جديد ” بطاقة الإقامة ” بالنسبة إلى المهاجرين المقيمين في فرنسا

مزبوط هل الكلام. وكمان فرنسا بتعطي مساعدة الكاف من شان السكن ومساعدة الباج للي عندو أولاد ولدو بفرنسا وبتعطي كل واحد عاطل عن العمل وصرلو خمس سنين بفرنسا مساعدة ال إر إي أه مساعدة البطالة والمهاجرين مكيفين ومحترمين وما حدى بقلهم شي أو بحاسبهم بشيء. بس استنوا شوي,
لما بكرا بيرجعو بناتك وولادك من المدرسة وبقولولك يا بابا اليوم عطونا درس عن إنو لازم نحترم اللوطيين وزواج المثليين شيء عادي لا تندهش كثير. لما بكرا الكوبان تبع بنتك بزورها عندك بالبيت وبضمها وببوسها قدامك أوعك تفتح حلقك بكلمة. لما ابنك بصير بعمر ال 18 هوي وبنتك أوعك تقلهم ليش تأخرت برات البيت ومع مين قضيت الليلة الماضية. لما بدا بنتك تتعلم بالمدرسة لحد البكلوريا أوعك تقلها البسي حجاب دير بالك ممنوع. كمان ممنوع إذا بدها تشتغل تلبس حجاب.
يا طيب يا حباب يا كل مين انبهر بحضارة الغربيين اعلم وأنا مجرب والرائد لا يكذب أهله بأنك بمجيئك إلى أوروبا فأنت تبيع الأشياء التالية بالتقسيط وتقبض ثمن ذلك مساعدات شهرية تنهب من بلدك من حيث لا تدري وبمساعدة أولاد الحرام ممن يحكمون بلادنا.
أنت تبيع أولادك و دينك وأخلاقك وما كنت تراه من الموبقات مع الزمن ستعتبره أقل من عادي.
يمكن شي فطحل رح يقلي بفرنسا في جوامع أكثر من اللاذقية وطرطوس والسويدا مجتمعين. بقلك صح كلامك بس بالله عليك كون صادق مع نفسك قبل غيرك. كيف عم تلاقي خطبة الجمعة؟؟؟؟ مو شي تمام عالاخر؟؟؟؟؟ شي بيدعوا للإسلام الفرنسي والإخوة اللي بعيشوا بفرنسا وبتابعو البرامج الحروارية على فرانس الأولى والثاني والثالثة بيعرفوا عن شو عم أحكي خاصة بما يتعلق بنشر الإسلام الفرنسي.
ختاماً لا حدى يقلي شو قابرك ومخليك بفرنسا ما تروح ترجع لحضن الوطن. لا تخاف راجع بعون الله بس ادعي علي شي دعوة مرتبة خليني خلص هل الشهادة وأفتك من اللي أنا فيه.
بإذن الله ما كذبت وما دلست على الناس بس هاد الواقع ونصيحة للي بدوا دينوا وأخلاقو وأخلاق ولادو روح عالسودان ولا تجي على أوروبا