تخدير الضيوف و تشويههم .. برنامج كاميرا خفية عربي ” مرعب ” يتجاوز كل الحدود و يثير موجة استنكار ! ( فيديو )

ما بقي شي اسمو كاميرا خفية هاليومين, كلو عم ينكتب ويتمثل تمثيل. بس تشوف كاميرا خفية قاسية متل الموجودة بافوق او يلي ساواها رامز بالفنانين اعرف انك تشاهد مشهد تمثيلي مو اكتر..الى الان لا انسى مقلب الارهابيين من 3 سنين لرامز وكيف بوقفوا الارهابيين الباص بالصحرا وبيقتحموا الباص وبيعدموا بعض المسافرين..موقف متل هاد نصف البشر بالنص ممكن ينهار ويوقف قلبو..والنص التاني ممكن يحصلو عاهة نفسية مستديمة!!! وللاسف كان الي شخصيا تجربة مقابلة احد السوريين المساكين يلي خاض هالمقلب بشكل حقيقي!!!حظو المفشفش رماه بالجزائر اول التسعينات ايام طوشة الارهاب والدبح على ابو موزة… كان معلم دهان هنيك بحكم انو طريقة الدهان تبعنا ما بيعرفوها بالجزائر وكان عامل شغل حلو على حكيو وعندو ورشة وعمال …فاتوا الارهابيين عالباص مرة وهو فيه ودبحوا تسعة قدام عينو ولما وصلوا لعندو صرخ انا سوري قام تركوه عايش… لفت نظري لما اجا ودهن بيتنا بسوريا بعد ما ترك الجزائر للابد انو بيمشي وبيحكي مع حالو واحيانا بتلاقي صافن بالهوا لفترة طويلة لدرجة لما ضيفتو كاسة شاي مرة اضطريت اصرخ لينتبه عليي…ويلي بيعرفو قبل الحادثة اكدلي انو المسكين كان طبيعي!!! بدك تعرف ازا الكاميرا الخفية صح ولا لا حط حالك محل الضحية واتخيل ردة فعلك شخصيا ببين معك الكذب من الصدق!!