مفتي بشار الأسد يوجه رسالة للسوريين في الخارج خلال جنازة صباح فخري ( فيديو )

الوطن السوري موجود في قلب كل سوري، وحزن المفتي حسون على الوطن فعلياً لا معنى له، ولنذكر هنا المفتي الحسون ومن يسمح له بالكلام أن أي وطن بحاجة الى عقلاء وحكماء لادارته وليس الى مجرمين قتله عندما عجزوا عن حمايته، وفشلوا بادارة شؤون شعبه، وطالبهم الاخير بالتنحي لفسح المجال لمن هم اكفأ، استقدموا له اسفل واحط المحتلين حتى يبقيهم في السلطة ويكونوا رعاة لمشاريعهم..
ليعلم سماحة المفتي حسون ان الوطن حتى يكون وطن لا بد من أن تقام على ارضه دولة طبيعية ومؤسسات متزنة ناظمها القانون، تحترم مواطنينها وتعتز بهم و تحمي مصالحهم وتوفر لهم سبل العيش الكريم ليعود من يطالبه بالعودة .. اليس كذلك..!؟
بالمناسبة كنت اتمنى ان اسأل سماحة المفتي واسمع الجواب عن التالي: ما هو مفهوم الوطن عند المفتي حسون.. وهل يرى انه بقي وطن صالح للعيش بضل السلطة الحاكمة، والاهم من كل ما تقدم سماحة المفتي حسون بمنصبه كمفتي، هو يفتي بماذا عند السلطة الحاكمة في سورية ولمن تكون افتاءاته ومن يلتزم بها أو يستمع لها بالاصل ..!؟

حزنك كبير على من يبقى خارج الوطن ولم يلق من يصلي عليه !؟

لك خاي أنا حلبي ومالي معارض ، هي أول شغلة ، أنا بيصنفوني رمادي أو شبيح لأني مالي مع الثورة “المبرمجة يلي بتنشرى بالمال “…وبكره كل مين طلع ضد النظام مو حباً فيه لأ بس لأني بعرفو لنظامك ابن حرام ومستعد من أول لحظة يدمر المدن فوق رؤوس أصحابها ومايسلم السلطة ! واللي طلعو كانو طامعين بسلطة ومدفوعين بالمال الخليجي والأحلام الأميركية ومالي مطبل ومؤيد أعمى لنظامك الخرا…

حاولت لاقي بكلامك شيء مفيد ، نحن خارج الوطن في أوروبا أخدنا جنسيات وعندنا تأمين صحي وتقاعد ودراسة ببلاش ، صحيح عم نشرشر ضرايب بس عالأقل في قانون بيمشي على أكبر راس !
مين مابيريد يموت ببلدو .؟؟؟ وبين أهله وناسو !؟ بس قبل ما تفكرو بالموت ! فكرو بالحياة !
ليش ممنوع نحيا بين أهلنا وناسنا ؟ ونفرح بحياة كريمة بيناتهم !؟
المرحوم بإذنه ، صباح فخري ، عاش معزز مكرم لأنو كان معو مصاري يا حببيبي ! مصاري ! ودعم من السلطة ! ما قرب على خطوطكم الحمراء والخضراء والصفراء وضل صامت وبنفس الوقت معو مصاري منييييييييييييح ودولارات من أيام المجد !
ف لذلك ضاين وقدر يشتري لنفسه ولأحفاده كرامة وبرستيج ، مشترى ! وحتى هالكرامة المشتراة إنتو وقت الجد مستعدين تدعوسوها !!

شو مشان عمو ل معلمك يلي رجع وبرقبته دماء !؟
شو مشان المصالحات لكل من قتل من الجيش بينما المدني اللي خرج بمظاهرة ربع ساعة واختفى صار وراء الشمس أو مازال اسمو معمم !؟

حبيبي في الخارج نحن صرلنا كرامة مهما ضغطونا بقوانين العنصرية والضرايب الموجعة عالقليلة إذا عرف الواحد يمشي صح ماحدا بيقرب صوبه ولا بيهين كرامته كرمال رغيف خبز وغاز وبنزين ودور وإذلال وعريف حالك مع مين عبتحكي ولاك وسيارات سوداء وترهيب …

ختاماً إذا مشان الوفاة والمنية ف أرض الله واسعة ولاتدري نفس بأي أرض تموت ! .. ولما منموت روحنا بتصير عند اللي خلقنا رح نترك هالجسد البالي يلي روحنا كانت فيه واستعملناه.. صار في جاليات منيحة بالغربة وصرنا نصلّي وندفن في مقابر اسلامية وناخذ بالعزاء والخاطر ولاتقلق ولا تشغل بالك . اشغل بالك باليوم الموعود لما رح تنزل بالقبر وحدك ويجيك الملكين يقعدوك ويبلش التحقيق .. هنيك لا رح ينفعك بشار ولا الحرس الجمهوري ولا المخابرات الجوية ولا القصور والسيارات الفارهة.. رح ينفعك عملك فقط ! وأنت أدرى شو في بينك وبين ربك !