حلب : إنفجار يهز منطقة ” مساكن السبيل ” .. و ناشطون يتحدثون عن ” عملية نوعية لأبو عمارة ” ( صور )

سلمت الايادي ابو عمارة خلي الشبيحة ينبحو بحلب ويعرفو فيها رجال

طالما الشغلة صارت عمليات ” نوعية ” و بتسمعنا بكتيبة غايبة عن الارض شهور اذا مو سنين
معناتا عملية فراطة بفراطة
ازا بتقدرو تغيرو هالنظام تفضلو عالساحة
و ازا ما بتقدرو و بدكن تقضوها عمليا ” نوعية ” بيطبل الها عكس السير بكل قوة اي لكن روحو على بيوتكن و خلصونا و حاج تخريب …

العالم بدها تعيشششش ، لو كان فيكم خير ،من زمان كانت امور تغيرت ، قال عمليات نوعية! ،خلص فشلتوووو خلي الأجيال الجاية تغير بطريقة أذكى وأفضل مع تعلم درس كبير من ها الحرب، كفى عبث و لعب ولاد، سبع سنين بكفي !!!

الا لعنة الله عليكم وعلى بشار وقطر وتركيا وايران وروسيا وامريكا معكم
حاج خراب وحاج سيلان للدماء وحاج بكفي العالم تعبت السوريات صاروا ارخص من كيلو البندورة كل مين بدو ينهش بلحمهم شوي لوعندكم غيرة على نسوان بلادكم وقفو هالحرب القذرة اللي بتشبه وجوهوكم

اللهم اني اشهدك اني أبرئ اليك من افعال السفهاء

سلمت ايدي الشباب و حفظهم الله و بارك فيهم,
و حسب معرفتنا بهم, هم جماعة لا تابعين لتركيا ولا قطر ولا السعودية ولا اي جهة مجرمة اخرى.
و قلنا و عدنا كثيرا, ان هذا هو اسلوب الشغل الذي كان يجب ان يكون من اول يوم في الثورة, و ليس عراك مسلح مرهون بالشرق و الغرب…

“اذا بتقدروا تغيروا تفضلوا على الساحة”, “همجية”, “العالم بدها تعيش”… الخ
الشعارات المؤيدة للنظام الي صرعونا فيها حزب الكنبة من سبع سنين لهلق.
اذا بعد كل الي صار لسا مفكرين انه لازم الانس و الجن, و الغرب و الشرق, يجتمعوا و يعملوا من بلدكم سويسرا, و يترجوكم بالتفضل بالقبول بالجنه, لاني السوريين ذروة الخليقة و باشوات الكون, فلسا بتستاهلوا مجازر اكتر من الي صار و عذاب اسود.
مين مستنين يا غنم؟

المجرم حافظ دخل تقديرا بحوالي شي 100الف قتيل هديك الايام.
الناس الابرياء الي راح دمها هدر و ما حدا اخذ بحقهم.
(بغض النظر اخوان مجرمين و طليعة مقاتلة و كل هالعلاك الفاضي)
لذلك نحن عم ندفع الثمن 10 اضعاف و دخل الحيوان الاهبل ابن البغلة بمليون بني ادم.
اذا سكتنا و قبلنا كلام الانانيين الفوق, بكرة حفوضة الصغير راح يدخل ب10ملايين من اولادكم!

و منرجع منقول مرة تانية: مافي طرفين للنزاع.
في مجرم سفاح قاتل, جمع اشكاله من الوسخ من جميع بقاع الارض حواليه.
و في شعب ما بده ياه.
و انت يا مع الاسد يا لا!

اللي بيسمع عبارة ( عملية نوعية ) وكأن الناس في حلب متشوقه لهكذا عمليات على اساس اقترب النصر وحلب صارت قاب قوسين تحت سيطرتهم هدول على مين عم يضحكوا الحقائق انكشفت كلها الناس بالبداية كانت مسدئة فعلا انو في بعض الناس بخافوا الله بدهم يحاربوا الظلم والفساد والمحسوبية لكن بعد هالسنوات انكشفوا على حقيتهم وظهر نفاقهم إلا من رحم ربي خلص بح انتهت لا تتوقع ربنا ينصر هؤلاء والناس مليت وكليت ما عاد بدها شي غير ترجع الحياة الطبيعية تنام في بيوتها تصحى على شغلها لك قال كرامة قال السوري صار بدو جنيسية بنغالية افريقية المهم يعرف يفوت شي بلد تقبله .