مسلمو ألمانيا يدعون إلى التكاتف بعد هجمات باريس
دعت ثماني منظمات إسلامية في ألمانيا إلى زيادة التكاتف الاجتماعي ضد المتطرفين والعنف رداً على الهجمات الإرهابية في باريس. واعتبر بيان مشترك للمنظمات الثماني، نشر أمس الاثنين في مدينة كولونيا، بأنها “همجية وخسيسة. وأضاف البيان “إن قتلة باريس يخطئون حين يعتقدون أنهم ينفذون إرادة إلهية”، وأن المسلمين يقفون ضد الإرهاب وكل أشكال العنف. وقال البيان، إن الرد على هذه الهجمات يجب أن يكون “نحن نتكاتف معاً” ويجب تعزيز “صفوف محبي السلام”.
وقال مستشار المجلس الإسلامي بكير ألتاس “لدينا مسؤولية اجتماعية شاملة لا تنتهي عند أبواب المساجد”، وأضاف “علينا الوصول إلى فئة الشباب، الذين يتأثرون بالأفكار المتطرفة في الإنترنت”.
واعتبر الناطق باسم مجلس التنسيق الإسلامي زكريا ألتوغ، أن تطرف الشباب يحدث خارج الجالية المسلمة في ألمانيا وأن ما قامت به المنظمات الإسلامية لمواجهة التطرف غير كاف حتى الآن. وأضاف أنه يجب الدفاع عن الحرية والتعددية والمثل الأوروبية. “إذا لاحظنا وجود ميل للعنف لدى أحد، فسوف نقوم بإبلاغ السلطات عنه، هذا واجب مدني”، وفق شبكة “دويتشه فيله”.
من جهة أخرى حذرت المنظمات الإسلامية من الخلط بين هجمات باريس والنقاش الدائر في ألمانيا حول مسألة اللاجئين. وقال ألتوغ، إن اللاجئين فروا من بلادهم بسبب العنف والإرهاب، مشيراً إلى أن معظم إرهابيي باريس ولدوا في أوروبا.[ads3]
متى تدعو المنظمات الثمان الاسلامية للردعلى الهجمات الارهابية البربرية الهمجية الخسيسة التي تقوم بها طائرات التحالف الفرنسي و الامريكي و الروسي على اهلنا فف الشام و العراق ام ان المسلمين لا بواكي لهم
التطرف دائما هو رد فعل عالعنصرية والطائفية والتمييز. هادا الارهابي المغسول دماغو لازمو دافع ليقبل بالغسيل.وفرنسا للاسف اكتر دولة عنصرية بالعالم دينيا وعرقيا.حتى المانيا مافيها هالعنصرية ضد الدين.وانما عنصرية قومية وبحالات افرادية.اما فرنسا ففيها عنصرية على مستوى الحكومة نفسها للاسف. خدوا مثال كندا.اخر دولة بالعالم حتلاقو فيها ارهابيين.البرلمان عندهن صار في نسبة اعضاء مسلمين.واوروبا لساها عم تحاول تلاقي تعريف لحالها.هل نحن دول مدنية علمانية ام دول مسيحية تابعة لقوميات واعراق؟ هدول المواطنين من شمال افريقيا لوما بيتعاملوا بمنتهى القرف من الحكومة والشعب ما كان حدا قدر يقنعهن بها الهبل يلي عم يساووا. الارهاب لا يولد من فراغ.ولن يتوقف مالم تعالج الاسباب الرئيسية المولدة له. والتاريخ اخرج اكبر مثال عن الارهاب غير الاسلامي متمثلا بجيش التحرير الايرلندي.عمل العديد من العمليات وراح كتير ابرياء.وكل هالشي بسبب عنصرية بريطانيا الدينية والعرقية لسكان شمال ايرلندا.هاد الجيش لا عندو جنة ولا حور عين مشان ما يتفزلكوا الملحدين! !!الارهاب لا دين له ورد فعل غبي على طائفية وتمييز بين الناس
