاخ محمد انو كلامك عجبني ومنطقي وضحكني صراحة لانك ناقد مزوحي ووصلت فكرتك من خلال كلماتك الخفيفة القوية معا وشكرا لكل سوريا شريف بيحب بلدو وشكرا لسيادتك الدكتور بشار ابن الاسد
أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " بكرى أحلى "

9-3-2015
صامدون في وجه آلة النظام التدميرية .. سوريون يحولون حطام منازلهم إلى أمل بمستقبل لا بعث فيه و لا أسد ( فيديو )
( شاهد الفيديو هنا ) | بعد أن قام بتدمير كل ما يمكن تدميره، وهو الذي لم يساهم ...


14-5-2014
فيديو .. من أطفال سوريا إلى أمهات تركيا في عيدهم
عكس السير ...


7-7-2013
23 مسلسلا في رمضان ... بعضها يدور حول الاحداث في سوريا
رغم الحرب تمكنت الدراما السورية من التواجد بقوة خلال موسم رمضان المقبل بـ 23 عملا درميا يدور بعضها ...


4-7-2013
رغم المنع وا??اعتقال مسلسل "منبر الموتى" حاضر في رمضان
أنجز المخرج سيف الدين سبيعي تصوير ثالث أجزاء "الولادة من الخاصرة" في بيروت، بعيداً عن أعين الرقابة ...


24-6-2013
فرقة "مصاصة متة " السورية تشارك في مهرجان الشباك بلندن
تشارك الفرقة السورية المسماة "مصاصة متة" في مهرجان الشباك الشهر القادم، الذي يقام في لندن، وتضم الفرقة تجمعأ ...


4-6-2013
شمعة في ظلام حلب .. الهيئة اليسوعية لخدمة اللاجئين تقدم 16 ألف وجبة غذائية للنازحين يومياً
لم يكن الدور الانساني الكبير الذي تقوم به الكنيسة المسيحية بكل طوائفها خلال الحرب السورية من اعمال اغاثة ...


2-6-2013
بالفيديو .. منجزات الثوار في محافظة الرقة المحررة
"رداً على من يقول أن الثوار غير قادرين على إدارة الوطن وشؤونه" .. نشر ناشطون مقاطع فيديو لبعض ...


28-10-2012
ضابط في سجن تدمر يكشف عن 62 اسماً معتقلاً بداخله هم في عداد المفقودين لدى أهاليهم
كشف ضابط سوري في سجن تدمر متعاون مع الثوار عن 62 اسماً من المعتقلين داخل سجن تدمر وهم ...