الإمارات : منظومة جديدة لتأشيرات الدخول

6 فبراير، 2017

أعلن الشيخ محمد بن راشد آل مكتوم، نائب رئيس الإمارات رئيس مجلس الوزراء حاكم دبي، الأحد، عن إقرار منظومة تأشيرات لدخول الإمارات تركز على استقطاب الكفاءات والمواهب الاستثنائية في القطاعات الحيوية للاقتصاد الوطني.

وأكد بن راشد أن الإمارات تسعى لأن تكون الحاضنة الأولى للمواهب البشرية الاستثنائية في القطاعات الحيوية كافة. وقال إن “الإمارات قامت على الانفتاح ويحكمها التسامح ويساهم في نهضتها جميع من يقيم على أرضها”.

وأضاف: “نسعى دوما لترسيخ قيم الانفتاح والتسامح ولا نتراجع عنها ونرحب بالمواهب كافة من 200 جنسية على أرض دولتنا، بلادنا أرض الفرص وهي أفضل بيئة لتحقيق أحلام البشر وإطلاق إمكانياتهم ومواهبهم الاستثنائية”. وتابع: “الاقتصاد المستقبلي قائم على العقول والمواهب وعلى تطوير بيئة محفزة للابتكار وسيتم تطبيق النظام الجديد ضمن مراحل حيث تشمل المرحلة الأولى تأشيرات دخول سياحية وعلاجية وتعليمية في حين تشمل المرحلة الثانية تأشيرات لاستقطاب رواد الأعمال والمبتكرين والكفاءات التخصصية الاستثنائية في المجالات الطبية والعلمية والبحثية والتقنية والثقافية”.

وأفاد موقع الشيخ، في بيان، أن رئيس الوزراء وجه بتشكيل لجان متخصصة لتحديد أهم القطاعات الحيوية التي سيتم فتح التأشيرات التخصصية فيها ووضع خطة لاستقطاب أهم الكفاءات الإقليمية والعالمية الاستثنائية. وأضاف البيان أن النظام يشكل دعما كبيرا لأعمال القطاعات السياحية والصحة والتعليم وذلك من خلال تعزيز مجالات أعمالها وتعزيز التفوق التنافسي العالمي للإمارات، حيث تعد البيئة الجاذبة في الدولة وأسلوب الحياة والتسهيلات المالية والبنية التحتية أهم عوامل جذب الكفاءات والمواهب الاستثنائية وتسهيلات جديدة للشركات العالمية متعددة الجنسيات لنقل مقراتها للدولة. (CNN)[ads3]

6 فبراير، 2017
التعليقات المنشورة لا تعبر عن رأي عكس السير وإنما عن رأي أصحابها

‫15 تعليقات

    1. كون افضل منهم واعمل شي صح بحياتك … من يعتقد ان الامارات او الخليج قائم على العهر كما تدعي بكون خارج نطاق الحياة في هذا العالم, تحتاج لزيارتها لتعرف ما هي الامارات … بالمناسبة السوري بيقدر يطالع فيزا واقامة مهما كانت توجهاته بس اكبر مشكلة بواجهها السوري هو من اخوه السوري الي بقنعو انو مافي اقامات وبرحلوك وبعملو وهو كذاب كرمال بس يعملو اقامة لانو بكون عامل شركة وهمية … والاقامة بتكلف 750 درهم بياخد منو 15 الف … والحمد لله عم يمسكو كتير من هدول بس مع الاسف دغري بتلاقي عمواقع التواصل الاجتماعي انو عم يرحلو سوريين بدون العالم ما تعرف شو سبب ابعاد هالشخص ….

