ماذا تعني عودة ألمانيا إلى نظام المقابلات الفردية مع اللاجئين السوريين ؟
أعلن وزير الداخلية الألماني اليوم الخميس بعد اجتماع مع وزراء داخلية الولايات عن العودة للتقييم الفردي لطالبي اللجوء السوريين، بعد إيقاف العمل به مؤقتاً.
وكان طالبو اللجوء السوريون يحصلون على حق اللجوء منذ نهاية العام الماضي ليس عبر نظام المقابلات الفردية، وإنما من خلال إجراءات خطية تتضمن توضيحاً من مقدم الطلب للأسباب التي دفعته للقدوم إلى ألمانيا.
وطالب دي ميزير في شهر تشرين الثاني الماضي بإعادة العمل بهذا النظام، ما تسبب بخلافات في الإئتلاف الحكومي، وتراجع عن القرار بعد تدخل المستشارية، وكانت نقطة الخلاف حينها أن العودة لهذا الإجراء سيزيد عدد الحاصلين على حماية مؤقتة، وبالتالي سيحرمون من حق لم شمل أسرهم، إذ وصل التحالف الحكومي مسبقاً إلى اتفاق بحرمان الحاصلين على هذا النوع من الحماية من لم الشمل مدة عامين. وعبر الوزير اليوم عن أمله في الوصول إلى اتفاق مبكر بهذا الشأن، ولم يتوقع متحدث باسم الوزارة حدوث خلافات.
واعتبر “دي ميزير” في تصريحات له الخميس، بحسب ما ترجم عكس السير، إجراء مقابلة مع جميع طالبي اللجوء في ألمانيا، بغض النظر عن البلدان التي قدموا منها، ضرورياً لدواع أمنية، وللتأكد من هوية مقدمي الطلبات، ومكافحة حالات استغلال (الجنسية)، وذلك بعد أن سبق وقال في مقابلات متعددة إن بعض مقدمي الطلبات يقدمون أنفسهم على أنهم سوريون مستخدمين جوازات سفر مزورة، ولم يذكر الوزير وقتاً محدداً لإعادة العمل بهذا الإجراء.
وأشار وزراء داخلية الولايات إلى أن هذا الإجراء لن يؤدي إلى إطالة مدة البت في طلب اللجوء.
وأكد “دي ميزير” أنهم سيعيدون معظم طالبي اللجوء الأفغان إلى “المناطق الآمنة” في بلادهم، علماً أنهم يشكلون ثاني أكبر مجموعة في ترتيب مقدمي الطلبات بعد السوريين.
وأشار إلى أن العدد المتوقع المعلن عنه من اللاجئين وهو 800 ألف قد تم تجاوزه الشهر الماضي، لافتاً، بحسب تصريحاته له أمس ترجمها عكس السير، إلى أنه سيعلن عن التوقعات الجديدة يوم الاثنين القادم، في الوقت الذي قال وزير داخلية ولاية راينلاند بفالتس إنه يتوقع أن يتجاوز الرقم مليون لاجىء قبل الـ 24 من شهر كانون الأول الحالي.
وأرجع ” دي ميزير” تراجع أعداد اللاجئين الواصلين إلى بلاده إلى حدوث عواصف في بحر أيجة، وحالات مكافحة تهريب البشر في تركيا، التي تعود إلى الإجراءات التي اتخذتها السلطات، رافضاً اعتبار ذلك تحولاً، وإنما “تطوراً في الإتجاه الصحيح”.[ads3]
يعني السوريين مابعرف ليش بتاففو وبقعدو يحليلو ويحطو ايديهم على قلبهم كل لما اطالع المانيا قرار لصالح بلدها وعشان تنظم موضوع اللجوء وهذا الشئ من حقها وحق كل مواطن الماني دافع للضرايب من بعد ماصار فقط هذه السنه مليون لاجئ بالمانيا يعني السوريين حالفين مية يمين الا مايخربوها لالمانيا ويمصو دمها مص انا بعرف ناس صرها بالمانيا اربع سنوات وعرفت تتلاعب على مركز العمل وماتشتغل وبجيك بعض المعلكين بعلاك مصدي وبكتبولك لا السويين بعد سنتين لازم يشتغلو ورح يرجعو الي دفعتو المانيا من وراء الضرايب بعمل اليورو جب هههههه مسخره لسا المساكين ماعرفين اللاجئ السوري كيف بفكر ياحرام يالمانيا كم واكلتيه عليه العوض منه العوض ٠
السوري تاج عراسك اولا
السوريين فيهم خير وناس شغيلة وتعيبة ثانيا
المانيا صرلها عم تستقبل السوريين من ٣ سنين يعني الكتاب باين من عنوانو وما تقلي ما حسو بالكم تبعك ب ٣ سنين كاملين !!!!
