آلاف اللاجئين ينتظرون في النمسا مواصلة السفر باتجاه ألمانيا

المانيا حتخرب من قفا السوريين بس؟ والافارقة والافغان ما دخلهن مهيك؟ بس ولاد بلدك يلي بخربوا؟ على كلن لا تخاف حبيبي عالالمان.هون السوري بيقلب مواطن صالح لانو في قانون يطبق عالجميع.في استثناءات اكيد.بس الاغلبية بالصرماية حيمشوا دغري والا في ترحيل.فلا تخاف على المانيا.الالمان عم يشتروا شعب عن طريق اللجوء.المانيا حتصير 66 مليون بدل 80 عام 2050 ازا ما عوضت النقص بالسكان.وهي الطريقة مو جديدة عليهن.عام 1961 استوردوا مليونين تركي نظرا لنقص اليد العاملة.شو مفكرهن اغبياء وفاتحين تكية؟ بالعكس هنن عرفانين انو السوريين الجايين بايعين كل شي ومو راجعين وولادهن حيخلقوا المان وولاءهن لالمانيا مستقبلاـ فلا تخافـ كل قرش عم ينصرف محسوب وحيتاخد بعدين من الضرايب يلي حيدفعوها. لانو ومشان ريحك انت وامثالك راتب الشحادة ما بيضل اكتر من سنة ونص .بس تخلص كورس اللغة مركز العمل بيجبرك تشتغل او مافي مساعدة.فهي الفكرة قيمها من بالك وريح حالك.باعرف في كم لاجئ اجوا من الخليج.بس طلع عالاغلبية يلي اجت من مخيمات بتركيا او باحسن الاحوال من شروط معيشية اشبه بالعبودية( باعرف شلة شباب لاجئين كانوا الاتراك يشغلوهن بمطعم كبير وبنيموهن فيه.حلفوا يمين مابيشفوا ضو الشمس الا كم ساعة بالشهر 12 ساعة شغل والنومة بقبو المطعم وسبع ايام والراتب ربع اجار التركي!!) بتخلي الواحد ينجبر يلجا جتى لو كان امن من البراميل والصواريخ.فلا تزاود عليهن. ومو هدول يلي دمروا البلد.معلمك يلي دمرها.مشان 4 مسلحين بحارة بزت عليهن برميل بروح الحي بسكانو.روح اقرا عن اصول مكافحة الارهاب وبلغها لمعلمك وبعدين تعال تفزلك!!!