سوريون في ألمانيا يشتكون وضعهم بمخيمات تشبه مخيم الزعتري ! ( فيديو )

30 يوليو، 2015

سوريون يشتكون وضعهم بمخيمات تشبه مخيم الزعتري في ألمانيا ! ( فيديو )

[ads3]

30 يوليو، 2015
التعليقات المنشورة لا تعبر عن رأي عكس السير وإنما عن رأي أصحابها

31 Comments

  1. الحكي بيننا هذا مؤقت ولكن ياريت أنو تحتجوا ودائما تعطوا فكرة حضارية وانو نحن اتينا فعلا من بلد الحضارات هاربين من الحرب

  2. ولسه ماشفتوا شي ياشحادين…والله ايامكم سودا راح تكون لانو الشعب الالماني ماطايق اي مهاجر ولابده اي لاجئ..جايين بس منشان تنعلفوا وتناموا ..اللاجئ الحقيقي هو يللي بالمخيمات على الحدود ماعنده ياكل مو انتو يللي كل واحد منكم دافع 6 الاف دولار للمهربين ليوصل لألمانيا.

    1. 90% من السوريين الي هون لاجئيين لأسباب اقتصادية وجايين مشان المساعدات,,هلأ وقفلهن المساعدات ما بضل حدا يجي لهون

    2. ومتى تعلمت اللغة العربية يا ألماني عتيق ..
      ومن قال لك بأن الشعب الألماني ما طايق المهاجرين … ما نص الشعب الألماني من المهاجرين!!

  3. لسا السوري وين مابيروح بدوا يتمضرط عاساس كل واحد فيهم كان عايش بقصر

  5. لازم يحطوكن بفندق 5 نجوم حقك عليهن,, يا زلمة إحمد ربك الي عم يحطوك بخيمة شو قلك عندهن ضربة لازم!!! هلأ رح يسكنوك و بعدين بيعطوك اقامة وبيصرفوا عليك و بعلموك وماعاجبكن!!! طيب ليش اجيت لعندهن!! سعرك بسعر باقي العالم من كافة بقاع الأرض روح اشتغل بكرة و استأجر فيلا و اقعد فيها,,ماهي كل هل بهدلة مشان بالأخير تعيشو علمساعدات و الشحادة و تقولوا ياي بكرة مناخد جنسية وصرنا ألمان,,,هيك الي مو شبعان ببيت أهلو بيعمل..ومافي شي حيشبعو ويرضيه

    1. طز فيكم وفي اوربا ليش التجريح والحكي الفاضي ولو كنم متحضرين استعملتوا غير هذه اللغة هذا دليل انكم من اصل زبالة . مايحدث في سوريا امور سياسية معقدة والشعب يدفع الثمن حتى لو خرج من سوريا بعض الجهلة والانانيين امثالكم فسوريا بلد الحضارات

    2. الشعب يدفع الثمن صح بس في انتهازيين وصوليين همها أديش بيعطوه مساعدات و ايمت بياخد الجنسية وعم يستغلو أزمة بلدهن مشان يصيروا لاجئيين وياخدو مساعدات!!! اللاجئ بالمفهوم العام هربان من الموت وفي خطر على حياتو,,في حدا هربان من الموت أول شي بيحتج عليه انو حاطينو بخيمة بشكل مؤقت!! وفي مي أوعي يتشتش بوطو!! روح شوف الشعب الي بسوريا وبالمخيمات الي ما معهن حق ربطة خبز مو كل واحد حاطط كم ألف دولار كان بإمكانو يطلع بكرامتو يدرس فيهن أو يكمل حياتو,,بس في ناس انتهازيين وصاروا يستغلو كلمة سوري ليشحدو عليها مو ليفرجوهن انها بلد الحضارات!!! صرلنا بعدين من القرن الثاني عشر خارج التاريخ فلا تجي تساويلي بلد حضارات ومدري شو

    3. يمكن لهلق انت عايش بلمريخ صار مليون سوري ميت و بتقول في حدا مهددة حياتو غريب

    4. إالي مهددة حياتو بالموت بلاقي الخيمة والأمان جنة خاصة انو هلموضوع مؤقت,,أما الي طلع ليقعد يتنبل ويشحد أول شي بفكر فيه هي أديش حيعطونا وشو حيلبسونا ووين حيسكنونا,,,وييي عهل بهدلة! المعادلة بسيطة كتير وواضحة كوضوح الشمس بالسما بس في ناس ما بتحب تشوفها لأنو الحقيقة مرة