لو ما بدهم يانا كانو من زماااان جمعو البرلمان ولغو اللجوء او صعبوه كتير
حاج نضحك عبعض انو المانيا عم تستقبلنا “”انسانيا”” لك انتو ما بتعرفو كيف الدول الاوروبية والحديثة بتفكر يا دراويش
الانسانية بدول العالم الاول هي لدول العالم الاول
يعني انتو مو سوريين ؟؟ العالم كلو مو شايف شو عم يصير بسوريا ؟؟ ليش مستعدين يصرفو مليارات علاجئين وما بيقدرو شغلة تافهة واسمها منطقة عازلة ؟؟
لأنو هني بدهم اللاجئين من الاساس
نحنا عايشين بعالم حقير وقذر … ما حدا بيسأل اذا حدا مليون ماتو بدول فقيرة او ضعيفة
حقوق الانسان هني حقيقتها حقوق دول العالم الاول
نحنا بهالحياة مالنا حقوق … وهالحقوق ما لح نقدر ناخدها الا بإيدينا
بس اذا في ناس متل امثالك صدقني لح يضل هيك للابد
السوريين وكل عربي وكل مسلم صرمايتو بتسوا مل اوروبا والدول الغربية
صدقني نحنا عم نبكي هلئ بس جاي اليوم يلي هني لح يبكو ووقتها نحنا لح نعاملهم متل ما عم يعاملونا … مشكلتكم انو انتو ما عندكم ايمان بالله
ولا برسولو …. كل شي عم يصير بسوريا وبالمناطق المسلمة الو حكمة .. ما حدا بيقدر يعرف الله شو كاتب بس بالاخر حروبنا لح تجي يوم وتنتهي متل ما انتهت الحروب الاوروبية والامريكية بنهاية الحرب العالمية التانية يلي ما صرلها 70 سنة منتهية
رد لل الشامي بالاول فرجيني السوريين شو سوه ببلدهم ولا شو حيسو بالمستقبل لو ضل في شي اسمه سوريا بعدين تعال وبيض هون باسم السوريين بالفعل الي استحو ماتو كل واحد بيجي بنط وبكتبلك شوف السوريين شو رح يسو بالمانيا ولا بغيرها لك وطنك وطنك الي تربيت فيه لحتى صرت مثل اللوح شو محله هاد من الاعراب ٠
اسف اني قلك كلامك غلط يا مغترب بكندا. الشعب السوري لا ناقة له ولا جمل بها الحرب ومن زمان. حتى ايام السلمية والمظاهرات. ازا بدك تلوم حدا فلوم حزب البعث يلي وصل سوريا لهون.اي ثورة بالعالم بدها عاملين اساسيين: فقر + قمع.ـ بلا واحد منهم ما بتقوم اي ثورة حتى لو سكان المريخ اتامروا عليك. لهيك استحالة تشوف ثورة بدولة متل قطر او الامارت لانو لسا ما في فقر.بالمقابل السعودية كم سنة لقدام بتصير مرشح قوي.القصد لا تلوم السوريين.هنن ناس مغلوب على امرهن.النظام وصل المواطن لتحت الصفر وما تركلو شي يخسرو.ومتل ما قال نجم النظام غوار الفقر بالوطن غربة. هاد السوري نفسو من 50 سنة كان من ارقى مواطنين العالم.او على الاقل بالوطن العربي والاكثر ثقافة وعلما وتحضرا. بس دولة البعث يلي كان دستورها عسكري دبر راسك حولتو لها الشكل يلي شايفو.لهيك دائما في خلاف بيني وبين المغتربين على نقطة تحول السوري لمواطن صالح بالدول المتقدمة.انا مؤمن بها الشي.لا حدا ينط هلا ويقلي بيعرف واحد ما اتغير. عم احكي النسبة العظمى حتضطر تصير غصبا لانو الانسان يتاثر بالبيئة المحيطة. لهيك بالنهاية وردا على كلامك بقلك السوري بالاساس هو خامة منيحة وشغيل.بس لازمو قانون يقصلو اصابيعو ازا خالف. ويجبرو يمشي عالصراط المستقيم. ساعتها بتشوفو واحد منتج.ودليل كلامي المغتربين يلي صاروا واتصوروا من الخليج لامريكا. عملوا ثروات وشغل وحاليا من نخبة المجتمعات يلي عايشين فيها.هدول لو ضلوا بسوريا كنت لقيتهن متل النماذج القرفانين منها حضرات السادة المجنسين!!!
