أردني يطلق عروسه قبل زفافهما بلحظات بسبب إصرارها على التقاطه صور !
طلق عريس اردني في إحدى محافظات الشمال عروسه أثناء وجودها في صالون نسائي استعدادا للذهاب إلى قاعة الأفراح، وفق لشهود عيان من المدعوين إلى حفل الزفاف.
وبحسب شبكة الغد أبدى الشهود استغرابهم الشديد تجاه الحادثة التي وقعت بعد إصرار العروس على التقاط صور تذكارية مع العريس داخل الصالون الأمر الذي رفضه الأخير لضيق الوقت.
ودخل العريسان في جدل ومشادة أدت إلى قيام العريس بتطليق العروس بـ”الثلاثة” على حد قول الشهود الذين أشاروا كذلك إلى أنهما قريبان.
وتفاجأ المدعوون إلى حفل الزفاف بالخبر فيما كانوا يتجمعون أمام قاعة الأفراح بانتظار العروسين.[ads3]
اللي جاي مشحون لها الدرجة يوم عرسه هاد مابيستحق لا يتجوز ولا يكونله زوجة !!!
وإذا هالسبب التافه خلاه يطلق مرتو هاد يقعد لوحده متل الكلب بقية عمره أحسن !!!!!
باينتك ما مجرب الزواج وتجهيزات العرس
بهاد اليوم ما بتعرف راسك من رجليك
الضغط النفسي والف شغلة براسك بتخليك تكره اليوم اللي فكرت فيه تتزوج
بالاخير بدا تجي العروس او اقاربها تتفزلك وتلتقط صور وعلاك فاضي وخصوصا بهل وقت اللي صار التصوير شغلة الما اله شغله وابن ال10 سنين شايل موبايل وعم يصور
يا سيدي الحق معو … واللي ماهو مجرب الوضع النفسي بدو يتفزلك أكيد ويقول تسرع …
ياأخي بيكون العريس ملعتن أبو افطاسه بين الحجز للصالة وبين ياخدها للكوافيرة وبين يجيب اختها من ضراب السخن يخلع رقبتهاا ..زبين يجيب سيارات للمعازيم … بين بدو يجهز حالو … يا جماعة والله الوضع بيعقد سما الواحد …
خاصة عنا بحلب … أهل العروس بيعتبرو العريس جحش حمولة … وكل ما دق الكوز بالجرة بشيلوه وبحملوه وبدفعوه …
يا شباب والله أنا مجربها وعشت هالحالة هي … ولولا لطف الله لكنت شفتو الخبر عني بعكس السير … جماعتنا بحلب ما بيرحمو العريس .. . وضعي المادي جيد وما عندي مشكلة بالدفع …بس على روح وارجع وخود فلانة وجيب علانة وروح عالسوق وانزيل عالصالة … شغل ليوم الشغل وما حدا بيرحمك … الكل بيتصل وبدو منك شي … يباااااااااااااااااااا على القرف .. قسما بالله ياشباب لحد هلق بتذكر عرسي رجلي بينحلو … والله لو ياخدوني على المخابرات العسكرية أهون علي من أن اتجوز حلبية مرة تانية ….
اخي الكريم الرجولة ليست بالطلاق وانما الرجولة بالصبر و توسعة الصدر … صحيح ان الرجل يكون كثير المشاغل والهموم وقتها ولكن لا ينسى ان الانثى تعتبر هذ اليوم اجمل ايامها كلها فما بال الواحد منا لا يقدر هذا؟؟؟ لنعتبر انك انت الرجل تعيش احلى يوم عندك فهل تبخل بأي شي لتستمتع به أنت للحد الأقصى؟؟؟ ومن ثم لم تصرف كل هذه المصاريف ليلة الزفاف ؟؟؟!!! اوليس هذا من اجلكما انتما الاثنين لتقضيا وقتا رائعا سويا؟؟؟ ان لم يكن ذلك فلم وافقت ان يكون هناك زفاف وعرس وطبل ومصاريف… أيها الررررجل! عذرا ان اطلت او اسأت لأحد
لك ما قلنا شي … حقها تفرح وحق اهلها يعملو اللي بدهم إياه … لكن الشي اللي كانو يعملوه بحلب (مابعرف إذا لحد هلق في هيك شي) غير معقول … يا رجل بتكون بآخر ملك الله بيتصلو فيك بشان أتفه الاشياء .. مرة اتصلو فيني بشان علب محارم !! هي بيحسنو يجيبوها من تحت بنايتهم …والله بحاكيك جد ..
كل شي محملينو للعريس ولو على كيف أم العروس لكنت غسلت الجليات في البيت طلو فترة الخطبة كمان …
يا شيخ عنا بحلب الناس ما في رحمة بهيك شي … بيطلبو طلبات كلها اكل هوا واستفزاز … مصاري مافي مشكلة فيهم … لكن شغل .. إذا بدها ام العروس تروح عالكوافيرة بيتصلو بالعريس بشان ياخدها … مع أنو اولادها شباب موجودين بس نوع من الدلع يعني …
لا تقول لي بدها تفرح … ما بيفرحو إلا بدبح العريس .. .وكأني آخد من عندهم الأميرة ديانا … ولك كتر الله خيري طلعت بوجه بنتهم … بس لو بدا لي ما عدا لكنت مستحيل أتحمل ساعة وحدة من الذل تبعهم …. .لكن رحمة الله والنصيب بخليك تسكت وكمان صبر نزل علي من سابع سما كرمال يمشي هالنصيب … سبحان الله