توقف نادر لأشهر ساعة في العالم .. ” بيغ بن ” تصمت بعد 160 عاماً من الرنين
ستتوقف الدقات الشهيرة لساعة بيغ بن العام المقبل؛ فيما تخضع الساعة العتيقة التي تبلغ من العمر 160 عاماً وتتبع البرلمان، لإصلاحات ضرورية في إطار مشروع تكلفته 29 مليون جنيه إسترليني.
وسيغطي جانب من البرج بسقالة لمدة 3 أعوام؛ برغم أن المهندسين يعتزمون أن يبقوا وجهاً واحداً على الأقل من وجوه الساعة الأربعة مرئياً.
ووفقاً لبيان من مجلس العموم؛ فستتوقف دقات الساعة لعدة شهور ولن تدق إلا في المناسبات المهمة.
وحسب وكالة رويترز فآخر عملية إصلاح كبيرة لساعة بيغ بن أُجريت بين عامي 1983 و1985، وتحتاج الساعة وبرجها الذي يبلغ طوله 96 متراً لعناية عاجلة. ومن المتوقع أن يبدأ العمل في أوائل عام 2017.
ويهدف المشروع أيضاً إلى ترميم الأجزاء المحيطة على وجه الساعة؛ لتستعيد لونها الأصلي كما صممت عام 1856 بأيدي المهندسين (تشارلز باري، وأوجوستوس، وويلبي بوجين). ( رويترز )[ads3]
الساعة الأشهر والأكبر في العالم في الوقت الحالي هي ساعة مكة المكرمة الذي يبلغ حجمها وأرتفاعها أضعاف ساعة بيغ بن العتيقة
ومعلومة قد لا يعرفها الكثيرين أن مكة المكرمة تقع في وسط اليابسة في الكرة الأرضية وهذا الأكتشاف أذهل العديد من علماء العالم
من وين جبت هاد الكلام؟ مركز اليابسة هو هرم خوفو وما صرلي يومين شايفها على قناه ناشيونال جيوجرافيك. بس اذا عندك رابط لصفحة علمية (لأن عم تقول اذهل العلماء) مذكور فيه للرابط انو مكة وسط اليابسة فباتمنى تبعتلي ياه وبكون كتير ممنونك. تحياتي
https://www.youtube.com/watch?v=J57rvo4pagE
بهاد الرابط ما مذكور أي شي عن مركز اليابسة. مكة ما بحاجة النسبة الذهبية لحتى تثبت إنها مقدسة, لأن مدينة ساوباولو بالبرازيل رح تكون نظير مكة جغرافيا, يعني بتحقق النسبة المقدسة تماما (بعد ساوباولو عن القطب الشمالي تقسيم بعدها عن الجنوبي, أو التقسيم بالنسبة لمخطط التوقيت ….) بعدين أنا قلت رابط علمي يعني مجلة علمية أو برنامج علمي أو كتاب علمي, لا تجبلي مقالة من منتديات فتكات الله يرضى عليك
أكتب في غوغل ( مكة مركز الأرض ) وراح تطلع لك عشرات المقالات والدراسات العلمية
على حد علمي كوكب الأرض شكلو كروي مفلطح (يعني منتفخ بالنص عند خط الإستواء) فكيف رح يكون مركزه نقطة على سطحو؟ بعدين من شوي كانت وسط اليابسة! يا حبيبي لا تصدق كل شي, وخاصة لما بقلك أذهل العلماء, لأن حتى تذهل العلماء لازم تقلي شو بيشتغلو, لأن يمكن يكون عالم شريعة ورأيو بهاي القضية حقو نص فرنك ومبخوش من النص (ما انتقاص من عالم الشريعة, بس هاي القصة بدها واحد بيشتغل بالرياضيات أو الجغرافيا)
مركز أي شيئ هو وسطه
وأنا لما أقول مكة المكرمة مركز الأرض يعني وسط الأرض هي نفسها
وبعدين أنت تقول كوكب الأرض شكلو كروي مفلطح (يعني منتفخ بالنص عند خط الإستواء) فكيف رح يكون مركزه نقطة على سطحو؟
على أي أساس تقولي هرم خوفو هو مركز اليابسة
أنت يا حبيبي تناقض نفسك بنفسك
في نوعين من المراكز، مركز ثقل ومركز سطح، الأول بكون لحجم، بالفيزياء فينك تلغي الجسم وتعوض محل الجسم بقوة مساوية لوزنه نقطة تأثيرها هي مركز ثقله (بالنسبة للكرة فمركزها واضح وين، ماهيك؟ )، بالنسبة للنوع التاني فيكون لسطح متل مركز الدائرة، أو مركز المثلث، فالنقطة بتكون على مستوي السطحوهاد الو كمان طريقة بالحساب وبينت عنها انو مركز اليابسة هو خوفو. لساني ناطر الرابط أو حتى اذكرلي أسماء العلماء المذهولين من مكة
عزيزي أبو أحمد أكتب في غوغل مكة المكرمة مركز الكرة الأرضية وسوف تجد العديد من النظريات والدراسات والمقالات التي تأكد ذلك ثم بعد ذلك أدخل على قسم الصور وسوف تجد كذلك العديد من الصور التوضيحية التي تأكد أن مكة المكرمة وتحديداً الكعبة هي مركز الكرة الأرضية وكل صورة تحمل معها مقالة أو دراسة تأكد ذلك وأرشح لك قرأة دراسة بعنوان : مدونة ياسين مصباح القرآن والأبحاث العلمية يؤكدان أن مكة هي مركز الأرض
والله العظيم عملت هيك بس كل شي شفتو هو شعوذة ودجل ومالو علاقة بالعلم. يا حبيب قلبي ليش لحتى نلحق هاي الهرطقات. اعتبر الأرض كوكب كروي بعدها شوف وين مركز الكرة بكتاب الرياضيات تبع الصف الخامس، أما إذا في مصطلح تاني للمركز اشرحلي ياه،
على فكرة قريت المدونة بنظرة سريعة، والله هرطقات وكلام فاضي، قال مركز الجاذبية وبعدين المركز المغناطيسي، وقال عالم أميركي (وما حط أسمو أو المقالة تبعو). الله يسامحك على هالمدونة. برجع بكتبلك: كلمة علماء وبحث علمي يعني مجلة علمية محكمة أو مؤتمر أو قناة مختصة، غير هيك حقو نص فرنك مصدي. يعني هلا بعمل مدونة ويكتب ”وأثبتت دراسات ألمانية أن التنف مركز الكون والأرض تدور حول البوكمال”