تركيا : الشرطة تلقي القبض على خلية تقوم بتشغيل عشرات الأطفال السوريين في ظروف أقرب للاستعباد

خليك زلمة واشتغل وعيش بكرامتك .. وللا ناطر مساعدات وانت قاعد في بيتك ..
مئات آلاف السوريين يعملون ويعيشون دون حاجة لأحد ودون أن يمدوا يدهم ليتلقوا مساعدة من هنا أو هناك ..
شي تاني بخصوص المساعدات .. شو حضرتك بدك مساعدات .. يعني ناس قد الحيط لا زم ياخدوا مساعدات!؟ شو تركت للأرامل ومصابي الحرب .. والمعاقين .. !!؟
هؤلاء يتلقون مساعدات بعضها منتظم وبعضها من فاعلي الخير .. وهذا واقع شئت أم أبيت ولا أحد ينتظر منك شهادة أو مديح ..

انت جبت معك قرشين وعم تصرف منون او انت شب لا قدامك ولا وراك . روح اعملك زيارة خاطفة للحارات الدرويشة بمرسين الحلوة مثلا .. دمير طاش قرة دوار . يني بازار . سولجقلو …. بكر ده ده … وغيرها وشوف العيشة على اصولها .. 14 شخص عايشين ببيت الفيران ما بتسكنه والفرش بلاط واللحاف هوا و 4 عيل بغرفة وصالون .. والاجارات احقر بيت بالعالم هون ب 200 دولار وانت طالع ليصل ل 800 دولار بالمناطق المنيحة .. انا عم شوف ولاد ما كملوا الخمس سنين جوات الحوايا( حوايا الزبالة طبعا ) بيلموا كرتون وزبالة ليبيعوها وبحقها يشتروا ربطة خبز لعيلتون و ما يمدوا ايدون الي او الك او لاي حدا تاني .بتصور هدول مو داخلين فيها هواية وسياحة واستجمام . وولاد على الاشارات بيبيعوا كلنكس او قنينة مي واذا عطيته حقا وقلتله خليها الك بيرد عليك بيقلك لا يا عم ما بيصير هاد حقك .. كرامة السوري اكبر من الي عم تتصوره حضرتك بكتير بكتير… وكلشي عم تسمعه من عشرات مليارات الدولارات الي الحكومة بتقول صرفناها على السوريين ما شفنا منها شي غير الطبابة المجانية .. يمكن عم يصرفوا على السلاح الي عم يفوت لسوريا اي انا معك فيها هي وامس عادل جبير السعودية بيقول نحنا صارفين مليار دولار على السوريين الي بتركيا .. طيب وينون ولا هاد حكي جرايد ما بيتاخد عليه , عيني نحنا ما بدنا مساعدات من حدا بس يحلوا عن روحنا ولا يمننونا فوقها . حتى سماحية مافي لاي شغلة نظامية بدك تشتغلها , لو صحي الدولة التركية بها مصلحة السوريين تشوفلون مجالات عمل بالعكس تماما اذا شافوا حدا فاتح دكان او يشتغل عند شي حدا فورا مخالفات ودفع وتقليع من الشغل الدولة التركية يا اما ما عندها خبرة ومانها عرفانة كيف تتصرف ويا اما عم تضييق على السوريين لتدفشون للهجرة من تركيا الى اوربا .السبب الرئيسي للمشكلة هو قصر نظر الحكومة السورية وعلى راسها بشار الاسد الي كان فيه يحل المشكلة بكل بساطة وعرفان يتصرف ببداية الازمة وبدون ما يخون الشعب السوري الي هو اشرف منه واكتر فهم …انا بعرف في مؤامرة كونية على سوريا وعلى شعب سوريا بس كان لازم يطلع قدها بس يا حيف على قولة سميح شقير يا اخي شوف الدنية بشكلها الحقيقي وبيكفينا نضحك على حالنا