آخر الضحايا لاجئة سورية تسافر دون أهلها .. تحقيق صادم عن اختطاف اللاجئات و الأطفال لبيعهن لبيوت الدعارة في اليونان ( فيديو )

فشيت خلقك و سبيت وارتاح ضميرك ؟ ليش لا مازال في شماعة تعلق عليها كل سيئاتك وممسحة زفر تمسح فيها اخطاءك. هنن كلاب وجرادين برايك وانت عميل خاين بايع ارضه وعرضو برايهن

لا رح سب ولا أحكي على حدا… اللي عندي كم سؤال بتمنى يكون في عندك إلهن إجابات عقلانية.

لما كم طفل كتبوا على حيط “جاك الدور يا دكتور” كان لازم تنقلع أضافهن وينضربوا بالكابلات على وجوهن؟
لما العالم طلعت وقالت “سلمية سلمية بدنا حرية”، ليش انضربوا بالرصاص واعتقلوهن؟
لما العالم بعد القتل والسحل صارت تقول “الشعب يريد إسقاط النظام” لأن النظام فاسد ومفسد، كان لازم ينضربوا الطيران والمدفعية؟

لما بتصير 90% من استثمارات البلد بإيد مهرب مخدرات وسلاح اسمه رامي مخلوف ةيصير رامي إلة مفرزة أمن خاصة فيه، لما يصير أخو رامي مخلوف رئيس فرع مكافحة الفساد، لما بتنحكم سوريا من سنة 1971 (وفعلياُ من سنة 1963) من قبل عائلة واحدة قبرت بالحيا كل مين قال “طيب ليش ما يستلم حدا غيركن”، لما السوري لازم يجيب “وثيقة فقر حال” مشان ياخد 250 لتر مازوت بالوقت اللي فيه “أطقال” المسؤولين والضباط عم يسرحوا ويمرحوا بالبلد ويدعسوا الناس بسيارات الأودي والليكزس والمازاراتي وماحدا يحاسبهن، لما كل الضباط المرضي عليهن بيصير عندن جنسيات برا البلد وحسابات بنكوك بسويسرا وجزر كايمن وكذا فيلا وبيت وطقم سيارات ماكان بيحلموا فيهن، منينلو الضابط الوطني الشريف كل هاد (لا تقلي هنن أولاد عيل!! كل الناس بتعرف تاريخ علية قبلان وحويجة والأسد (اللي هنن أساساً بيت الوحش) وكمان بيت كنعان (اللي أولاده درسوا بأميركا على حساب رفيق الحريري) وكمان طلاس ومخلوف وصافيو غيرهن كتير، كانوا بالقرى بالشحاطة البلاستيك)؟ لما يكون الدستور السوري بيقول إنه لازم المسؤولين (وعلى رأسهم رئيس الدولة) ما يكون بيحمل جنسية تانية غير السورية ولا يكون متزوج من أجنبية) أديب ميالة (حاكم مصرف سورية المركزي) فرنسي من شي 20 سنة، بشار الأسد متزوج من سورية بتحمل الجنسية البريطانية بالولادة، وهو أخد الجنسية البرطينانية بالزواجن هاد وش اسمه؟

رجاءاً، اقرا كلامي بعقلية حدا سوري عن جد، لا معارض ولا موالي، بس سوري.

( بالزواجن هاد وش اسمه)؟؟؟ بتمنى اللي يعلق بالشأن السوري يكون سوري