كم ” مليار دولار ” أدخل السوريون إلى تركيا منذ العام 2011 ؟

بنشرح لك يا سوري حر :بشرط تكون فعلا حر
اولا شخصيا انا متغرب بسعودية ومالها فضل شخصي علي …
لكن اقاربي ومثلهم كل الشعب السوري : إما اللي لجئ إلى تركيا أو اللي اشتغل بتركيا أو استفاد من المخيمات على حدود تركيا …وانت بتعرف أنو لولا تركيا لكان نص الشعب بحلب انقصف لكن نزحو إليها وهاد الشي خفف من عدد الشهداء باعداد كبيرة …
ثانيا: اقاربي ومثلهم كل الشعب السوري عنا جيش حر وعنا مجاهدين وأي شخص ثائر في كل سوريا بيعرف أنو لولا الدعم التركي بعد فضل رب العالمين يمكن كان النظام فرض حالو على كل أرض سوريا …فلا كان إدلب تحررت ولا كان حلب تحركت بالاصل …
ثالثا: كل النازحين في المخيمات على الحدود وعددهم صار بالملايين قاعدين بخيم تركية أو بمساعدات تركية …
رابعا: شيلك من الدعم الاقتصادي والعسكري لتركيا في دعم سياسي ولا تنسى يا حر أنو الائتلاف مقرو بتركيا وأنو الكتائب وقت تريد تجتمع بتطلع على تركيا …

السؤال الآن : اي حرائر انتهكت بتركيا ؟؟؟ أخي الحر كما تسمي حالك : إشاعة حرائر انتهكو واغتصبو وما بعرف شو من هالحكي الفاضي هو كلام إعلام النظام القذر وما بصدقو إلى كل منحبكجحشي أو كردي …وأنت عكلامك حر فغريب أنو تحكي هيك …حتى لو كنت داعشي فلازم تعرف أنو القذف هو من الموبقات السبعة ..وبعرف أنو الدواعش مو همهم هاد الشي لأنو عملو الافظع من القذف …
السؤال الثاني: الحمد لله قاعد بسعودية مبسوط …وانا طلعت من سوريا قبل الازمة بكتير وكنت موظف بسوريا والحمد لله آثرت الحياة الشريفة على حياة الرشوة المباحة والمتاحة والمحللة من قبل الدولة والشعب وقتها ….وعايش بكرامتي وباختياري …والحياة بالغربة بكرامة وشرف افضل من الحياة في الوطن بالحرام …وهاد الشي مالو علاقة لتركيا فيه …والناس اللي لجأو إلى تركيا ما سمعت عن حدا منهم مات من الجوع وبزياراتي لتركيا ما شفت سوري عبيتسول وما سمعت بمواقع التواصل عن سوري تسول بتركيا والناس اللي بعرفهم طلعو عتركيا عبيشتغلو ..صح الشغل شاق بتركيا لكن التركي عبيشتغل مقابل السوري وما عبينرمى الشغل الشاق على السوري بس …هيك طبيعتهم وحياتهم …شغل وجد واحترام …وهاد الشي بدنا فترة حتى نتعود عليه نحن كسوريين