    5. حاجة تبيعوا هالعلاك ماحدا بقى اشتراه تعال عالمانيا وشوف جماعتك السوريين شلون نازلين متل المنشار عالطالعة والنازلة استغلال لو اني بحكم هالبلد لرجع كل واحد فيهن عسوريا بالشلاليت

    6. حيرتنا !! .. انت وين !!؟ وين عايش ؟!
      اذا الحكي عالخليج .. بتقول تعا شوف بالخليج
      أذا انحكى على تركيا .. بتقول تعا عتركيا وشوف
      بألمانيا نفس الشي .. تعا على المانيا …
      ونفس الشي لو المقال عن السوريين باليونان أو ايطاليا أو الواق واق .. فأنت موجود في كل تلك الأماكن في نفس الوقت .. معك بساط الريح يعني ..
      أنت شغلتك تكذب وتحكي عالناس وبس ..!!؟

  6. هذا المخيم مؤقت بعد بضع اشهر يحصل اللاجئ على اقامه ويحصل على اعانه شهريه وليست راتب المشكله عليهم ان يجدو سكن ويبدء التفتيق بدنا بيت مع اطلالة وحديقه و اشراف جميل قبل سنه كنت اركض وابجث لهم عن سكن اليوم اقول ابحث لنفسك للاسف الكل دفع الالف الدولارات لياتي المانيا وعلى الشعب الالماني تعويضه مادفع ويتحدث كما لو ان الالمان قالوا له تعال لعندنا

  7. رجعوا قاتلو انظام وداعش احسنلكون قاعدين للعزا رقبة بالخيام يالله هي الحلم الاوربي ولسا ماشفتوا شي غضب الله حينزل عكل طنط سوري تخلى عن بلدو ودينو ولحقلي سيقان اوربا

  8. الله يلعن هالزمن والعربان الجربان اللي خلوا الشعب السوري ينهان انشالله بدها تنرد عليهن

  9. لو رجعت لورا خمس سنين لتعرف ان محدا بيطلع من بلدو و بنهان هيك الا اذا كان ناطر برميل يخرب بيتو او سيف يقطع راسو او جره غاز تاخد حدا من عيلتو بس كل واحد عم يعلك صرلو سنين برا بلدو مابحقلو يحكي و للي عم يقول هدول معن الاف دولارات تلت الاف دولار صارت ثروه و السوري الزنكيل مابقعد هلقعده و فهمكن كفايه مافيكن غير التعليك

    1. مافيني احكي بالأرقام والإحصائيات بس الكل بيعرف انو السواد الأعظم من ال اجو عأوروبا كانو عايشين يا بتركيا يا مصر يا حتى الخليج! اضافة انو نسبتهم لا تقارن مع الي قاعدين بالمخيمات بالاردن ولبنان الي ما معها آلافات لدولارات يدفعوهن للمهربين…قد ما حاولت تحط ذرائع وتعمل دراما ما حتقنع حدا لانو احساسك بانتقاص الكرامة هو خيارك…والدليل هو هل فيديو!! هدا مو هربان من الموت والبراميل…تخيل واحد انقظك من الموت ونيمك ببيتو…فقت الصبح قلتلو شو هلمخدة ما ارتحت عليها!! لا تحاول تساوي دراما وتنوح روح اشتغل وخليك زلمة

    2. أنت مين عم تنتقد ..!!؟
      وليش عم تنتقد؟!
      مين انت أصلاً .. وهل أنت أفضل من هؤلاء بأي شيء !؟
      وما علاقتك اذا كان اللاجئ قادم إلى ألمانيا من الخليج أو تركيا أو حتى سويسرا؟!
      وهل طلب منك أحد هؤلاء اللاجئين أن تساعده؟ هل أخذ فرصتك في السكن أو العمل أو المقبرة ..؟!
      وهل أنت مفوض للدفاع عن المواطن الألماني؟!
      وهل هي المرة الأولى التي تستقبل ألمانيا وأوروبا لاجئين أو مهاجرين .. ؟!
      القوارب القادمة من سواحل ليبيا وتونس لم تتوقف يوماً ومنذ عشرات السنين وهي تحمل الأفارقة إلى سواحل ايطاليا ومنها إلى كل أوروبا .. وانظر الى الأفارقة اليوم في أوروبا وهم يمثلون الجيل الثالث أو الرابع من المهاجرين وأخذوا جنسيات وصاروا اوربيين .. فهل ضرك ذلك في شيء .. !؟
      المغرب تمتلئ بالأفارقة وبالآلاف وهم ينتظرون فرصة لعبور الجدار إلى سبتة ومليلة ومنها إلى البلدان الاوربية المختلفة …
      مواطنو أوروبا الشرفية هاجروا بمئات الآلاف وربما بالملايين إلى دول أوروبا الغربية ..
      هل كل هؤلاء كانوا فقراء ولا يملكون قرش في جيبهم !!؟؟
      كفاكم حقداً وحسداً للناس .. سيقتلكم غيظكم .. أنانيتكم غير محدودة.