ليش الهندوس والبوذيين وماعم يتطرفو ويستفذو مثل المسلم وليش لحد الان ماشفنا شي عملية انتحارية قام فيها هندوسي او بوذي أو……… صديقي مع احارتمي لكل يلي ذكرتو ويلي بوافق على جزء كبير منو بس عند المجتمعات الاسلامية القصة اكبر من هيك تبدا من التخلف الشديد وتنتهي بعدم وجود مع الاسف بالديانة الاسلامية مجالات كبيرة للسماح للناس بالاندماج وتغيير بعض النفاصيل بحياتهن حتى يتسنى لهم العيش بسلام مع الاخرين
جميع من عرفتهم من المسلمين المندمجين بالمجتمعات الغربية هم مسلمون بالاسم فقط ولا يأخذو من الاسلام سوى الاخلاق الحميدة اما باقي العادات فكلها متصالحة مع الناس ابتداء من اللحم الحلال وصولا للحجاب وغيرها من العادات التي لاتزيد ولا تؤخر بماهية الدين انما فقط تزيد من معاناة المسلم في المجتمعات الجديدة
يجب علينا ان نتغير ولا تنتظرو من رجال الدين التغير انظرو الى المجتمعات الاوربية لم يستطيعو النهظة بمجتمعاتهم لا عندما حجمو رجال الدين في الكنيسة فقط واسسو لمجتمعات يسودها قانون بدل من الدين
انت برايك انو مشكلة المسلم باوروبا هي الحجاب واللحم الحلال؟ يعني انا مثلا باعرف صيدلانية مصرية الاصل بالمانيا ما حدا رضيان يوظفها لانو محجبة, طيب وين حرية الفرد يلي صرعوا راسنا فيها؟ اذا انا بدي همش المواطن بس لانو ما بيشرب وبحط قطعة قماش على راسو فهي اكبر كذبة عن الحرية الشخصية, انت برايك انو المسلمين يلي عرفتهن مندمجين وناجحين بس لانو بيشرب كاس مع زملاؤو بالشغل (للاسف هادا هوو تعريف الاندماج عند الالمان, انت مندمج فقط وفقط اذا اكلت خنزير وشربت بيرا وشلحت حجابك)وان كانت امراة ما تحط قطعة قماش على شعرها؟ هي هيي المشكلة تبع الغرب؟ الاوروبي ابن الكلب لما بيقعد مع هندوسي بيعبد البقر وما بياكل لحمة نباتي بتلاقي مبسوط منو وبالعكس بحاول يلاقي حجة يطالع فيها سلوكو صحي للجسم, والهندي من السيخ يلي بحط لفة على راسو بتساوي 3 حجابات الكل بيحترمو وما عندهن مشكلة معو,. صيدلانية خريجة المانيا ممنوع تتوظف لانو منظرها غير حضاري بالحجاب؟ وانا معي ماجستير ولا ازال اعرف غير مندمج بس لاني ما باكل خنزير وما باشرب؟! يعني انا كسوري ممكن عرف حدا اجنبي بسوريا ولنقل طالب عراقي انو مالو مندمج لانو ما بيفطر فول يوم الجمعة متل اغلب السوريين مثلا؟ او لانو ما حب الشاي بعد الاكل بيشرب حليب!؟ عم حاول فهمك بس اديش بكون سخيف وكذاب يلي بعرف الاندماج بناء على الاكل والشرب بدل ما يكون احترام لقانون الدولة المضيفة وعدم مخالفتو (متل انك تدفع ضرايبك وما تتهرب منها او عدم مخالفة قوانين المرور),صدقني فيي اعمل كل عادات المسلمين وكون مندمج بس بشرط لاقي سبب ما خصو بالدين, الخنزير ما باكلو لانو ما بحبو ودهنو كتير مو صحي, والمشروب مانعني الدكتور عنو لانو بضر بصحتي,وجربت هالطريقة وشفت الفرق عن لما بتذكر السبب الديني,اذا المشكلة مو بالسلوك يلي بيفرضو عليي ديني (اساسا حرام سمي كرهي لنوع معين من الاكل والشرب سلوك, هادا اسمو حرية شخصية مقدسة باعترافهن) المشكلة بالدين ذاتو لاسباب يطول شرحها وممتدة عبر التاريخ, فكر بكلامي منيح وعطيني رايك