    2. يا ابو شام بيكفي كذب، انا صرلي بالإمارات 30 سنة و كل ما بحاول تجديد الإقامة بتروح عالأمن و آخر مرة أخدت بالأمن 9 أشهر وحصلت على تأشيرة لمدة عام واحد فقط… بيكفي كذب لآل العهر و التعريص و تمسيح الجوخ، انتي بتعرف كتير منيح قديس عم ياخدوا رسوم و قديش السكن غالي و مافي مواقف ببلاش بكل دبي و المخالفات شي بيحرق الأعصاب و القلب و الشغل تعبان كتير والناس عم تهرب من البلد للغلاء الموجود فيها و ناس كتير بالحبوس مشان شيكات البيت و الكثير من الأمور الأخرى… على مين عم بتدافع و على مين عم تكذب؟؟؟ من زمان ما طلعت تأشيرة لسوري واحد لا زيارة و لا سياحة و لا استثمار… بيكفي كذب وتمسيح جوخ… ليكني بعد 30 سنة تركت و طلعت من القهر و رحت على بلاد الكفار حيث الرحمة و الانسانية… روح خيط بغير هالمحل

    3. ومين جبرك ضل 30 سنه؟؟؟ هههههه
      تجديد الاقامات بكل دول العالم بتحتاج موافقة امنية زوجتي بكندا ضلت 3 شهور وما اخدتها بالامارات ما بتروح عالامن بتجيك الموافقة بمسج اس ام اس… والاقامة لمدة سنتين داخل دبي و3 سنوات داخل المنطقة الحرة ليش انته بس سنه؟؟؟ بعمري ما مسحت جوخ لحدا السكن غالي؟ هذا كاس على كل الناس عربي ولا اجنبي وبكل دول العالم وانته بتعرف كيف جنون اسواق العاقارات بالعالم كلها … مواقف ببلاش مافي؟ عطيني بلد فيا مواقف ببلاش بالعالم ليش التركيز على بلادنا بس؟؟؟ المخالفات بتحرق الاعصاب بس حدا بعتدي عليك؟ ليش في عالم كتير استفادة من نظام النقاط البيضاء لانها ما بتخالف فموضوع المخالفات بأيدك… اما الشيكات والحبوس الي عم تدعيها فالنظام معروف بتمر بمراحل كتيرة لتوصل لمرحلة السجن وانته بتعرف هالشي ومن جهة الشغل كل واحد حسب مصلحتو كمهني وحسب شهادتو كموظف مو كل الناس مرتاحة بالنهاية ومستحيل تلاقي كل الناس مرتاحة بأي دولة … بالنسبة لتأشيرات الزيارة ولا السياحة من حقك تقدم لحد من اهلك من الدرجة الاولى وانا الي بتحداك لانو لو فعلا انك بالشارقة كنت لاحظت تزايد عدد السوريين فيها … روح انته خيط بغير هالمحل لانو لو فعلا صرلك 30 سنه ما بتحكي هالحكي وتشوه صورة البلد … 30 سنه وما قدرت تعمل بيت؟؟؟؟ بوقت في ناس صرلن نفس المدة وصار عندن بيت على الاقل ؟؟؟؟ مبروك عليك بلاد الرحمة المزيفة والانسانية انته طلعت مشان راتب والبلاد الي طلعت عليها فيها نفس الكلام الي حكيتو فيا سجن اذا ما دفعت اجاراتك وفيا مخالفات اذا خالفت وفيا اقامة يمكن ما تاخدها متل كندا …. بكفي مزايدات وما كان حدا جابرك تعيش فيها 30 سنه

  2. دولتك يا سمو الشيخ مغارة علي بابا و مركز غسيل الاموال لحرامية دول العالم الثالث ….عن اي مواهب تتحدث ؟ ؟ ؟ جذب المواهب مو من اختصاصك ابدا ههههه

    1. انته غير مؤهل لتقييم افقر دولة بالعالم يا سيد ايمن … واضح من تعليقك انك ما بتعرف لا الامارات ولا غيرها لذلك اتمنى منك القراءة قبل التعليق وتثقف نفسك وهذا مطلوب منا جميعا