    3. شوف يا حلو..اول الشي بدك تميز بين مهاجر شرعي ومهاجر غير شرعي مشان ما تخلط الاشياء بقصد او بغير قصد..حق اللجوء الحقيقي امر رائع وانجاز بشري يستحق الاحترام… ولكن متل اي شغلة بهل دنيا في ناس تسيء لهل قانون وهل حق…المشكلة الاكبر وقت بكونو اغلبية!! ماعندي اعتراض على ناس عنجد هربانة من الموت وعنجد بدها حماية، القانون انعمل لمتل هدول…بس مما سمعنا وشاهدنا الغالبية لا ينطبق عليهم هلصفات وصاروا يستغلو صفة سوري لتحقيق مصالح شخصية، في عائلات لبنانية واردنية وغيرهن عم يزورو وراق ليصيرو سوريين! شغلة مربحة ومغرية!! نحن عم ننتقد ظاهرة مخجلة مقيتة عم تمسنا شخصيا باعتبارنا سوريين وعم تشكل صورة سيئة عننا انو نحن تنابل شحاديين، لهيك حقنا ننتقد اعتقد.. اخيرا حبيبي انا عايش باوروبا وما ولا باخد لا قبل ولا هﻷ ولا بعدين مساعدات من حدا..بشتغل وبعيش بكرامة..

    4. حبيبي فادي وين كان هالكلام بتعليقاتك السابقة ..
      أنت في تعليقاتك السابقة شيطنت اللاجئين (السوريين) وجعلتهم في أسفل سلم المهاجرين في أوروبا .. وهلأ صار في بالموضوع تزوير ولبنانيين وأردنيين !! يعني هي جديدة .. وين كان هالحكي .. وزد على ذلك لماذا لا نقول أن البعض يتعمد تشويه صورة السوري في أوروبا؟!
      لا تفتكر أني بدافع عن اللاجئين لأن راح يجيني منهم شي أو لأن اللاجئين السوريين ملائكة !! أنا بعرف ناس راحوا على ألمانيا وكتير عليهم يعيشوا في أفغانسنان .. ولكن أنا حكيت ضد الطريقة اللي البعض اللي حط كل اللاجئين بسلة واحدة وبدا يصفهم بالأوصاف السيئة.
      بعدين يا فادي مبلغ ست آلاف دولار ما هي مقياس لاستحقاق اللجوء، لأن كتير من هؤلاء ما شالو 6 آلاف دولار أو يورو من طرف الجيبة الصغيرة!! كتير منهم باعو اللي فوقهم واللي تحتهم واستدانوا ليتدبروا المبلغ.
      وحتى لو كان الواحد فعلاً معه فلوس ومش محتاج وهاجر وقدم لجوء .. طيب شو الفلوس حرز ولا حجاب بتمنع الموت بالبراميل!!؟ لو كان هيك كان كل واحد دبر هالمبلغ وحطو بجيبتو وما بقى خاف من الرصاص ولا من القنابل!
      وانت بالتأكيد بتعرف يا فادي ان الطريق الوحيد المتاح لأغلبية الراغبين بالذهاب إلى المانيا هو طريق اللجوء .. يعني مش بالضرورة انك تكون كتير حابب تحمل صفة لاجئ ..
      في كتير ناس قادرين يحصلوا على فيزا بيروحوا على ألمانيا بلا شنشطة شغلة اللجوء .. وبالمقابل كتير ناس معاهم فلوس وأغنياء جداً ولكن لم يستطيعوا الحصول على فيزا اضطروا يروحوا بصفة لاجئين.
      بعدين .. اللي بيقرا للبعض عن المساعدات بيقول انك بألمانيا بتمشي بالطريق وبتجمع فلوس من الأرض!!! كل الحكي على 140 يورو … يعني برأيك كم واحد من اللاجئين بيرضى يبقى طول عمرو عايش على مساعدة 140 يورو .. وحتى 500 يورو وانت بتعرف كلفة المعيشة ..
      بالنسبة إلك ما حدا قال إنك بتتلقى مساعدات .. وقصة انك بتشتغل فهادا الأمر الطبيعي .. كل إنسان لازم يشتغل وحتى لو المساعدات بتغطي تكاليف معيشتو ما لازم يرضى يبقى عايش عالمساعدات الاجتماعية.
      بعدين يا فادي ليش مين راح يسمح لضغاف النفوس ان يبقوا عالة على الآخرين .. شو حكومة ألمانيا غبية .. !!؟ اذا في ناس لاجئين مفكرين ان وضعهم دائم وراح يبقوا عاطلين بلا شغل ويعيشوا على المساعدات هدول أغبياء ما بيعرفوا شي .. وما لهم مكان في اوروبا لأن الناس بتحتقر اللي بيعيش عالة وبكتفي بالمساعدات.
      وأنا بعرف ان العاطلين عن العمل اللي بيطلعوا احياناً مظاهرات في اوروبا … ما بيطلعوا لأنهم جوعانين .. بيطلعوا لأنهم ما بيرضوا يعيشوا على المساعدات ولأن العمل حقهم … غير ان قيمة المساعدات لا تقترب بحال من الأحوال من أجور من يعمل.
      رأيي ان كل شي بالنهاية راح يخضع للقوانين والكل بدو يشتغل غصباً عنو ..
      أما المساعدات التي يستحقها من لديه إقامة ولديه عمل فذلك شيء آخر لا أحد يستطيع أن يلوم السوري وغير السوري على تلقيها.