يسلم هل الفم الله يحميكي هاد حكي
بتعرفوا شغلة, سوريا انتهت من زمان وقبل الثورة, انتهت من لما السوري صار يقلو للسوري لادبحك على خلاف على صفة السيارة على باب البناية… من لما السوري الشغال بالخليج صار يرفض يجيب ابن جيرانو العاطل عن العمل مع علمو بحاجة الشركة تبعو للعمالة ويرضى بالاجنبي يجيب كل عيلتو بالمقابل, من لما السوري بالغربة صار يعد بس السوري عدو الو, واهل البلد حشرات حلوين بس للمنفخة عليهن لما بينزل اجازة عالبلد, لو كانوا اللاجئين من بلد تاني غير سوريا كانوا عملوا فيها بوقلب حنين, بس لما صاروا ولاد بلد صاروا انتهازيين رغم انك انت ويا بتعرف منيح انو الانتهازية فيهن استثناء وليس القاعدة, بحب خبر المجنسين الخايفين على بريستيجهن او مصريهن انو سوريا ما رح ترجع لورا, وابن الجيران وصديق الطفولة يلي كنت تفشخ عليه انك شغال بالمانيا مارح ترجع تشوفو, باكدلك هالشي, الشعب السوري حاليا عم يتفرغ بصورة اسوا من الفلسطينيين, انتو ما شفتو تاثير النفير العام لسا, عائلات باكملها تركت بيوتها وطلعت مبدئيا على لبنان, ما في بيت مافي شب مطلوب للعسكرية, ويلي طلع من بيتو مالو راجع, سوريا رايحة على تقسيم لانو هو الحل الوحيد لانهاء الصراع, اوعك تفكر يا معارض النظام حيسقط متل مو متمني, وحياتك بموتوا الالمان بالمانيا قبل ما تنمس شعرة من راس علوي او حدى من الاقليات قاعد ببيتو, وحتشوفوا بعينكن, ورسالة تانية لشبيحة الجيش الالكتروني, اوعك تفكر انو معلمك انتصر, وراجع متل زمان, صدام كمان فكر حالو انتصر لما امريكا سمحتلو يستعمل الطيران ليقمع ثورة الجنوب عام 1991, وفكر حالو بقيان وحيورت العراق لولادو, تركوا 13 سنة لاستوى العراق عالاخر وبعدها فاتوا, والشاطر يلي بيتعلم من كيس غيرو, باختصار انتوا اخرتكن لاجئين بشي دولة بكرا بس تدخل قوات دولية ويصير تقسيم, وحيكون وضعك اسوا من لاجئين اليوم, بكل اسف بقول للكل سوريا ماتت من زمان, وهلا يلي عم تشوفوا نتائج السنين الطويلة الماضية انكشف هلا عالحرب , الاخ يلي كان يقول لاخو ابن امو وابو مرحبا رياء وكذب سكر بابو بوش اخو لما اجا لعندو لاجئ بعد ما راح بيتو, وترك اخو يروح على لبنان ولا استضافو عندو, وشفت هالشي بعيني , ومتلهن متايل, حسرة عليكي يا بلد سوريين عم يقولوا (يا حرام يا المانيا كم واكلتيه عليه العوض منه العوض) بدل ما يزعلوا على سوريا زعلانين على المانيا, لانو المانيا يلي اتدمر 70% منها, واكتر من نصها لاجئ!!! 16 مليار يورو مصروف اللاجئين الواصلين سنويا ازا ولا واحد منهن اشتغل!!!ببلد ميزانيتو السنوية تقريبا 1600 مليار يورو , وخايفين عليهن للالمان يفلسوا اصحاب القلوب الرقيقة!! بس مو خايف على 400 الف طفل سوري بتركيا خارج المدرسة عداك عن يلي بسوريا بسبب عدم الاستقرار والفقر!!! كل اللاجئين بالدول العربية وتركيا ودول امريكا الجنوبية وجنوب اوروبا وشرق اوروبا واللاجئين الداخليين بين المحافظات واللاجئين عالمريخ مساكين, بس اللاجئ بالسويد والمانيا حقير, كما قلت سابقا: قل اين تلجا اقل لك من انت!!! اسف عالاطالة!!