    3. شو يعني ياابوشام انت فهمان أو لانو ماشي شغلك الآن هناك أنا بعرف الإمارات جيدا وبعض الذي تكلم عنه الاخوة فيه شى من الصحة وماخفي اعظم وهذا العمران والدعاية كلها ظاهريا هناك أمور مخفية تحتاج وقت للحديث

    4. لا مو فهمان ولا لانو شغلي ماشي … بس احكي الايجابي قبل السلبي … انتو بتعرفو تماما مافي دولة بتقوم عالدعارة بما فيها المانيا وهولندا المعروفين اكثر دول فيها دعارة ودعارة منظمة … هي الدعاية الفاشلة ضد بلد متل الامارات ما عاد حدا اقتنع فيها ….

  3. عشت ببلادن و شفت حقيقتن… بلاد غسيل اموال و سحب شبابنا و طاقتنا و بالاخر رمينا للمجهول هاذا اذا ما تم تسريحنا من العمل فجاة و رمينا للمصير المجهول… طبعا لا تحلم بالجنسية و حتى لو عطوك ياها ما كل هالشي الي بيرفع الراس… الحمدلله طلعنا منها بخير و سلامة و من اول الطريق…

    1. احسن شي عملتو طلعت منها وتركت مكان لغيرك يستحقو … انته بتعرف تماما انو تسريح من العمل هون مافي والك حقوق, واذا طلعت من شغلك الك حقوق نهاية الخدمة وبتكون حسب قانون العمل راتب 22 يوم اول 5 سنوات وراتب 30 يوم بعد الخمسة … مبروك عليك بلجيكا الي فيها نسبة البطالة 8.5 بالمية … ويلا فرجينا بتعك وبطولتك وانجز

    2. ليك انا معك بكل شي حكيتو.. بس في شغلة هي بيت القصيد يلي ما باعرف ليش استحوا كل المعلقين اعلاه يقولوها وهي المشكلة الوحيدة ببلد متل الامارات…الجنسية والراتب التقاعدي بس تكبر بالعمر ويحني ضهرك… الفرق الوحيد بين كندا والامارات انها بتامنلك حياة.كريمة ومواطنة بعد تعب سنين عمرك عكس الامارات يلي بتمشيك من شغلك عالشارع وانت في ارذل العمر.. عدا هيك.كل شي انحكى علاك بعلاك وردك صحيح تماما!!

    3. تحياتي اخي كاره الاغبياء
      ببدء بالامارات, في نظام التقاعد موجود حاليا بالامارات وهو عبارة عن صندوق تعتمده كل شركة وفي طريقتين اما الموظف بحط مبلغ معين من راتبه أو الشركة بتحط فيه مبلغ وبتستثمره ليكون صندوق للموظفين تقاعدي مسؤوله عنه الحكومة وتدعمه كيف الية العمل بالضبط ما بعرف بس الي بعرفو انو في تشريعات وقوانين لحد اليوم عم تطلع وتتعدل لانها طولة حديثة عمرها كلو 45 سنه ما زالت قيد التطور … اما كندا فاذا ما كان عندك سحل ضريبي لعشر سنوات ما بيطلعلك لا تقاعد ولا حياة كريمة … بالنهاية اخي الكريم انا بتمنى من كل شي عم بعلق يزور الامارات ليشوف انو ما حدا بنزت بالشارع …