    5. حلوة منك هذه العبارة (بدك تميز بين مهاجر شرعي ومهاجر غير شرعي) ..
      انظر يا سيد فادي … هناك دولة تميز بين المهاجر الشرعي و المهاجر غير الشرعي، وهي أدرى بمصحلة شعبها، ولا أحد يقيدها عندما تريد التصرف بأي اتجاه كان.
      لذلك من العجيب أن تضع نفسك في مقام الحكومة الألمانية أو حتى المواطن الألماني من القومية الألمانية الأساسية، وتفرز الناس وأنت جالس .. هذا شرعي وهذا غير شرعي.
      اهتم بدائرتك الصغيرة، عائلتك ومن تمون عليهم ودع شأن اللاجئين لأهل الدار الألمان وحكومتهم. وفي اليوم الذي يأتي إليك أي واحد من هؤلاء اللاجئين يطلب مساعدتك اطرده طرد الكلاب ولا تعطيه يورو واحد ولو كان في ذلك إنقاذه من الموت. تمام!؟
      هو في جميع الأحوال لن يرد عليك أحد وكل ما في الأمر أنك تضع نفسك في موقع لا يأتيك منه إلا التعب ووجع القلب بدون نتيجة.
      من سيذهب إلى اوروبا لن يقرأ لك ولن يسمعك وإذا سمعك لن يشتري من ولو ببلاش.

  10. يبدو أن الموضوع يهم الكثير من السوريين من خلال التعليقات ووضع الأعجاب أو عدم الأعجاب بالتعليق ولكن يبدو أن أغلب المعلقين من الحاسدين لهؤلاء الذين يعيشون في أوربا فهم أما لا يملكون المال للسفر أو لا يملكون المال للسفر فأنا على سبيل المثال لو أني أمتلك المال الكافي لتركت البلاد من الصباح ولا يطلعلي واحد يتفلسف علي ويبيعني وطنيات وحبيات للوطن أصلأ ما حدا خرب الوطن غير هالشخصيات الي تحب الحكي بس ليش لا الجماعة عم يأمنوا حياة كريمة للأنسان والأنسان خلقوا رب العالمين ليعيش حياة كريمة ومستقرة أما الأكراد الحاقدين الذين علقوا على المقال وقد أصبح من السهل معرفتهم من خلال تعليقاتهم الحاقدة للعرب أتمنا من السوريين الذين يعيشون في أوربا أن يبينوا للقاصي والداني ما هي حقيقة الأكراد وأنهم نور (قرباط) يعيشون في سورية ولا ينتمون للشعب السوري المتحضر وأتمنى من الشعب السوري الذي وصل أوربا أن يكون خير سفير لدينه أولا وثانيا لبلده.

  11. ايه لانو المانيا مجبورة فيكن فوق ماعم تاويكن وتعظيكن راتب وسكن وتأمين صحي ومدارس هلا توقف كل هالشي مافي سوري بيجي لهون ولك عبيتو المانيا وكلو تنابل اكل ومرعى لا بقوم بيشتغل ولاشي ورايحة علسوري المقيم من زمان وببشتغل لاتكن عايشين عاموال ضراييو كلو هوا كل واحد دافع يلي فوقو وتحتو ليصل لاوروبا مشان يشحد عالبسيور السوري شباب بتمل عالحيط بتهدوا بتلاقيها قاعدة صايعة لا شغلة ولا مشغلة.اثبتوا كمان ان السوريين شعب استغلالي العمى بقلبكن صار الواحد مايقدر يقول سوري ليفكروه لاجئ!