يسلم تمك سيد مغترب قديم بألمانيا , حطيت أيدك عالجرح
يمكن انت ما عندك خبرة بالحياة
لأنو لو عندك بتعرف انو هالشي بيشمل كل البشر من اوروبا وامريكا لعنا
كل يلي عم تحكي عنو موجود بكل دول العالم
انت بدك عالم افلاطون يلي فيها كل العالم بيحبو بعض
هالشي مو موجود …
ابدا كلامك مو صحيح.انا شفت بالمانيا شعبين بحبوا بعض لدرجة خلوني اتمنى كون منهم: الهنود والاتراك.الطالب التركي بيوصل المانيا. بروح عالجامع بعرف عن حالو.بعد بشهر بتلاقيه شغال عند واحد منهن وماجرينو بيت بارخص سعر. عداك عن جمعاتهن مع بعض وبيعملوا لمية ازا حدا منهن اعتاز. شي بيرفع الراس.اما الهنود وبحكم انو مالهن مجتمع بالمانيا متل الاتراك فتعاونهن بيقتصر عالشغل. واحد منهن بيشتغل بشركة. بعد فترة بتلاقي كل رفقاتو اشتغلوا معو.يعني بالعربي بيسحب رفقاتو بالجامعة يلي اجوا من الهند يدرسوا معو عالشركة يلي اشتغل هو فيها!!! كيفكن فيها هي يا جناب السادة المجنسين!!؟ فلا تقلي كل الشعوب. المشكلة فينا نحنا وبس.ما شفت شعب بيكره بعضو قد السوري.واحدهن ازا اخو ابن امو وابو صار معو شغلة منيحة بيزعل بدل ما يفرحلو! ! والدليل امثال السيد معروف فوق. عم يلطم على المانيا بدل بلدو الاصلي!! سوريا!! خليها على الله!!!
مغترب قديم بالمانيا بحسب الوضع بسوريا وانا الان موجود بالمانيا بتنصحني ازبط وضعي على القعده المطوله بالمانيا ولحتى اشوف احفادي من بعده ممكن لو هديت الاوضاع اروح انا وحفيدي زياره على وطن كان اسمه سوريا لعرفه عليها ٠
يعني لسا الحكومة مختلفة علسوريين من جهة ودول بتحارب سوريا منجهة وعالم عصيانة علطريق من جهة وعالم مو عارفة مصير عائلاتها رح يقدرو يجو عألمانيا لأنو كل يوم قرار..بتاخد الوراق بدك سكن بتعاني لأنو المدن مضغوطة وازا بدك تستأجر بدك تكون عمتشتغل …بتسكن بضيعه او مدينة صغيره بتلاقي شغل بيبعد عنك 6او 7كلم مابتقدر تشتغل لأنو بدك سياره وبما انك عربي طبعا ولغتك مش معترف عليها عندهن بيلزمك سنة او سنتين وانتة تدرس لماجستير شهادة السواقة وسجل يازمن ذل ورا ذل لنشوف آخر شي وين بدنا نصفى ونعيش يومين حلوين…وتحياتي للجميع