إستطلاع : قرابة نصف الألمان رافضون لاستمرار ميركل في الحكم لولاية جديدة
أظهر استطلاع للرأي أجري لصالح صحيفة “بيلد أم سونتاغ” الألمانية أن قرابة نصف الألمان يعارضون تولي المستشارة الحالية أنغيلا ميركل الحكم في ألمانيا لولاية رابعة في العام 2017.
وبين استطلاع مؤسسة “ايمنيد” أن 48% من المشاركين رفضوا استمرارها في الحكم، فيما عبر 44% عن رغبتهم بمواصلة ميركل الحكم لـ 4 سنوات أخرى.
واعتبر 47% من المشاركين في الاستطلاع، بحسب تقرير لوكالة الصحافة الفرنسية اطلع عليه عكس السير وقام بترجمته، أن تعامل ميركل مع أزمة اللاجئين خاطىء، فيما عبر 40% عن دعمهم لموقفها.
وعبر 52% من المستطلعة آرائهم عن قلقهم على مستقبل ألمانيا، وخشيتهم من تسبب قدوم اللاجئين إلى ألمانيا بمشاكل، فيما رأى 44% أنه ما من داع للقلق.
وكانت الزعيمة في الحزب اليميني “البديل من أجل ألمانيا” دعت المستشارة أنغيلا ميركل للاستقالة على خلفية سياسية الأبواب المفتوحة في التعامل مع تدفق اللاجئين، وذلك خلال الاجتماع السنوي لحزبها في هانوفر، بحسب “يورو نيوز”.
واعتبرت الرئيسة بالشراكة لحزب “البديل من أجل ألمانيا” فراوكه بِرتي أن قرار المستشارة بفتح الأبواب للاجئين غير ديمقراطي، مضيفة أنه : “عندما تقف المستشارة الحالية وتقول بأننا غير قادرين على تحديد كم سيصلنا من اللاجئين، أود أن أصحح بأن معظمهم مهاجرون، وبأن حكومتك سيدة ميركل فشلت وعليك الاستقالة”.
يذكر أن المستشارة ميركل التي تحكم ألمانيا منذ 2005 لم تعلن بعد رسمياً عن نيتها الترشح لفترة ولاية رابعة والمنافسة في انتخابات 2017، إلا أن مصادر صحفية ألمانية نقلت عن مقربين منها منذ أشهر رغبتها في دخول المنافسة مجدداً.[ads3]
تاريخ ألمانيا بعد الحرب فيه أمور شبه واضحه و هو ان المستشار الاشتراكي ينخب لدوره واحده و المحافظ لثلاث او اربع فمن المتوقع خروج المحافظه ميركل التي اقتربت من سن التقاعد من السلطة في الانتخابات المقبله مع احتمال وصول غابريل لسلطه الحكم.
روقي يا حجة نص الالف 500
وانا كمان بالمانيا وبحقلي الانتخاب ومارح انتخبك وفي كتيرمن حملة الجنسيه الالمانيه مثلي مارح ينتخبوكي اما بالنسبه للسبب ففهمكم كفايه ٠
هل تعلمون بان ميركيل هي مجرد ناطقه باسم التكتل الحاكم المنتخب من الشعب الالماني وليست هي من رسم سياسة اللجوء وان المصلحة القومية والحاجة للشباب والاطفال في مجتمع نسبة العجائز فيه60 % هي من اعطت صبغة انسانية لاستقبال اللاجئين لعدف ديموغرافي واقتصادي وحتى لو استلم من استلم بعد ميركيل سيحافظ على مبدا استغلال الطاقة البشرية للمهاجرين بشرط التاكد من قدرتهم على الاندماج عبر العادات واللغة والخبرات
استغلال اي طاقه بشريه ضحكتني شي غريب هاي البقر والهمج الي بكرت كتير ريحتهم بالطلوع ماقريت خبر اعتقال عدد من اللاجئين بسبب اعمال الشغب هاي الناس الي وصلت عالمانيا الغالبيه العظمى جاي بس للاكل والشرب والنوم والقعده بالبيت وحتى لو اطرو يشتغل من قبل مركز العمل فاعمال للفئة الغير متعلمه والبيسطه يعني مارح يفيدو الاقتصاد الألماني لو فيهم خير للالمانيا لكن فيهم خير للوطن قبل الحرب اغلبهم كانو بسوريا قبل الحرب عاطلين بطالين زعران يستنو الصبايا على باب المدرسة ولا في حدائق الجامعه شباب مسخره طبعا انا ما بعمم بس النسبه الأكبر الي وصلت على المانيا من هاي الأشكال مسكينه المانيا ?