    1. كأني ألمانيا مزرعة اللي خلفوك ..
      يعني عم تحكي وكأن بسمارك نفسو ..!!
      إنت شو خصك بألمانيا حتى تدافع عنها إذا مجبورة أو مخيرة ..
      العمى ما بتحبو تعملو خير .. وبتنغاظو إذا غيركم بيعمل خير ..

    2. اي مجبورة وبالصرماية .. عندك مانع
      أو بالأحرى بيطلع بإيدك تعمل شي .. ما تقصر ..
      ولطيـ ……… ز الكر ما تقول أنك سوري
      إن شاء الله كيف ما نتطلع بألمانيا وكل أوروبا نلاقي سوريين وعرب ومسلمين.
      وبعدين ما في شي توقف .. لا بالمساعدات ولا الضمان الصحي ولا غيرو
      اليوم .. اتصلوا جماعة مبسوطين انهم انتقلوا من الكامب إلى شقة مجهزة ما بينقصها شي ..

    3. اذا كلام ماتفهم شلون بدنا نفهمك قلت ان هلا كل شي بيتوقف ماحدا بيجي لهون فهمتا ولا لا؟حبيبي ايه انا سوري مجنس الماني وطلعت عيوني لكونت حياة كريمة لعيلتي مشان حضرتك تاخد تعبي وتعب غيري من دون اي جهد لا وفوقها بتاكل هوا حاطينك بخيم لا لازم يقعدوك بقصر ولو.اطمن وضع اللجوء مو مطول كتير وبكرا رح ترجعوا عسوريا رفس لانو ما بتنعطوا وش الالمان مو طايقينكن.ليش اجيت عاوروبا انت مشان تامن مستقبل وهرب من الحرب ولا فرصة واجت انك تشحد هون؟

    4. دي بيكفي كل واحد يقعد يخرط على كيفو ويكذب جملة ومفرق..
      قال مجنس الماني وطلعت عيونو لكوّن حياة كريمة للعيلة ..
      طيب أنا مجنس فنلندي .. وعايش بالنروج .. خلص يعني أنا فنلندي وعايش بالنروج!!؟ الكذب ما عليه جمرك ..
      طبعاً أنا متأكد 100% أنك بعمرك ما شفت ألمانيا .. وحياتك كلها مقضيها بين ضيعة قريبة من بيت ياشوط والعنازة ..
      ما رح صعبها عليك وقلك اكتبلنا كلمتين بالألماني .. بس بدي منك تذكرلي تفصيل صغير بالمسميات ويا ريت تواريخ تؤكد (الالمان مو طايقينكن)
      لأن متل ما (ما بتعرف) الشعب الألماني منظم ومافي شي بيصير ارتجالي وبألمانيا ما بتطلع مسيرات همجية ارتجالية متل (المسيرات /العفوية جداً/ اللي كانت تطلع مؤيدة للقائيد الخاليد حافيظ) ..

  12. بحب قول للناس اللي جايين لجوء سياحي ، إذا كنت جاي لأوروبا لتدلل ، بالناقص منك ومن جيتك ، حتى بالناقص من هيك وسخات ، أصلا” ما حدا خرب بيتنا ودمر بلدنا غير هالنفوس المريضة …
    إنت جايي لاجئ مو سائح ، وبدك تتحمل ظروف اللجوء ، وما إلنا ضربة لازمة عليهم ، على الأقل استقبلونا أحسن من استقبال كل الأنظمة العربية والإسلامية ، واللي بحاجة للجوء بشكل حقيقي ، بيكفيه الحماية والأمان اللي عم يقدمولنا إياه ، وبلاقي هالخيم اللي مو عاجبتك ( دح ) ، قدام المنامة بالأزقة والشوارع ، واللي ما داق هالشي ما بيحس فيه ، وإذا حاسس حالك مظلوم ، روح استأجر فيلا على حسابك متل اللي كنت ساكن فيها عند ماما وبابا …

  13. هذا كله مؤقت ….حكومة أبوظبي قامت بفصل أكثر من 500 مدرس سوري أثناء محنتهم بحجة إستبدالهم بأجانب و رفضت كل طلبات الإعادة التي تقدموا بها كون حياتهم و حياة أبناءهم معرضة للخطر في سوريا و ضييقت عليهم مما أضطر الكثير منهم للعودة إلى سوريا تحت القصف و الحصار أو الذهاب إلى تركيا …