مصنع في ضواحي باريس .. خبير سوري ينتج الصابون الحلبي في فرنسا ( فيديو )

مرسيليا تنتج الصابون منذ قرون طويلة، ويؤكد الباحثون الفرنسيون أنفسهم أن مرسيليا كانت يقطن فيها سوريون منذ العهد الروماني، حين كان البحر الأبيض المتوسط بحيرة داخلية يسيطر عليها الرومان. لذا فصابون مرسيليا ليس سرقة، وإنما إنتاج السوريين القدماء الذين كانوا يسافرون إلى كل مكان.

كلمة حق في وجه مين فهمني غلط..كلامك مزبوط..ولاحظ انك جاوبت حالك بحالك.. التسجيل واخذ الاعتراف.. هادا يلي بوثق تاريخ صناعة.. انا ما اعترضت عالفكرة وانما على اسلوب تنفيذها.. الاخ مفكر انو ازا ماشغلنا غير السوريين حنحمي الصناعة.. على راي 1818 بيطلعلك بكرا رجل اعمال اسرائيلي بيفتح معمل باوروبا للصابون الغار المعروف تماما تركيبتو وبيدعي انها صناعة اسرائيلية من ايام سيدنا موسى والاعلام بايديهن بيقنعوا فيه الكل.. شو بكون استفاد صاحب المعمل من تشغيل بس السوريين؟! اليونسكو مو بس بتوثق.. وبتعمل دعاية للصناعة وبتجمعلك تبرعات ازا بدك كدعم.. اما طريقة الاجداد بحماية الصناعة ايام ما كان فيه اجهزة تحليل تعرف شو السر المكون للخلطة راحت..كوكاكولا مثلا خلطتها معروفة حالياشوهي بعد ما كانت سر الاسرار.. بس كون رجال وحاول تنزلها عالسوق.. كلو بها الزمن صار معروف بس موثق ومحمي.. هادا الاخ في ياخد حماية للمتج تبعو بالعالم كلو ويمنع اي حدا غيرو ينتج صابونة بدون علمو.. هيك بتكون الحماية والتوثيق لصناعة.. مو ما نشغل غير سوريين!! والخلطة اتفه كيميائي بجبلك ياها بكم اختبار.. مالها سرية ولا شي.. اخونا حسسني انو قاعدين بمسلسل ايام شامية ولازم نطرح الموضوع قدام شيخ الكار مشان يامن عمال يشتغلوا عند الزلمة يكونوا سوريين مشان ما يطلع سر المصلحة لاوروبا متل ما كان بالفعل يصير بالقرون الماضية !!انا ما عم اتمسخر على فكرة عم احكي جد!! هيك كانوا يحافظوا على سرية صناعة ازا حدا حب ياسس فرع برا البلد.. ويا ويلو لو اخد عامل عن طريق غير شيخ الكار.. بس هلا مشي الحال..كلو صار مكشوف والتوثيق بس هو يلي بيحمي التاريخ والصناعةمعا!! هي الصناعات اوروبا مو مهتمة فيها ولا شايفتها لتسعى تسرق خلطات وطريقة تصنيع.. وفي عندهن بدائل الها بالسوق شايفها بعيني.. الفكرة حماية تاريخ الصناعة ومنشاها وليس الصناعة نفسها.. بلا يونسكو هالحكي ما بصير.