    4. ايه بس هلا يا ابو شام عم تطلع هالقوانين…من زمان ما كان فيه.. انا شخصيا باعرف محاسب اشتغل بابو ظبي 27 سنة ورجع عام 2005 بعد ما صار فوق الخمسين وقلعتو الشركة… الحسنة الوحيد مقارنة بالسعودية ما اكلوا عليه تعويض نهاية الخدمة ورجع عالبلد بمبلغ محترم… بس فكرة انك ما تصير مواطن لحالها بشعة.. بعد 30 سنة.معيشة ببلد تطلع منو والله صعبة.. يا رجل لغتك بتكون صارت متلو وطريقة حياتك لدرجة بستصعب تعيش ببلدك الاصلي… بالنهاية انا عارف ماحدا جابرك تشتغل بهيك شروط من الاساس.. بس كمقارنة.مع اوروبا وامريكا الامارات والخليج عموما من اسوا الدول تشتغل فيها وخاصة.ازا راتبك ما كان عالي تقدر تصمد منو تقاعديتك… عدا هيك الامارات تحديدا شعب مثقف وغير عنصري لا يقارن بالسعودية ابدا… يعني بتعيش حياتك مبسوط مو.متل السعودية الحسنة.الوحيدة فيك تروح مكة.والمدينة.ايمتا ما بدك!! اضافة لانو بلد مسلم ولادك بيسمعوا ادان وبشوفوا جامع عكس الشغال باوروبا يلي بجيب ولادو عالدنيي مشان يفقدهن بس يكبروا هادا ازا ما واحد منهن جبلو الشرطة لابو وطلب يترك اهلو ويعيش لحالو !!! كل بلد الو محاسن ومساوئ وانت بتختار… حتى السعودية اضافة لمكة.والمدينة يقال انو ارخص بلد خليجي وبتوفر نص راتبك برياحة عكس الامارات يلي بتوفر فيها قروش مو اكتر!!!احلى ابو شام تحياتي

    5. أخي الكريم كاره الاغبياء
      خلينا نطلع من لغة التقليع لانو مصطلح ما حلو ووقت الشركة بتنهي علاقة العمل معك هذا ما اسمو تقليع اسمو نهاية خدمة وبتاخد عليها حقوقك الي متل ما زكرت ما حدا بياكلها عليك لانو بالاساس الراتب بنزل بحساب البنك كل شهر بالتالي تعويضك بنزل بحسابك مباشرة. لكن في الف طريق تعمل فيها اقامة وتبقى بالبلد وصدقني اذا ولا سنه الواحد ما قدر يعمل بيت معناتو ولا بمية سنه بيعمل بيت. قناعة السوريين بالذات انو انا مو دايم طول عمري هون لحتى اشتري مع انو اذا فكر شوي بكون عندو خيار اما يبيع او يأجر وبكل الاحوال بيطلعلو اقامة على العقار الي بشتري وهالشي متأكد منو. بالنسبة لاسوء دول تشتغل فيها يمكن انته ما عشت برا لتعرف حقائق كتيرة انا اشتغلت مع أتش بي كندا واي بي ام اول شي كنت اعملو بعد توقيع العقد توقيع استقالة وبتنحفظ بملفي عندن, تاني شي اتش بي مثلا قبل خمس سنوات مافي ترقية لا بمنصب ولا بالراتب لهيك اشتغلت فيها سنه لحتى لقيت فرصة أفضل بأي بي أم وطلعت عليها وكانت نفس القرف بالتالي مافي مقياس تقدر تقيس فيه منين الافضل ومين الاسوء. وبالنسبة لاوربا وتربية الاولاد انا رجعت من كندا على سوريا وخدمة جيش وتسرحت قبل الثورة بشهرين كرمال اني استقر ببلدي وابني اسرتي لكن نصيبي اطلع منها مرة تانية واجي الامارات…اما التوفير صح الامارات غالية بس صدقني بتعتمد على نمط حياتك, فيك تاكل وجبة بـ20 درهم ونفس الوجبة بمكان تاني ب200 درهم ونفس الشي بنطبق على كل شي انته كيف نمط حياتك على اساسو اما بتوفر او لا وفي امثلة كتير قدامي اخدتها درس من يوم الي وصلت فيه عالامارات تعلمت من اخطاء غيري وتعلمت من خبرة ناس نجحت … وتقبل تحياتي كاره الاغبياء الورد