ألمانيا : الشرطة تعتقل عدداً من اللاجئين بعد اندلاع 4 شجارات بين المئات منهم في مراكز إيواء ببرلين (صور)

بزمناتو قبل ما يخلصوا الاوروبيين على غالبية الهنود الحمر باميركا الشمالية وينهبوا ارضون وخيرها مهدو بانو رسمو صورتون كهمج اوباش كفار فمعلش هدول شو ما صار فيون بالعكس القضاء عليون خير نفس الشي بالجنوبية الانكا والازتيك بعدو استراليا كذلك الامر باسيا هيييييييك لسورية والعراق ومصر وليبيا والجزائر ام المليون شهيد عداك عن مستعمرات افريقيا ولما عصلجت معون شوي علقو ببعض وروحو شي 37 مليون قتيل بالحرب العالمية الاولى وشي 60 مليون بالتانية هدا غير الجرحى والدمار ، وضربو نووي عمدن ما فيا عسكري باليابان هدا غير كوريا وفيتنام و و الخ الخ و جاي حضرتك تنظرلي عالتحضر والعقم الحضاري والانانية والمرض النفسي !؟ يس يلي بينسلخ بسهولة عن هويتو وتاريخو بضيع الطرنيب وبتخرط فيه بروباغاندا المساواة والحرية والرقي الحضاري والخرط يلي دوبو سبعين سنة باوروبا وبينسى الالفين سنة غزو واجرام اصيل قبلا كونوا اللاوعي الجمعي العنصري تبعون يلي بيبرر نهب وقهر الاخر من عند وحشية الرومان مرورا بالحملات الصليبية لعند كل يلي قلتو قبل .عدو جدك ما بيودك و ما اخدو لاجئين وركضوهن وشرشحو كرامتهن عالحدود و بالمخيمات تحت الكاميرات والاخراج الاعلامي الحقير وضغطوهون نفسيا و وخلطوهون وحشروهون هيك الا ليفرجو العالم هالمنظر و لو ما علقو لحالون بعد هالضيق والذل المدروس يلي قاعدين فيه ليعلقوهون هني ببعض مشان الشعب يلي عم يصرف عليهون من ضرايبو يحتقرون ويحقد عليهون و ما ينهزلو شعرة بالعكس يدعم و يصفق ويشارك لما يشوف هالهمج الارهابيين المتخلفين وهني عم يتقتلو وينقصفو ويستعبدو ويتشرشحو وارضون عم تنتهب ويحللو كل فرنك حطوه بهالتجرة . بس هنن تاريخيا هيك وما بيتغروا بلمحة زمن فما عليون عتب يمكن الحيف عيلي كان احسن كتير من هيك وبدل ما يعذر هالمساكين يلي صرلون اجيال تحت القمع والحرمان والتفقير والتهميش والتجهيل وغرس اللاانتماء ومص الدم المنظم المدروس صار يشمت ويصغر من ناسو يلي بمعظمون لحقوا السراب وبلعوا النصل عالحدين و هربوا شي من وجع وفقر وشي من حرب وشي عم يدور عمستقبل بعد الدعاية المريبة للجوء يلي فرجت اوروبا لهالمساكين على انها الخلاص . ولا التعالي والشماتة وتحقير الاخر للرفع من الذات والنفسنة من ورا الكيبورد صارت هي التحضر و الاستقرار النفسي والفحولة الحضارية ؟