كما قلت بكل تعليقاتي سابقا.القصة خوف على مصالح المجنسين على شوية حسد من يلي ما قدر يطلع. قلتولي مهن بسيطة مهيك؟ ليش هي المعامل يلي ساوت المانيا تالت اقتصاد بالعالم من يلي شغلها؟ مو عمال بسيطين؟ المليون تركي يلي اجو بالستينات مو هنن يلي ساهموا بها الانجاز لالمانيا؟ انتو اكتر ناس بتعرفوا انو المانيا ما فيها صياعة.كلو شغل.يلي كان واقف على مدرسة البنات حيصير عامل مجد بالصرماية. لانو هو بالبلد كان في شغل وما اشتغلو مهيك.ما كنت تقرا انت ويا الجرايد عن نسب البطالة؟ بيت الاسد ومخلوف خلو وظيفة لحدا؟! اشتهيت واحد فيكن يذكر دور الحكومة بتوليد الفاشلين عبث!!!اخيرا بحب بس ذكر حملة الجنسيات انو الالمان حبيبي عرفانين اصلك من زمان.يعني بريستيجك محروق عندهن من ايام السلم.لا تنخدع بالابتسامة تبعهن.بيعرفوا منيح مين بلدك ومين شعبك ومين اصلك.فحاج تفكر انو اللاجئين ضروا بسمعتك!!! وحاول تكون مفيد لولاد بلدك وتنصحهن يعلموا ولادهن بالجامعات ويطالعوا جيل متنور. بدي افهم بس شغلة.ليش السوري بيكره اخو؟! والله ما عم اقدر اعرف!! ليش يا سوري بتكره الخير للسوري؟ يعني وعلى فرض كلامكن صحيح والجايين شوية تنابل.طيب انت بتعرف اكتر مني انو حيصيروا وغص من عنهن.وايام الدفع للاجئ بدون مايشتغل راحت.ومركز العمل ما عم يتهاون نهائيا.يعني بالمشرمحي هالناس رح تتغير.الانسان اجباري بيتغيربتغير البيئة المحيطة والحكومة بدليل السوري يوما ما كان ارقى مواطن عربي والاكثر انفتاحا وعلما قبل حزب البعث واسال جدك انت ويا عن عدد الجرايد بالخمسينات.يعني ليش ما تفرح انو في سوريين حيتعدلوا للاحسن؟! والله العظيم عم حاول افهمكن ما عم اقدر.فهموني شو مشكلتكن!؟ انا يلي ملاحظو وانشالله كون غلطان في فئة من المجنسين باعت البلدمن قبل الثورة وعم تعرف حالها على انو المان من هداك الوقت ويمكن معظمهن مو مجدد جوازو السوري من هديك الايام.وهلا خايف شي حدا لا سمح الله يوصل لرئيسو بالشغل انو سوري!! طيب حاول تبرر للالمان يلي حواليك انو هي الناس كانت عايشة ببلاد ما فيها قانون.وهلا هنن بمرحلة اعادة التاهيل. يعني يطولوا بالهن شوي بس عليهن.في كتير لاجئين شفتهن اول سؤال عم يسالوني كيف فينا نكمل دراسة هون.في المنيح وفي القبيح.طيب طلع عالنص المليان من الكاسة.وحاول تكون مع ابن بلدك بدل ما تكون مع الالمان عليه!!!