بعد هجوم شقيقها عليه .. أحمد العوضي يعلن ارتباطه بالفنانة ياسمين عبد العزيز

فوجئت الفنانة ياسمن عبد العزيز، بهجوم شديد من شقيقها وائل عبد العزيز، بسبب علاقتها بالفنان أحمد العوضي، حيث نشرت لهما صورا متعددة في الفترة الأخيرة، فسرها البعض بارتباطهما بينما لم يعلنا هما عن شيء واضح، إلى أن كتب شقيقها على حسابه في موقع التواصل الاجتماعي «فيسبوك»: «بصي يا ياسمين يا عبد العزيز يا أختي، أنا معاكي وفي ضهرك من وأنتي صغيرة شيلت مشاكل كتير بسببك من وأنتي عيلة صغيرة، بداية من مشاكلك مع الشاعر وبرادة وأنتي عارفة إن أنا أتاذيت فيها إزاي وقضيته الشغالات مؤخرًا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها».

وأضاف شقيق ياسمين: «وقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقى كل همي أنا ووالدتك، إنك تكبري وتبقي نجمة في مجالك، سيبنالك اختياراتك كلها لنفسك و وفقنالك على معظم قراراتك وكنت الوحيد اللي ساندتك ووقفت جنبك في طلاقك، لكن هنهرتل وتروحي تعرفي واحد أصغر منك بـ10 سنين لا من سنك وتتصوري صور مالهاش أي لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب في سيرتنا؟ ونقعد نتعاكس على السوشيال ميديا؟

وتابع وائل: «ومع ذلك حياتك وأنتي حرة فيها، أنا هتكلم على الشق اللي يخصني، إنتي مقاطعة كل العيلة عشان تعملي اللي على مزاجك، إحنا دلواقتي عايزين نفهم العلاقة دي إيه ورايحة على فين» .

وتابع: «أما بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم.. أحب أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!! دي الأصول وده الاحترام.. وطبعًا لأنك عارف أنك مرفوض رفضًا باتًا فعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس!! أنا من رأيي كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد».

ورد عليه العوضي عبر صفحته على «فيسبوك» قائلا، وفق ما اوردت صحيفة “القدس العربي”: «أنهي بيت اللي ادخله من بابه..إن كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته. باب إيه يا بني أدخله .. هو أنا شوفت راجل واقف جنبها.. دي واحدة إنت مابتعملش حاجة غير أنك بتستنزفها هي ومامتها. باب إيه يا بني اللي هدخله من بابه واكلم واحد بيتكلم على عرضه ولحمه قدام الناس. يا بني أنا من عين شمس منطقه شعبية اتربيت على أن الأخت والأم والست الكلام عليهم من الكبائر. عربية إيه يا بني أنا أجري الحمد لله يعيشني كويس ويجيبلي عربية حلوة وبيت كويس. بمجهودي وشغلي مش على عرق واحدة ست. باب إيه يا حبيبي اللي أدخله وأنت أصلا عايش باسمها. أنا شقيت على حالي بعرقي. لكن إنت فشلت في كل شيء. فشلت كممثل وفشلت كأب وفشلت كأخ وفشلت كبني أدم».

بعد ذلك أعلن أحمد العوضي عن ارتباطه رسميا بياسمين عبد العزيز، من خلال نشر صورة تجمعهما عبر مواقع التواصل الاجتماعي، وكتبت تعليقا عليها «بحبك يا ياسمين»، وردت هي أيضا بصورة وكتبت عليها التعليق نفسه.

وكان موقف شقيق ياسمين، قد أثار انتقاد كثير من رواد مواقع التواصل الاجتماعي، إضافة لبعض الفنانين، منهم محمد محمود عبد العزيز، الذي نشر فيديو يستنكر فيه موقف وائل عبد العزيز ووصفه بأنه بعيد كل البعد عن الرجولة والتربية.

كما كتب تامر حبيب، عبر صفحته الرسمية على موقع التواصل الاجتماعي «فيسبوك»: زمان لما كانوا اتنين يتخانقوا وواحد فيهم صوته يعلى، كان الطرف التاني يقوله وطي صوتك الجيران هاتسمعنا، دلوقتي بقى لما أي من الأطراف يفرش الملاية وينشر أوسخ غسيله ويفتخر برخص أخلاقه، بدخل يتأكد ان البوست هيتشير على العام مش الأصدقاء أو حتى أصدقاء الأصدقاء … إخص».[ads3]