بعد تهديدات بمعاقبة المتخلفين .. سلطات النظام في السويداء تخرج طلاباً و موظفين بمسيرة مؤيدة رداً على المظاهرات التي شتمت بشار الأسد و طالبت بإسقاطه ( فيديو )

كشف مقطع صوتي مسرب، لوفاء عفلق، رئيس فرع السويداء للاتحاد الوطني لطلبة سورية، عن تحضير “القيادة السورية” لمسيرة تأييد في المحافظة التي شهدت مظاهرات طالبت بإسقاط النظام.

وقالت عفلق، في التسجيل الصوتي المسرب، والذي تم تداوله على نحو واسع، إن التعميم الذي وصلهم، ينص على تنظيم الوقفة التضامنية أمام مبنى المحافظة، بمشاركة كافة الطلاب، والكادر التدريسي والإداري.

وهددت عفلق طيلة التسجيل المسرب، من يتخلف عن المشاركة بالمحاسبة، وقالت: “الموضوع بكرا على مستوى عالي من المسؤولية وتحمل المسؤولية، وفي محاسبة جادة بكرا، من الجميع، انتو والقيادات بدكم تكونو موجودين مش مبرر الغياب”، مشيرة إلى أن “مسؤولية كبيرة رح تكون على المقصر”.

ووجهت عفلق أعضاء الاتحاد، للتواصل مع عمداء الكليات والمعاهد، قائلة: “زملاء بتتواصلوا مع مدراء المعاهد بدنا بكرا حشود كبيرة لازم حتى إداريين ومدراء، لازم كلهم يطلعو، تواصلوا مع الجميع وشو بدكم بلغوني، وشو بدكم باصات منبعتلكم، لازم اقصى حد أقصى حد التجمع كلكم تكونو عنا هون الساعة 8 ونص حتى نمشي كلنا سوا”.

وأوضحت عفلق: “شايفين وضع المحافظة، شايفين التنديد عم يصير والإساءة عم تصير، والهتافات اللي عم تنرفع، واللي عم ينالوا فيها، وعم يطالوا فيها رمز الوطن، نحن كوطنيين كشرفاء، هذا ما منقبل فيه، واجبنا الوطني أن نوقف ونحكي هذا الأمر غلط، هنن عم يطالبوا حول الجوع الغلاء نحن كلنا معن، بهذا الجانب، لو ظلت فقط، منوقف معهن، لكن لما صارت عم يصطادوا بالماء العكر، ويوجهوا مطلب الغلاء باتجاهات ثانية، نحن بدنا نوقف ضدهم، نحن الشرفاء والقيادات والشباب المثقف”.

وعادت عفلق للتهديد بقولها: “رح يكون في محاسبة شديدة لأن هذا الموضوع واجبكم الوطني بحتم عليكم التواجد بكرا والاستنفار التام، الموضوع على مستوى عالي للمرة الثالثة بقلكم، كونوا يقظين كلكم زملاءنا استنفار تواصلوا مع مدراء المعاهد وعمداء الكليات، أعداد كبيرة لازم تكون، الأعداد لازم تنزل كلها متل ما هي، وتبلغوا الطلاب الوقفة من الساعة تسعة للساعة 1 مش ساعة ونفل، اللي بفل يحاسب، اللي ما بده يوقف، مشان يعني رمز الوطن، ونعكس الصورة السيئة اللي عم يطلعوها المتظاهرين عن الجبل، هذا ما بده يقول مش صح”.

وختمت علفق: “هي توجيهات القيادة، توجيه قيادتنا وتوجيه من فرع الحزب، وهذا الواجب الوطني بحتم علينا، الواجب الوطني أعلا من أي شيء، المذاكرات وأي شيء آخر، كله بكرا لازم يتأجل في عنا شيء أسمى لازم نطلع من قبل هدول، ونعلمهم كيف المطالبة الصحيحة، تكون، مش التنديد برمز الوطن”.

وصباح الأربعاء، قالت شبكة “السويداء 24” الأبرز في تغطية أخبار المحافظة إن “المئات من موظفين وطلاب ومواطنين توافدوا إلى ساحة محافظة السويداء، في مسيرة مؤيدة للرئيس السوري بشار الأسد، دعت لها فعاليات تابعة لحزب البعث، متوعدة بمحاسبة شديدة لمن لا يشارك، كما جاء على لسان رئيسة فرع اتحاد الطلبة، في تسجيل متداول”.

وذكرت وسائل إعلام موالية أن المشاركين في المسيرة أكدوا على “أهمية التعاون لمواجهة العقوبات الجديدة على الشعب السوري”.

https://www.facebook.com/housam.darwish/posts/3032562683525829