تركيا : القبض على ” مهندس ملازم سابق في الجيش الحر ” كان يحاول بيع ” لوحات أثرية ” ( صور )

17 يوليو، 2017

ألقت الشرطة التركية القبض على شاب سوري في مدينة مرسين جنوب غرب البلاد، بعد أن عُثرَ معه على لوحتين أثريتين كان قد استولى عليها من سوريا وقدمَ إلى تركيا لبيعها.

وقالت قناة “سي إن إن تورك”، يوم الجمعة الماضي (14/7)، إن المدعو “ف . أ”، كان “مهندس ملازم في الجيش الحر”، إلا أنه استقال قبل فترة وجيزة، وقدم إلى تركيا.

وأحضر المهندس معه إلى تركيا، لوحتين أثريتين، الأولى “الصيد والإنسان”، بحسب ما وصفها، وهي مطرزة بالذهب، والثانية تظهر فيها العذراء والمسيح.

وذكرت القناة أن “ف . أ” كان يحاول بيع اللوحتين بـ 150 ألف يورو.

وتلقت السلطات التركية معلومات قامت على إثرها بمداهمة منزل السوري في منطقة “ميزتلي”، وبعد بحث استمر ساعتين، عثر عناصر الشرطة على اللوحات.

وقامت مديرية المتاحف في مرسين بفحص اللوحات، والتأكد من كونها “أصلية”، واتخذت التدابير اللازمة لحمايتها، بحسب المصدر.

[ads3]

17 يوليو، 2017
التعليقات المنشورة لا تعبر عن رأي عكس السير وإنما عن رأي أصحابها

‫15 تعليقات

  1. ولسا منسال حالنا ليش فشلت الثورة!! شوفوا هالنموذج ما احلاه!! والباقي من نمرتو اشرف واحد فيهن صار بالمانيا والسويد!! حرام ياسوريا… ما باعرف ليش اتذكرت حارس المتحف الوطني العراقي يوم سقوط بغداد.. طلع عالشاشة عم يبكي بدموع وهو عم يوصف كيف الشعب نهب المتاحف.. ولك مهندس وملازم عمل هيك… الامي ابن الشوارع شو بساوي ليلة سقوط النظام!! بدنا ثورة على هيك اشكال قبل ابو رقبة وشبيحتو!!

    1. ليش مين يلي علم هلناس الرشوة والفساد والتلاعب … مين؟ وبعدين لسه الأحلى في ناس بتعتبر هلشي حلال … بلكي الزلمة لقاهن بأرضو …

    2. لما بكون الواحد بخاف ربه وتربي ببيت أهله صح ما بيقبل يطعمي ولاده حرام ولا بيضع تبرير وبقول والله النظام علمنا هي كلها حجج لتبرير فساد وضعف النفوس وما تنسى انو في ناس بتخاف الله ما بتقبل ولا قرش حرام علما اللي حوليها الاكثرية عم تسرق ربنا هو اللي خلقنا وهو متكفل برزقنا لكن نحنا نسينا ربنا فأنسانا أنفسنا
      لا يغير الله ما بقوم حتى يغيروا ما بأنفسهم

    3. ونحن عنا نماذج مشرفه تذكر مدير متحف تدمر قضى نحبه مذبوحا على ايدي داعش ولم يعترف اين خبأ الاثار على كل حال السارق ملازم في الجيش الحر وهو دليل انو الثوره حراميه بي حرامية

  2. شعرة مما سرقه رفعت الأسد وباسل الأسد ورامي مخلوف عدا مدراء الأفرع الأمنية وضباط الجيش في لبنان والجنوب السوري …. واحدة من السرقات قدرت ب 89 كغ من الذهب النقي وواحدة من القطع الأثرية التي لا يتعدى حجمها سنتيمترات بيعت بمئة وثمانين مليون دولار ووو…. إسألوا مدراء الآثار الذين فروا من سورية أين هي آثار سورية

  5. هادا بلا شرف ولا أخلاق ولا ترباية ولا ناموس وبكرة بربي اولاده عالسرقة. أمثاله ما بيتربوا لينحبس هاد مؤبد. يلعنك عار عالشعب السوري إنت واللي بدافع عنك.

    1. فيك تلقي اللوم عالبعث
      بس المعني الأول بإلقاء اللوم هيه الأسرة وأخلاقه العاطلة

  8. ما في أمل .. طالما الواحد بكون ما معه ياكل وبجيب عشر ولاد وبقلك الله الرزاق وبيفلتهم بالطرقات ..على اساس الانسان متله متل الحيوان ما لازمه غير الاكل والشرب .. هيك رح تكون النتيجة .. الانسان بحاجة للتربية والتعليم تماما متل حاجته للطعام والشراب .. سوريا باوائل الثمانينات كان عدد سكانها 5 مليون بعد 30 سنة صرنا 25 مليون .. اي دولة بالعالم رح تلحق تبني مدارس و جامعات و مستوصفات ومشافي لهل الكم الهائل من الناس .. ولهل الانفجار السكاني ..
    لو كان بيطلع بايدي كنت حددت النسل ب طفلين لحتى يتسنى للاهل يربوا تربية صالحة .. ويلي بده اكتر خليه يدفع ضرائب ..